Jenesis 44:31 - Kamano

³¹ Nerfama kesigeno ana mofavremo tagrane ovanigeno'a, agra frigahie. E'inama eri'za vahe ka'mota hanuta, nerfana eri'za ne' ka'a efe azoka'ra azeri ante henkma antesunkeno asuzampi mani'neno, fri vahe kumapi (Seol) umanigahie.

Anumzamofo Routage Avantafere

³¹ ana mofavrema nagranema ovanigeno'ma kesuno'a agra frigahie. E'inama eri'za vahe ka'mona hanuna, nenfana eri'za ne' ka'a efe azokara azeri ante henkma antesugeno asuzampi mani'neno, fri vahe kumapi (Seol) umanigahie.

Jenesis 44:31 ပူးပေါင်းရင်းမြစ်များ

Jenesis 37:35

Ana hige'za mika ne'mofa amo'za, otiza azeri avavasenaku hu'nazanagi, azeri vava sezankura ave osine. Nehuno agra amanage hu'ne, Nenamofonku zvi netena frina fri vahe kumapi umanigahue. Nehuno nefa'a zvi ate'ne.

Jenesis 42:38

Nehigeno Jekopu'a anage hu'ne, Nagri nenmofo'a kagranena uoramigahie. Nankure nefu'a fri'geno, agrake mani'ne. Kama nevnageno ha'zamo kantega tutagihama hanigeno'a, efe nazokara nazeri ante henkmatesankeno nasuzamo nahe frina (Seol) fri vahe kumapi umanigahue.

Jenesis 44:29

Mago'ene ama negnama avreta vnagenoma, anahu hazenke erisigeta, nagrira efe nazokara nazeri ante henkma tesankeno nasuzamo nahe frina, fri vahe kumapi (Seol) umanigahue.

2 Korinti 7:10

Na'ankure Anumzamo'a tagripima me'nea tasunku zampi huvazino taza hanigeta, kumira atreta tagu'a rukrehe hanunkeno taguravazina, tagra knazantigura tagesa ontahigahune. Hianagi tasunkuke nehuta tagu'a rukrehema osnunana, fri'za erifore hugahie.

1 Tesalonaika 4:13

Nafuhegta, mono nerafuza koma fri'namo'za nankna hugahazafi, tamagra ketma antahitma nehutma, Jisasi'ma esigu amuhama nosaza vahe'mo'za zavimanetaza zana osugahaze.