Hibru 10:23 - Kamano

²³ Fore hugahie huta tamentinti nehuta huama nehuna zana azeri hanavetisune. Na'ankure huvempama hurantenemo'a hugahuema hu'neazana amanehu nere.

Anumzamofo Routage Avantafere

²³ Fore hugahie huta tamentinti nehuta huama nehuna zana azeri hanavetisune. Na'ankure huvempama hurantenemo'a hugahuema hu'neazana amanehu nere.

Hibru 10:23 ပူးပေါင်းရင်းမြစ်များ

1 Korinti 1:9

Anumzamo'a ke hunte'nere ana kemofo amage'ante Ne'mo, Agra'a Nemofo Jisas Kraisi Rantimo'ene trogoteta magopi manisunegu, tagia hu'ne.

1 Korinti 10:13

Antahio! revatga zama ne-eana kagritekera nome, hakare'a vahete neankna huno ne-e. Anumzamo'a Agra knare hu'neankino atresigeno, ana revatgazamo'a hanavetino kazeri otregahie. Revatgaza ne-enkeno'a katresigenka evuoramigahananki, kana kaverina oti hanavetinka manigahane.

2 Korinti 9:13

Na'ankure vahe'ma zmaza huta knazami erizamo, knare tamavuta eriama hina nege'za, Kraisi knare musenkemofona amagenentaze hu'za huama nehu'za, Anumzamofona ra agi erisaga hugahaze.

1 Tesalonaika 5:24

Anumzamo'ma tamagima hunemo'a, fatgo huno ke'are amage antegahiankino, Agra anahukna huno eriknare huramantegahie.

2 Tesalonaika 3:3

Hianagi Ramo'a hugahuema haniaza hu'nekino, havi avu'avazama hu ne'moma tamazeri haviza huzankura kegva huramantegahie.

Taitus 1:2

manivava asimu fore hanigu tamentinti nehuta avega antesune. Havige osu Anumzamo ama mopa fore osu'negeno, korapa huvempa hunte'neane.

Hibru 11:11

Sera'enena tavavategeno avufgamo'a haviza hu'neanagi, amentinti nehuno Anumzamo'ma huvempa hu'nea kemo'a nena'a fore hugahie higu, mofavre kasentene. (Jen-Agf 17:19, 18:11-14, 21:2)

Hibru 3:1

E'ina hu'negu ruotage hu'naza mono nerafugata, tagrama huama nehuna Jisasinkura Aposol ne' mareri agaterenea prisi nere hutma antahi amiho.

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

Hibru 3:6

Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Hibru 4:14

E'ina hu'negu tagrira mareri ageteresa prisi nera monafinka ufrenemofonte, Anumzamofo Ne' Mofavrere Jisasinte tamentintia azeri hankavetisune.

Hibru 6:18

Anumzamo'a huvempa hu'nea ke'ane, hugahuema hu'nea kemoke eri'ante amama hiana, Anumzamo'a havigea osugahie hu'ne. Ana hu'negu tagra maka havizama ne-enketa, Agritega freta vuta kasefa hanavea ome enerita, fore'ma hanigu tamentintima nehu'naza azeri hanavetigahune.

Jemisi 1:6

Hu'neanagi antahigesimo'a, amentinti nehuno tare agu'agesaretira antahionkeno, na'ankure tare agu'agesareti'ma antahigemofona, zaho erino hage rimomofo eri kranto kranto hiankna nehie.

Revalesen-Hufo Hu'ne 3:11

Nagra ame hu'na egahuanki, ko'ma eri'nana zana azeri kona huo, ana'ma osnanke'za rumo'za kini fetori ka'a erigahaze.