Galesia 4:19 - Kamano

¹⁹ Mofavre'nimote Anumzamofo mofavre'manita, Kraisimpina nena vahekna hutma maniho. Tamagri'ma tamaza hunaku'ma nehugeno'a a'nemo mofavre kasentenaku ata negriankna nata negrie.

Anumzamofo Routage Avantafere

¹⁹ Mofavre'nimote Anumzamofo mofavre'manita, Kraisimpina nena vahekna hutma manisazegu'ma tamagri'ma tamaza hunaku'ma nehugeno'a a'nemo mofavre kasente'naku nehigeno ata negriankna nata negrie.

Galesia 4:19 ပူးပေါင်းရင်းမြစ်များ

Luku 22:44

Jisasina tusiza huno kna'avenesigeno, mago'ane hanavetino nunamu nehigeno, kora amunasisi huno mopafi tagiramine.

Romu 13:14

Hu'neanagi atrenkeno, Ramo, Jisas Kraisi tamagripina mani'neno, kefozama hu tavesizana eri atreno.

Romu 8:29

Hu'negu Anumzamo'a korapa antahineno Nemofo kna hihogu huhamprizamante'ne, hanageno Nemofo'a rama'a mofavre nagapina kota mofavre manigahie.

2 Korinti 12:14

Hanki antahiho, ko tare zupa ome tamage'noe, meni mago'ene ome tamageku nehuankina tamagrira kna ontamigahue. Na'ankure mofavremo'za nerera nefazana kva hunonteanki, Nererake nefake mofavre'amo eriniazana antenteno nevuno kegva hunente. Ana hunegu tamagripintira mago'zana e'origahuanki, tamagri tamagu tamemo so'e hanigu navenesigena nehue.

Efesasi 4:13

ana nehuta Anumzamofo Mofavre'are tamentintifina eri mago huta keta antahita nehuta, hanave enerita Ramofonte nena vahetfa nemnita, Kraisi avu'avapina aviteta Agri kna huta maniho.

Efesasi 4:24

Ksefa vahe tro huta nemanita, Anumzankna huta fatgo avu'ava zampi ruotage huta tamage ke'afi manigahaze.

Filipai 1:8

Na'ankure Krais Jisasi asuragirmantea zankura, nagra tusi'za hu'na nagesa nentahuankino, Anumzamo nagrira huama hugahie.

Filipai 2:17

Hianagi ana zanke hu'zama waini ofagna hu'zama korani'a tagi netre'za, kre sramna neviaza hanaza zamo'a tamentintia tamaza nehina, nagra nagu'areti musena neha'nena, tamagrane muse hugahaze.

Filipai 2:5

Tamagra magozahu tamavutma rumokizmia huzmanteho, Kraisi Jisasimpima me'nea avu'ava rumokizmia huzmanteho.

Kolosi 1:27

Anumzamo'a Agra'a avesite oku'a me'nea kea taveri hu'ne. Ama ana kea knare hu'neankino, maka vahemokizmi zamaza hugahie. Ama ana kea Kraisi agra tamagrane mani'neakino tamavreno vanigetma so'ezana kuma'afinti ome erigahaze.

Kolosi 2:1

Tamagri ene mago'a Leodisiama nemaniza mono nagamo'zane, mago'amozanema nagri'ma nage'za antahiza osu'namokizmi zamaza hu'naku maragu'zama netuazana antahi ama hnazegu nehue.

Kolosi 3:10

Hagi menina magoke magoke'motma kasefa vahe nemanitma, troma huramante'nea nekna maka kna nehutma, mago'ene agrira antahi ama hugahaze.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

1 Tesalonaika 2:7

Tamage, Kraisi aposol vahe'ma mni'nonazamo knazana tamigahianagi, tagra akoheta mani fru nehuta, mofavrema nererama amima nemino kegvama hunteankna nehune.

1 Timoti 1:2

Timotiga nagri tamage mofavremoka mago tamentinti nehu'mokarega, Anumza Nerafantegati ene Krais Jisasi Ranti'mo'a asunku huganteno asurgi'zane, arimpa fruzamo'a kamisigeno kagrane mesie.

Taitus 1:4

Taitusiga tamage mofavre'nimoka, mago'ke tamentinti nehu'a ne'mokarega ama avona kre negamue, Arimpa fruzane, asunku'zanena, Anumza Nerfantegati ene, Kraisi Jisasi tazahuno taguvazi ne'mo'a asunkuzama'aretira karimpa frua kamigahie.

Falimoni 1:10

Kina nompi mani'nena azeri nenamofoza hu'noa mofavreni'a Onisimusinku, nagra kazeri otike hu'na kantahi'negoe.

Falimoni 1:19

Poli'na Nagra'a nazanu ama avona krenegamue. Nagra nona hu'na mizana hugahue. Nagra kagu kamemofona kaza hunoanagi, kagra nofira hunantenane hu'na nosue.

Hibru 5:7

Jisasi'ma ama mopafima mani'neno'a, fripinti Agri'ma azama hanimonfonku, Anumzamofontega kezatino zavineteno, nunamu huno antahinegegeno, Anumzamo'a nunamuma'a antahi ami'ne, na'ankure Agra Anumzamofo antahimizana me'negeno'e.

Jemisi 1:18

Mika'zama troma hu'nea zamofo ese rga'a manisunku, Agra'a avesite tamage kereti tazeri fore hu'ne.

1 Joni 2:1

Osi mofavre'nimota kumi osnazegu ama avona kre'neramue. Hianagi mago vahe'mo'ma kumi'ma haniana, tagrira amu'no netia Nerafa'ene mani'ne, ana nera fatgo ne' Jisas Kraisi'e.

1 Joni 2:12

Osi mofavrenimota ama avoma kre neramuana, Anumzamo'a Jisasi agifi kumitimima apaseramantenegu kreneramue. Na'ankure Agri Agire kumitimia apasermante'ne.

1 Joni 5:21

Mofavre naganimota, havi anumzamo tamavazu hu'zanku kva hiho.

3 Joni 1:4

Antahuama mofavre naganimo'za tamage kemofompi mani'naze hazazankura, nagra mago'a knama nehua musena, agatere'na tusi muse hu'noe.