Jenesis 29:30 - Kamano

³⁰ Hanki Jekopu'a Resolina anteno mase'ne, agra Leama avesi nenteama'a agatereno Resolina rama'a avesintene, agra ana nehuno Labanina erizana 7ni'a zgegfufi erinte'ne.

Anumzamofo Routage Avantafere

³⁰ Hanki Jekopu'a Resolina anteno mase'ne, agra Liama avesi nenteama'a agatereno Resolina tusiza huno avesintene. Agra ana nehuno Lebanina erizana 7ni'a zagegafufi erinte'ne.

Jenesis 29:30 ပူးပေါင်းရင်းမြစ်များ

Jenesis 29:17

Lea avurgamo'a kzagiri'ne, hagi Resoli avurgamo ene, avufgamo enena knarezantfa hu'ne.

Jenesis 29:18

Jekopu'a Resoli avesinteno, amanage hu'ne, nagra 7ni'a kafufi osi mofaka'a Resoli erikura erizanka'a erigantegahue.

Jenesis 29:20

Resolima a' erikura Jekopu'a 7ni'a zgegfu eri'zana eri'ne, ana kna'mo'a agritera osi knasentene, na'ankure agrama Resolima avesinte'negu ana hu'ne.

Jenesis 29:29

Labani'a, Bilha katozama'a e'neri a' avreno Resoli katoza eri aminogu ami'ne.

Jenesis 29:31

Hanki Ra Anumzamo keana Jekopu'a Leana avesi ontegeno, Anumzamo rimpa eri vasne'ne, ana hianagi Resoli'a narvo mani'ne.

Jenesis 31:15

Hagi nerfa'a ko hurantegeta ruregati emani vahe kna hu'noe. Tagrira ko mizante tatre'ne, Tagriteti afufeno eriana ko ana afu fenona atre hana hu'ne.

Jenesis 31:41

Nagra kagri nompi 20ti'a zgegfu hu'noe, Nagra 14ni'a zgegfu taregamofa kamofo eri'za eri'noe, 6si'a kafufina afu'zgakamofo eri'za eri'noe, ana nehugenka mizani'a afu nmi'nampinti 10 ni'a zupa eri fenka anaga hu'nane.

Jenesis 44:20

Tagra ranimofo asmi'none, nerfa'a ranafa re'ne, ranafa refinka osi mofavre ante'ne. Menina osi ne'mofo nempu'amo frigeno agrake nerera enena mani'negeno, nefa'a avesinente.

Jenesis 44:27

Kagri eri'za vahe nenfa tagriku anage hu'ne, tamagra antahi'naze a'nimo tare ne'mofavre kse nmi'ne.

Matiu 10:37

Aza'o nefano, nererama avesinte zamo'ma ra hanigeno, Nagrima avesinante zamo osima hanimo'a, Nagrima namage'ma antezantera knarera osugahie. Hanigeno aza'o ne'aguro mofa'aguma avesinte zamo'ma ra hanigeno, Nagrima avesinante zamo osima hanimo'a, Nagrima namage'ma antezantera knarera osugahie.

Matiu 6:24

Mago'mo'a tare kva netera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zgore enena monora huontegahane.

Luku 14:26

Mago'mo Nagrite enaku nehuno, nefane nererane a'amofone, mofavre'ane afuhe'ine, asarehe'ine, agra'agu'enema ha'ma reontesimo'a, Nagri disaipol omanigahie.

Joni 12:25

Aza'o agragu'ma avesi antesimo'a, mani'zama'a eri haviza hugahie. Iza'o ama mopafi mani'zama'a ha'rentesimo'a, manivava asimu erigahie.