Hibru 11:7 - Kamano

⁷ Anumzamo'a Noana asamigeno amentinti ana kegura nehuno, amageanteno tima hagesifima naga'a zamagu vazisigura ventea tro hu'ne. Fore'ma osu'nea knaza fore hugahie huno Anumzamo'a asamine. Noama amentinti hu'neazamo, ama mopafi vahe'mofo kefo avu'avazazmia eriama nehigeno, Anumzamo'a fatgo nere huno huntene. (Jen-Agf 12:1-8)

Anumzamofo Routage Avantafere

⁷ Anumzamo'a Noana asamigeno amentinti ana kegura nehuno, amageanteno tima hagesifima naga'a zamagu vazisigura ventea tro hu'ne. Fore'ma osu'nea knaza fore hugahie huno Anumzamo'a asamine. Noama amentinti hu'neazamo, ama mopafi vahe'mofo kefo avu'avazazmia eriama nehigeno, Anumzamo'a fatgo nere huno huntene. (Jen-Agf 12:1-8.)

Hibru 11:7 ပူးပေါင်းရင်းမြစ်များ

Jenesis 19:14

Loti'a mofa'amokizni arave hugaha'e huno huhampri znante'nea ne'tre amanage huno huznante'ne, Anumzamo ama kumara ahe fanane huku nehianki otita vinkero, huno hige'ne, Reravatga nehunka taginke nehane nehu'ne kiza re'na'e.

Jenesis 6:13

Hagi Anumzamo, Noana asmi'ne, ke ontahizageno kefo zamo'a aviteankina zamagri'ene mopazimine zamahe fanane huku Nagra nagesa nentahue.

Jenesis 6:22

Higeno Anumzamo asmi'neaza huno Noa'a maka'zana tro hu'ne.

Jenesis 6:9

Noa nagamofo naneke amanahu me'ne. Ana knafi mani'naza vahepina Noa'a fatgo huno hazenke'zama'a omne'ne Anumzane tragoteno mani'neno amage anteno vu'ne.

Jenesis 7:23

Ra Anumzamo vahe'ene, ne'onse zgarmine, nmane, zgagfanena zamahe fanane hige'za omnitfa hu'naze. Higeno Noa'ene ventefi mani'namo'za zamagrake ksefa hu'za mani'naze.

Jenesis 7:5

Higeno Anumzamo asmi'neaza huno Noa'a mika'zana hu'ne.

Jenesis 8:16

kagrane nagaka'anena ventefintira atreta fegi'a atirmiho. Ventefima mani'naza zgagfane, nmane, mika mopafi vano nehaza zgarmine, zamare atrege'za mopafi vu'za eza nehu'za kse hakare hu'za maniho.

Proveps-Knare Nomaniza 22:3

Ankere antahizane vahe'mo'a, hazenke zama ne'esigeno negeno maniganesigeno agateregahianagi, knare antahizama omane vahe'mo'a, hazenkema fore'ma nehanigeno'a, negeno nevuno ana hazenkezana erigahie.

Proveps-Knare Nomaniza 27:12

Knare antahi'zama me'nesia vahe'mo'a hazenkema agrite'ma eku'ma haniazana ko negeno, mani'ganenigeno agateregahie. Hianagi knare antahi'zama omane vahe'mo'a, avua onkeno ana hazenkefina vuno ufregahie.

Matiu 2:12

Anumzamo'ma ava'nafi zamasmino Herotintera oviho hunoma hu'nea kea nentahiza, antahi'zane vahe'mo'za oti'za rugantegati mopa zamirega vu'naze.

Matiu 24:15

Hianagi tusi'a haviza'mo'ma ruotge hu'nesia kumapima efreno knare'zama ahe fnane nehnigetma negesutma ksanampa ne' Danieli hunte'neazamo'e nehuta, atrenke'za hamprisamo'za antahi ama hiho. (Dan 9:27, 11:31, 12:11)

Matiu 24:25

Hagi antahi ankereho, korapa Nagra fore hugahie hu'na tmasmi'noane.

Matiu 24:38

Na'ankure tina ohage'nege'za, ana knafina, vahe'mo'za nezana nene'za, aka tina nene'za, a'nea e'neriza, ara masi omiami nehazage'no, Noa'a ventefina umreri'ne.

Matiu 3:7

Hianagi agrama kege'za hakare'a Farisi vahe'ene, Sadusi vahe'ma mono ti frekure hu'za ageno, Joni'a anage huno zamasmi'ne, tamagra ha' osifavemofo mofavre nagare, aza tmasmino amuma ne-ea Anumzamofo rimpahe zampintira fregahaze.

Luku 17:26

Noa knafima hu'nazaza hu'za, Vahe'mofo Mofavremoma enaku'ma hania knafina, anahu zamavuzma nehu'za,

Romu 1:17

Na'ankure ama ana knare musenkefi, Anumzamo fatgo avu'avaza hurante'nea avu'avamo'a efore hu'ne. Eri agafa huneretima vuno vagaretema uhanatisiana, amentintima hu'zamo azeri ruotagera hugahie. Avontafepi huno, Fatgo vahe'mo'za zamentinti zanteti zamasimura eri'za manigahaze hu'ne. (Hab 2:4)

Romu 10:6

Hu'neanagi amentintiretima Anumzamofo avure'ma fatgo huno mani'zankura anage hu'ne, iza monafinka vuno Kraisina tazahinogura avrefenkamia tamigahie hunka kagu'afina ontahio.

Romu 3:22

Tagrama fatgo huta Anumzamofonte manisune hanuta, Jisas Kraisinte tamentintia hanunkeno, Anumzamo'a ftago vahe mni'naze huno hurantegahie. Mago kana omnetfa hu'ne. I'o.

Romu 4:11

Oku avufgama tga hu'zana amentinti huzamofo avame zankino, ko Abrahamu'a amentinti higeno Anumzamo'a avregeno, fatgo nere huno huntene. Oku avufgama tga osunere anagea huntene. E'ina hu'negu oku zamavufga tga osu vahe'mo'za zamentintima haza vahe'mokiziminena, Anumzamo'a fatgo hu'naze huno huzmantesigeno, Abrahamu'a avamupina nezmafaza hugahie.

Romu 4:13

Na'ankure Anumzamo'ma Abrahamune agehe'mokizmi huvempa ke huzmanteno, ana miko mopa zami'neana Anumzamofo kasege amage antezantera ozami'ne. Hianagi Anumzamo'enema amentintifima fatgo huno mania zante ami'ne.

Romu 9:30

Hagi na'ane huta hugahune? Megi'a vahe'mo'za Anumzamofo avufi fatgo vahe mani'zankura nohakazanagi, zamentinti hzageno Anumzamo'a fatgo vahe mani'naze nehie.

Galesia 5:5

Na'ankure tagra Avamumo taza higeta tamentinti nehuta, fatgo vahere huno hurantesigu amuhara nehune.

Filipai 3:9

Agra'ene tragote'na mani'ne'na, nagra'ni'a kasege avarurua kanteti fatgoa osu'noe. Hianagi Kraisinte tamentinti nehunkeno, Anumzamo fatgo vahere hunerante.

Hibru 11:1

Amentintima hu'zana, onke'nona zamofo tamage huno fore hugahie huta amuhama nehuna zane.

Hibru 12:25

Kema neramasamia Anumzamofo kema rutregezankura kava hiho. Na'ankure Israeli vahe'mo'za Sainai agonareti kema zamasamige'za rutagre'nazana Agrira agate'orenazanki, tagra inakna huta monafinti kema rutragesunana Agrira agateregahune?

Hibru 5:7

Jisasi'ma ama mopafima mani'neno'a, fripinti Agri'ma azama hanimonfonku, Anumzamofontega kezatino zavineteno, nunamu huno antahinegegeno, Anumzamo'a nunamuma'a antahi ami'ne, na'ankure Agra Anumzamofo antahimizana me'negeno'e.

Hibru 8:5

E'i ama mopafi mono nompi kresramana vu eri'zama enerizana, monafinkama tamazama me'nea zamofo avame'za me'ne. Na'ankure Mosese'ma seri mono noma kinakuma retro nehigeno'a, Anumzamo'a Mosesena hanave ke asamino, e'sema ama agonare mikozama kaveri hu'noa kante antenka, seri nona kio huno huntene. (Ekso-Uti 25:40)

1 Pita 3:20

E'i ana avamutamina korapama Noama ventema negigeno, Anumzamofo ke eri atrazanagi, Anumzamo akoheno zmavega anteno mni'nea avamutamine. Hankino 8ti'a nagamoke'za ana timo'ma zmahe refitegeno'a, zamaguravazine. (Jen-Agf 6-8)

2 Pita 1:1

Nagra Saimoni Pitana, Jisas Kraisi kazokzo eriza aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofontema tazeri fatgoma nehia Nete'ma tamentintima nehazamotarega, ama avona kreneramue.

2 Pita 2:5

Hianagi korapa knafi vahera, ozamatreno zmahe frivgarene. Hianagi fatgo avu'avazankuke kea huama nehia ne' Noanki 7ni'a naga'agi huno nozmaheno, kefo avu'avazama nehaza vahera, tusi'a ko tinu zmahe frivgarene.

2 Pita 3:6

Anantera ama mopafima me'nea zantamina, tusi'a tinu ahe fanane hu'ne.