Hibru 6:5 - Kamano

⁵ Anumzamofo knare naneke ko eneriza, henkama esianknamofo hankave ke'za antahiza hu'nesamozama,

Anumzamofo Routage Avantafere

⁵ Anumzamofo knare naneke ko eneriza, henkama esianknamofo hankave ke'za antahiza hu'nesamozama,

Hibru 6:5 ပူးပေါင်းရင်းမြစ်များ

Matiu 12:32

Iza'o Vahe'mofo Mofavregu mago kema huhaviza hunte'sazana, Agra kumizmi'a atre zmantegahie. Hianagi iza'o Ruotge Avamumofonku huhaviza huntesaza vahera menine, henka'anena kumi zmi'a atre ozmantegahie.

Maki 6:20

Na'ankure Heroti'a Joninku koro nehuno, kegva krintene. Na'ankure agra antahino keno hu'ne. Joni'a fatgo huno ruotage hu'nea nere. Joni agenke nentahino agogogu hu'neanagi, Jonima hania kema antahinakura muse hu'ne.

Luku 8:13

Hanki mago'a avimazana havege mopafi evurami'neana, Anumzamofo kema nentahi'za muse huza eri'nazanagi, rafuna ore'naze. Osi'a knafi zmentinti nehu'za, rezmatga'zama ege'za traka hu'za atre'za nevaze.

Efesasi 6:17

Anumzamo tamagu vazino tamazahu'nea antahintahia, fetori kna hutma antegahaze. Avamu'mofo kazinknona Anumzamofo naneke eneritma,

Hibru 11:3

Tamentinti nehunku, Anumzamo'a ke'areti ama mopane, monanena trohune huta antahi amara nehune. Ana hu'negu menima tavuma negona zana, Anumzamo'a nonkona zanteti tro hu'ne. (Jen-Agf 4:3-10)

Hibru 2:5

Henkama esia mopaguma nehuna mopa, ankero vahe'mo'za kva hiho huno huozamante'ne.

Hibru 4:12

Na'ankure Anumzamofo kemo'a kasefa huno me'neno, eri'za enerino, tarega kaziga asanenea kazimofo asenezama'a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi'nefine, zaferinamofo asinu'afi ufreno tga nehuno, tavutavazane tagutagesamofo avesizana refko nehie.

1 Pita 1:25

Hianagi Anumzamofo nanekemo'a mevava hugahiankiza, ama'i ana naneke huama hu'za tamasami'naze. (Ais 40:6-8)

1 Pita 2:3

Hanki e'inama hutma Anumzamo'ma so'ema huneramantea zamofo haga'ama erisuta, Ramo'a so'e hune hutma hugahaze.

2 Pita 2:20

Na'ankure zamagrama ama mopafi havi avu'avaza atre'za, Ranti, Taguvazi Ne'ma Jisas Kraisima ke'za antahiza hu'nesaza zama, ete atre'za koma mni'naza havi avu'avapima ufresu'za, ese'ma mni'naza havi avu'avara agatere'za, havizantfa hu'za manigahaze.