Galesia 5:20 - Kamano

²⁰ havi anumzante mono huntezane, avotga zane, ha' hu'zane, fravazi'zane, knive re'zane, asi vazi'zane, vaheku agesa ontahi zane, veganokno hu'zane, vahe refko hu'zane,

Anumzamofo Routage Avantafere

²⁰ havi anumzante mono huntezane, avotga zane, ha' hu'zane, fravazi'zane, kanive re'zane, asi vazi'zane, vaheku agesa ontahi zane, veganokno hu'zane, vahe refko hu'zane,

Galesia 5:20 ပူးပေါင်းရင်းမြစ်များ

Romu 2:8

Hu'neanagi Agra rimpa he'zana rukaha hutresigeno, iza'zoma zamagraguke nentahiza, tamage ke'mofo amage'ante zanku zamagena hunemiza, kefo avu'ava nehanaza vahete egahie.

1 Korinti 11:19

Tamage amu'no tamifina atane'zana me'ne. E'ina hanageno Anumzamo refko huno hu izo huzmante'nesamo'za amu'nontifina eama hugahaze.

2 Korinti 11:19

Tamagra neginagi vahe'mokizmia knare huta antahinezamize, na'ankure tamagra knare antahintahine vahe mani'naze.

2 Korinti 12:20

Na'ankure nagri'ma namnomavaziana esua zupa nagrima naveosi nesiazama tamagripima eme nege'na tamave'osinesizama huzankure. Nagri'ma namnovaziana, tamagripima eme neramege'na, amunontamifi ke ha' huzama, kanive rezama, arimpa hezama, atanezama, havige ohunte ahunte huzama, ogenke agenke huzama, veganokno huzama, manifatgo osuno makaza erisavri hu avu'avazanku nehue.

Galesia 5:15

Hianagi tamagra afi zgakafamo hiaza huta, ompri ampri hanutma tamagratami tamazeri haviza hutma fnanene hugahazanki kva hiho.

Taitus 3:10

Hanki tmazeri refko huku hnimofona pusante agesa eritenka, anante mago'ene avumro antegeno'ma kema ontahisigenka, anantera mago'zana osunka kmagena humio.

Jemisi 3:14

Hianagi vahe'mofoma antahimugi ante'zamo'ene kagraguke antahizamo kagu'afi mevitenenigenka, kavufga mreri kavukvatetira tamage kemofo eri amnezanknara osuo.

2 Pita 2:1

Hianagi havige kasnampa vahera, amu'nozmifinti oti'neankino, anahukna huno mago'a havige rempi hurami vahera amu'nontamifinti oti'za, zamagra fraki'za maka krunage hu'za, tamentinti azeri haviza hu'naku anara nehu'za, Ramo'ma miza sezmante'nemofona zamefi hu'nemi'za, tusi'a knaza zamagrazmi zmagofetu erintegahaze.

1 Joni 3:15

Hakaremo'za zamentinti nagaku'ma (kristen) zamarimpa kna huntesamo'za, vahe ahe fri vahe mani'naze. Tamagra antahi'naze, vahe'ma ahe fri vahepina mani'vava asimura omane'ne.

Revalesen-Hufo Hu'ne 21:8

Hagi koro vahe'ene, zamentinti nosnaza vahe'ene, hi'manage zmavuzmavama nehaza vahe'ene, vahe zamahe nefriza vahe'ene, monko avu'avazamoma antahintahifima nentahiza, monkozama nehaza vahe'ene, avuatga ha' nehaza vahe'ene, havi anumzante mono hunentaza vahe'ene krunage nehaza vahe'mo'za, mizama erisazana, havere tevava nehia teve tirupi manigahaze. E'i nampa 2 fri'zane.