Jenesis 49:29 - Kamano

²⁹ Jekopu amanage huno mofavre naga'amokizmi zamasmi'ne, Nagra fri'na vahe'ni'ane umani knanimo'a kofta nehie. Hagi nafahe'ima ase zamante'naza mopare, havegampi ome asenanteho. Hiti ne' Efroni mopama mizama se'nefi ome asenanteho.

Anumzamofo Routage Avantafere

²⁹ Jekopu'a amanage huno mofavre naga'amokizmia zamasmi'ne, Nagrama fri'na vahe'ni'ane umani knanimo'a kofta nehie. Hagi nafahe'ima ase zamante'naza mopare, havegampi ome asenanteho. Hiti ne' Efroni mopama mizama se'nefi ome asenanteho.

Jenesis 49:29 ပူးပေါင်းရင်းမြစ်များ

Jenesis 15:15

Hanki kagra Abramuga so'e zampi mani'nenka ozafa resanke'za asegantesagenka negfa'zane umanigahane.

Jenesis 23:16

E'inage nehigeno Abrahamu'a nentahino, mago'a zgo'a refko huno Efroni eme ami'ne. Efroni'a agra'a kehia avamente fo hantreti'a (400) silva zgo anama'a hakare vahe zamufi eme ami'ne.

Jenesis 23:17

Efroni mopa Makapela, Mamre kaziga avugosa hunte'ne. E'i ana mopafi me'nea havegane, zafane, mopane, hakarezana ami vgare'naze.

Jenesis 23:20

Mopane havegane anampi me'neana, Abrahamu naga asezmante mope hu'za Hiti mofavre naga'mo'za ami vgare'naze.

Jenesis 23:9

Ome antahigenkeno Makapela mopa nminke'na, Ana mopa agentega havegampi Serana ome asentaneno. Ana mopamo'a nagri'za segahie. Hanki knarere hinkena'a hakare'amota tamufi knare hu'na miza hugahue.

Jenesis 35:27

Jekopu'a nefa hirega Mamre Kiriat-arba e'ne, e'i Hebron mago agi'e, ana kumara nefa Abrahamu ene Aisakike zoka umnina'a kumare.

Jenesis 35:29

Aisaki'a zaza kna maniteno ozafa reteno rentermino, vgare asimu antete'no frino agehe'zane agigo mo'zane umani'nazarega vu'ne. Jekopuke, Isoke eri'ne ome asente'na'e.

Jenesis 47:30

Hianagi nagrama frisnugenka, kagra Isipitira erinka vunka, vahe'niama asema nezmantafi ome asenanto, higeno, kema hanaza hugahue huno Josefe hu'ne.

Jenesis 49:28

Ama ana maka 12fu'a Israeli nagare, nezmafa asomu hunezmanteno zamasmi'nea naneke. Asomu huzmanteno, mago'mago mofona agri'a avamente asomu huzmantetere hu'ne.

Jenesis 49:33

Mofavre naga'amokizmi zamasmi vga reteno, agiarere sipare asuteno vgare asimu atrete'no (frino) naga'ane umani'ne.

Jenesis 50:12

Ana nehu'za Jekopu mofavre nagamo'za ke zamasmi'neaza hu'naze.

Jenesis 50:13

Agri mofavre'mo'za kerfa'a eri'za Kenani mopafi vu'za, Makapela havegampi Mamre kuma tvaonte ome asente'naze, ko'ma Abrahamu, vahe asente mopa Hiti ne' Efroninteti, miza hu'nea mopafi asente'naze.

Hibru 12:23

Kagra Anumzamofo zage mofavremokizmi zamagi'a monafinka krentenege'za atru hu'nafi e'nane. Kagra Anumzamofonte mika vahe refko nehia Nete e'nane. Miza sezamantege'za fatgo huza agru huza mni'naza vahe'mofo avamuzmimo mni'nea kumate kagra e'nane.