Jenesis 49:24 - Kamano

²⁴ Hianagi Josefena azamo'a oragesigeno, ati amo'a hanve tinkeno, keve ahesiana hantaga osugahie. Hanve nentake Jekopu Anumza'mofo azampintira evu oramigahie, ana Anumzamo Israeli vahe afu kva hiankna nehuno, zamagu'vazi havegna hu'ne.

Anumzamofo Routage Avantafere

²⁴ Hianagi Jekopu Anumzamo'a Josefena hankavea aminkeno azamo'a oragesigeno, kevema ahesiana hantaga osugahie. Ana Anumzamo'a Israeli vahera sipisipi afu kegava hiankna nehuno, zamagu'vazi havegna hugahie.

Jenesis 49:24 ပူးပေါင်းရင်းမြစ်များ

Jenesis 45:11

Anantega mani'nenagena nagra ne'zana tamigahue, 5fu'a agate kafumofo agu'afina, kagrane, mika nonka'afima maninaza vahe'tminema omesutma tamunte omnena frigahaze.

Jenesis 45:5

Menina tamagra tamagazegura osutma tamagra ramagra tamarimpa oheho, na'ankure tamagra mizante natrage'na amafina eomani'noe, na'ankure Anumzamo hunantegena egota hu'na ofrita manisagu emani'noe.

Jenesis 45:7

Anumzamo hunantegena ofrita manisagu egotena e'noe, ama mopare tmazeri'se nehu'na, agate kna'afina tmagri'ra tmazama hanuana tusi'a knare kankamupinti tmaza hugahue.

Jenesis 47:12

Josefe'a nefane, afuhe'ine, nefa nompima nemniza vahe'ene, osi mofavre naga'enena, nezana mani'naza avamente zamine.

Jenesis 48:15

Asomu ke Josefe hunenteno amanage hu'ne, korapama nenfa Abrahamu ene Aisakike Anumzamofo avure vano huna'a kna huno, nagrira Anumzamo mani'zaniafi sipisipi kva nehia kna huno kva hunanteno menina amagnare ehanatie.

Jenesis 49:23

Ha' vahekamo'za atireti hanveti'za hara hunegante'za, kevea negahe'za, kazeri haviza hugahaze.

Jenesis 50:21

E'ina hu'negu tamagra korora osiho, Nagra tamagri ene, neone mofavre naga enena tamazeri knare hugahue. Zamanukige antege nehuno, knare kegaga huzmi'ne.

Matiu 21:42

Jisasi'a anage huno zmasmi'ne, Anumzamofo avontafepina tamagra hampritma nonkazo? Nogi vahe'mo'za knare osu'ne hu'za eritre'naza havemo'a, nomofo renagentete asente'nageno azeri hanaveti have menina fore nehie. Ama'i Anumzamo tro hu'neankino, tvurera so'e zantfa fore nehie. (Sam-Zga 118:22-23)

Maki 12:10

Hanki ama naneke Anumzamofo avontafepi krente'nazana hampritma ontahinazo? Nogi vahe'mo'za haviza hie huza atre'naza havemo'a, no renage antepinka no azeri hanaveti have fore hu'ne.

Luku 20:17

Hianagi Jisasi'a nezmageno anage hu'ne, na'ante amanage huno avontafepina krentene. Nogi vahe'mo'za zmesra huntaza havemo'a, no renegentete ugagota huno azeri hanaveti have fore hu'ne? (Sam-Zga 118:22)

Aposol 4:11

Ama ana Jisasina, Tamagra nogi vahe'motma tamavesra hutma retufe atre'naza haveagi, e'i ana havemo'a no renagentete azeri hanaveti have fore hu'ne. (Sam-Zga 118:22)

Romu 14:4

Kagra izaga rumofo eri'za vahera refko hunezmantane? Agri'a kva'amo refko hunteno, kagra eriza ka'are otigahananki, kagra evuramigahananki huno huntegahie. Hu'negu Ramoke azeri otisigeno, otino manigahie.

Efesasi 2:20

Aposol naga'ene kasnampa naga'mo'za, tra' zafagna hu'naze. Krais Jisasi'a Agra nomofo renagentete tra havegna hu'ne.

Kolosi 1:11

Agri'a msanetake hankavereti tamazeri hankavetinketa kazikazi huta nevuta, akoheta agazone huta musezampi manigahaze.

2 Timoti 4:17

Hianagi Ra Anumzamo onatreno nagrane mani'neno hanave nami'ne, ana higeno nagrama nehua nanekemo'a ama hnige'za, maka zamufga tga osu vahe'mo'za antahigahaze. Ananku huno nagrira nahoke aheno laionimofo agipintira navzu hutre'ne.