Joni 1:33 - Kamano

³³ Nagra ke'na antahi'na Agrira osu'noanagi, Agra'a hunantege'na mono tina frente'noa ne'mo nagrikura anage hu'ne, kankeno'ma avamu'mo monafinkati'ma, eramino Agrite'ma emani'nea ne'mo, Agra Ruotge Avamupi mono tina fre zamantegahie hu'ne.

Anumzamofo Routage Avantafere

³³ Nagra ke'na antahi'na Agrira osu'noanagi, mono tima frezmanto huno'ma hunante'nea ne'mo'a anage huno nasmi'ne, kesnankenoma Avamumo'ma monafinkati'ma eramino Agrite'ma emani'nea ne'mo, Agra Ruotge Avamupina mono tina fre zamantegahie hu'ne.

Joni 1:33 ပူးပေါင်းရင်းမြစ်များ

Matiu 3:11

Nagra amne tinteti mono tina fre nermantoe, tmagu'a rukrahe hnazegu, hianagi Agra henkama ne-emo'a nagrira nagtereno hihamu'ane ne' egahie, higena nagra Agri aganona (sendol) erizafiga osu'noe. Ruotge Avamupine, tevenu'ene Agra mono tina fre tmante'gahie.

Luku 3:16

Joni'a mika'mokizmi kenona anage hu'ne, nagra amane tintafanteti fre'neramantoe. Hianagi magoma ne'emo'a nagrira nagatereno tusi hihamu'ane ne' egahie. Nagra amuha osu'noankina Agari aganomofo nofira katu ofegahue. Agra mono tina Ruotage Avamuteti'ene, tevereti'ene freramantegahie.

Joni 1:31

Nagra antahi'na ke'na Agrira osu'noanagi, Israeli vahemo'za Agrira antahiza keza hnaze hu'na, nagra ena mono tina eme frezmante'noe.

Joni 14:26

Hianagi tmaza hu'zana, Ruotge Avamu, Nenfa'a Nagri nagifi huntesigeno eno, Agra maka'zanku eme rempi huramigahie. Nagrama maka'zanku tmasmi'noana hurmagesa hugahie.

Joni 3:34

Na'ankure Agrira Anumzamo huntege'no e'neankino, Anumzamofo keaga nehie. Na'ankure Agra refko osuga'are Avamura aviteno ami'ne.

Joni 3:5

Higeno Jisasi'a ana kemofo nona'a amanage huno asmi'ne, Tamagerafa hu'na kagrira negasmue. Aza'o tinteti'ene Avamuteti'ene ksefa osnimo'a, Anumzamofo kumapina uofregahie,

Joni 7:39

Hianagi Agrama amanahu kema hu'neana Ruotge Avamuku hu'ne, Agrite zamentinti hanamo'za erisagu hu'ne, na'ankure Jisasi'a ra agi e'orineno, Ruotge Avamura eoraminegeno hu'ne.

Aposol 1:5

Na'ankure Joni'a tintfanu mono tina frezmante'ne, hianagi ama knaretira upa knafi, tamagra ruotge Avamuteti tina fregahaze.

Aposol 2:4

Maka'mofona Ruotge Avamu'mo zamagu'afi viteno, zamazeri otige'za, Avamu'mo zamasamia kante ante'za, agafa hu'za aru agerupinti kea hu'naze.

1 Korinti 12:13

Na'ankure mago'amota Jiu vahe manunkeno, mago'amota Griki vahe mni'none. Mago'amota kazokzo eri'za vahe manunkeno, mago'amota amne vahe mni'none. Hianagi tagra magoke Avamupi tina freta, magoke avufafi mni'none. Ana higeta ana miko'mota magoke Avamupinti tazahu'zana e'nerune.