Hibru 12:28 - Kamano

²⁸ E'ina hu'negu tagrama e'neruna kumara eri tagosi osu hanavenentake kuma e'nerune. Hu'negu Anumzamofona muse hunenteta, tagu'a anteramita Agri'ma avesinigeno muse hania mono huntesune.

Anumzamofo Routage Avantafere

²⁸ E'ina hu'negu tagrama e'neruna kumara eri tagosi osu hanavenentake kuma e'nerune. Hu'negu Anumzamofona muse hunenteta, tagu'a anteramita Agri'ma avesinigeno muse hania mono huntesune.

Hibru 12:28 ပူးပေါင်းရင်းမြစ်များ

Proveps-Knare Nomaniza 28:24

Iza'o nerera nefa zama kumzafama neseno kumira nosue nehimo'a, agra mikazama eri havizama nehia vahe'ene tragonete.

Matiu 25:34

Anante kinimo'a azantmaga kazigama mani'namokizimigura amanage huno hugahie. Nafa'nimo'a asomu huramante'neanki, etma mona mopa tro osu'nenoma retro huramante'nea kuma emeriho hugahie.

Luku 1:33

Agra, Jekopu nagate kegva huzmantevava nehinkeno, kini erizama'amo ene Agrama kegva hania kumamo'a mevava hugahie.

Romu 11:20

E'i tamage, Jiu vahe'mo'za zmentinti osazagu hantgi nezmatreno, megi'a vahe'mota tamentinti hzagu tmazeri rukamre rmantene. Tamagra'agura antahisga osutma, Anumzamofonku koro hunteho.

Efesasi 1:6

Anumzamo, avesinentemofo Jisas Kraisimpi taza hu'zana eri tagitregeno erami'neazankura, ra agi amisune,

Efesasi 5:10

Mraguzatitma Rantamimofo avema nesiaza rempi hiho.

Filipai 4:18

Na'ankure rama'aza nagrira namizageno avite'ne, upa'ma hu'noa zama'a mika eri'noe. Na'ankure Epafrotitusi musezama antageno erino e'nefina mananentake zama, kre sramna vu ofagna nehigeno, Anumzamo'a muse huno e'inahu musezana e'nerie.

Hibru 10:19

E'ina hu'negu nafuheta hanavetita Jisasi koranteti azeri Ruotge hu'nefinka ufrenune.

Hibru 13:15

Ana hu'negu Jisas Agifi, tagrati tavufga Anumzamofona ami vganereta, ra agia ami'vava nehuta, Agri Agima tagipinti huama hunazamo rga'a fore nehie.

Hibru 13:21

Agri avesizama'a avaririzantema upama hanarera, maka knare zama'areti tamazeri knare hugahie. Hakare'zana Jisas Kraisimpi nehanunkeno Anumzamo'a muse hanie. Hakarea ra agia Agrake erivava hanie. Tamage.

Hibru 3:6

Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Hibru 4:16

Hu'negu korera osu hanavetita asunku Anumzamofo tramofo avuga ne-eta, asunkuzane avesirantezanena, atupama hanuna knafina erinunkeno taza hugahie.

Hibru 5:7

Jisasi'ma ama mopafima mani'neno'a, fripinti Agri'ma azama hanimonfonku, Anumzamofontega kezatino zavineteno, nunamu huno antahinegegeno, Anumzamo'a nunamuma'a antahi ami'ne, na'ankure Agra Anumzamofo antahimizana me'negeno'e.

1 Pita 1:17

Tamagrama hutma nerafa'e nehaza Anumzamo'a, Agra magokemofonkuke osu Anumzankino, maka vahe'mo'za zamavuzmavama nehazare refkoa huzmantegahie. Ana hu'negu, ama mopafima zoka vahekna huta atupa knafima mni'nenarera, Anumzamofonku kore hunentetma ra agi amiho.

1 Pita 2:20

Tamagrama haviza hu'nenage'za, havizamofo nona hu'za tamazeri haviza hanazana, mago knare'zana e'origahaze. Hianagi tamagrama knare tamavutmazama nehanage'za, tamazeri havizama hanazana, Anumzamo'a asomu huramantegahie.

1 Pita 2:5

Tamagranena asimu eri havegna hu'nazageno, avamupi mono nona kiaza nehigetma, avamupi ruotge prisi vahe'mofo nonkna nehutma, Anumzamo avesi'nea ofa Jisasimpi avamupina hunentaze.

Revalesen-Hufo Hu'ne 1:6

Agra'a vahe tazeri retro huneranteno, Anumzamofo eriza erisuna prisi vahe tavareno retro hurante'neankino, Agrake'za maka kna ra agi'a e'nerino hanavea erino, manivava hugahie. Tamage.

Revalesen-Hufo Hu'ne 15:4

Ramoka, iza kagrikura korera nosuno, kagi'a erisaga osugahie? Na'ankure Kagrake Ruotge hunane. Maka kumapi vahe'mo'za, eza Kagri kavuga monora eme hugantegahaze. Na'ankure fatgo kavukvazamo'a eama hu'ne. (Eks-Uti 15:1-18, Diu-Kas 32:1-44)

Revalesen-Hufo Hu'ne 5:10

Kagraka'a kumaka'afi huhampri zmantanke'za, kinimofo prisi vahe tro huza manizankiza, zamagra ama mopafi veara kegva hu'za manigahaze.