Galesia 6:1 - Kamano

¹ Nenafugta magotamimo'ma kumipima evuramisigeta, Ruotge Avamumofo nevaririsamota, ana kumapima evuramizankura tamagra'a kegva hu'netma, fru avu'avazampinti e'inahu vahera azeri fatgo hugahaze.

Anumzamofo Routage Avantafere

¹ Hagi nenafugta magotamimo'ma kumipima evuramisigeta, Ruotge Avamumofo nevaririsamota, ana kumapima evuramizankura tamagra'a kegava hu'netma, fru avu'avazampinti e'inahu vahera azeri fatgo hugahaze.

Galesia 6:1 ပူးပေါင်းရင်းမြစ်များ

Matiu 11:29

Nagri agarenmare zafa eri kofinetma, Nagriteti rempi hiho. Na'ankure Nagra akohena nagu'a antefru hu'na nemanue. Hanigeno tamagu'amo'a fru hugahie.

Matiu 26:69

Ana kumapi fegi'a Pita'a umani'negeno mago eri'za mofa'mo eno, kagranena Galili ne' Jisasi ene vano nehazafinti mago zamimoke, hu'ne.

Matiu 26:75

Anante Jisasi'ma hu'nea kere Pita'a agesa antahigeno vu'ne, kokoremo krafa osu'nenkenka onkenoa nere hunka tagufa zupa vahane hugahane hu'nea kegu nentahino, Pita'a fegi atiramino tusi asunku huno zavi ate'ne.

Matiu 9:13

Jisasi'a zmasamino, vutma ome zaganeta antahiho ama kemo'a na'ane hu'nefi, Nagrira rumofo asuragintezanku navenesie, hagi (ofagura) kresramangura nave'nosie. a'ankure Nagrama e'noana, fatgo vahe zamagi huku ome'noe, hagi kumi vahe zamagi hanuge'za, zamagu'a rukrahe hihogu e'noe. (Hos 6:6)

Romu 14:1

Zamentintifima hanavema otinesamokizmia tamagrarega zmavrenentetma, antahintahifina knare hu'ne haviza hu'ne hutma zmentinti zmimofona refko huozmanteho.

Romu 15:1

Tamentinti zampima hanavema tinomota, hanavema otinesamokizmia zamaza hanune. Hagi tagra'ama taza huzankukera ontahisune.

Romu 8:6

Hu'negu ko'ma kumima nehuna tavutava zanku'ma antahizamo'a fri kante tavreno nevie. Hianagi atrenkeno Avamumo antahintahitamia kva huramantena asimu erino rimpa frune manizampina viho.

1 Korinti 10:12

Kagrama oti hanaveti'noe hunka nentahisunka, traka hu'zanku kva huo!

1 Korinti 14:37

Mago'mo'ma huno kasnampa vahe mani'noe huge, avamupi antahi'zane vahe mani'noe huno hanimofona, atrenkeno anamo'a amama kreramua avona, Ramo huo huno hunte'nea kasege huno agra'a antahi'ama hino.

1 Korinti 2:15

Hu'neanagi aza'o Avamu'ene mani'nesimo'a, mika'zana refko huno antahi ama hugahie. Ana hugahianagi mago'mo'e huno Avamu'ene mani'nesimofona refko huno ageno antahino osugahie.

1 Korinti 3:1

Nenafugatane nasareheta tamagra ne ko'ma mani'noana, avamupi nena hu'za mani'naza vahe'mo'za nehazaza hu'na nagra noramasamue. Hianagi mopafi avu'avazampi mani'nagu Kraisimpina osi mofavre mani'nazage'na neramasmue.

1 Korinti 4:21

Tamagrira na'anku tmavenesie? Nagra sefu knone e'na eme tamazeri ftasgo hanufi, avesinte'zane rimpa fruzane esue?

1 Korinti 7:5

Tanavufa eri mago huzankura i'o osi'o. Hianagi mago tanarimpa hutna mago'a kna amne mani'neta, nunamu hanu'e hanuta'a, amne anara hugaha'e. Hianagi anama hutesutna ete ko eme tragoteta mani'o. E'i ana hutna tanavufamofo avesizana kegva nehnakeno, Sata'ma retanaheno ke'niana, evu oramigaha'e.

2 Korinti 10:1

Nagrani'a Poli'na, Kraisi anterami avu'avazampinti'ene fru avu'avazanteti tamantahinegoe. Nagra tamagranema mani'nena fru avu'ava huramante'noanagi, afete'ma mani'nena hanave naneke huneramantoe.

2 Korinti 2:7

Ru arimpa haviza hu'zamo azeri haviza hanigeno asunkuzampi mani'zankura, kumi'a atrenenteta azeri so'e hiho.

2 Korinti 2:8

Ana hu'negu nagra huhankaveti'na nehuanki, tamagrama tamavesi'nentaza zana erinte ama hinke'za keho.

Galesia 5:23

akoheno fru avu'ava hu'zane, agra'a avesiza kegva huzamofona mago kasegemo'a hara reontegahie.

Galesia 6:18

Rantimofo Jisasi Kraisi asunku'zamo'a tamagri avamu'ene mesie. Tamage.

1 Tesalonaika 4:1

Nafu naganaheta Ramofo Jisasimpi mani'naza nagamota, rempima huraminona kante antetma manihogu tagra tutu huneramanteta, tamazeri hanavenetunanki, tamagrama nehazaza hutma, mago'ane hanavetita ana avu'avara hiho.

2 Tesalonaika 3:15

Hugahianagi, ha vahetamignara anamofona huonteho, hianagi nerafuga haviza hunane hutma azeri fatgo hiho.

2 Timoti 2:25

Fru huta fru kefinti ke hakare hurmantesamokizmia zamazeri fatgo hiho. E'ina hanageno ana ke ontahisaza vahera Anumzamo zamaza hina, zamagu'a rukrahe nehu'za tamage kea antahi'za keza hugahaze.

Hibru 12:13

Kagamoma vania kana erintefatgo nehugeno, hanavezmi nomanegeno zamagamo haviza hu'nesia vahe'mo'za, oti hanavenetiza trakara osu'za kavaririza viho.

Hibru 13:3

Hagi kina nompima mani'nesamokizmia kagerakani ozmantenka, kagranema kina nompima mani'nenoma hiaza hunka, kagesa antahizamio. Vahe'mo'za zmazeri haviza hanage'za zmatazampima mni'nesaza vahe'mokizmia, tamagera akani ozmanteta, tagranema tata zampima mni'nenoma hiaza huta knazmia eriho.

Jemisi 3:13

Aza amu'nontamifintira ama antahintahine mika zampima anihu vahera mani'ne? Ana knare antahintahi'a atrenkeno knare erizama'amoki, avufa anteramino mni avu'ava zamo, erinte ama hino.

Jemisi 3:2

Na'ankure rama'a zampi havizana nehune. Hagi iza'o agrama kema hanifima fatgo osu kegaga huzanku'ma kva'ma hanimo'a, agra soe ne'kino amne mika avufgamofona kvahu so'e nehie.

1 Pita 3:15

Hianagi tamagu'afina Kraisina atrenkeno ruotge huno Rana nemanina, tamagrama fore'ma hanigu amuhama nehutma tamentintima nehaza zanku'ma tamantahima kesageta, maka knafina tro hutma mni'netma, antahinezamita akohetma fru kefinti kenona hunezmanteta,

1 Joni 5:16

Mago'mo'ma kesigeno, amentinti nehia nefu'ma ahe friga kumi'ma hanigeno'a, Anumzamofo antahige'nigeno Anumzamo'a friga kumi'ma hu'nenimofo asimura amino, mago'a kumi'mo'a ahe frigahie. Nagra e'inahu kumi'kura nunamuna hino hu'na nosue.