Galesia 3:5 - Kamano

⁵ Anumzamo'ma Ruotge Avamu'a neramamino, kaguvazama tamagripima erifore hu'neana, Mosese kasege avaririzageno anara hu'nefi? Anumzamofo ke nentahita, Agrite tamamentinti hzageno anara hu'ne?

Anumzamofo Routage Avantafere

⁵ Anumzamo'ma Ruotge Avamu'a neramamino, kaguvazama tamagripima erifore hu'neana, Mosese kasege avaririzageno anara hu'nefi? Anumzamofo ke nentahita, Agrite tamamentinti hazageno anara hu'ne?

Galesia 3:5 ပူးပေါင်းရင်းမြစ်များ

Aposol 14:3

Ana hazageno mago'a knafina anantega mani'neke, mono kea hanavetike Ramofonkura nehune, asunku'zamofo kea nehakeno, avame'zane kaguvazanena zanagri znazampi eri fore hu'ne.

Romu 10:17

E'ina hu'negu vahe'mo'za ke nanenke nentahizageno zamentintia erionetie nehaze. E'i ana kea Kraisi knare musenke me'ne.

Romu 15:19

Ruotge Avamumofo hankavefine, avame'zane, ruzahu ruzahu'za kaguvaza erifore hu'zamofo hanavere, Kraisi musenkea Jerusaleti huama hu'na Ilirikium kaziga (Masedonia-Italy) ome huvgare'noe.

1 Korinti 12:10

Hagi mago'mofona ruzahu ruzahu kaguvaza eri fore hu museza nemino, mago'mofona kasnampa ke huamahu museza nemino, mago'mofona avamutmima rezagneno ke museza nemino, mago'mofona ruzahu ruzahu zmegeru'ma ru museza nemino, hagi mago'mofona ruzahu ruzahu zmageru'ma rukrehe hu museza ami'ne.

2 Korinti 10:4

Ha'ma huzantamima azeri'nonana, ama mopafi ha'zana omne'ne. Anumzamofo hankve ha'za me'neankino, Sata vihua ahe'nafru hugahie.

2 Korinti 12:12

Tamage aposol vahe'mofo avame'za tamagri amunompi hunoazama kesazana, avame'zama, kagu'vazama hanavenentike eri'za erino kazigazi huno vanimo'e.

2 Korinti 13:3

Kraisi'ma nagri nagipi huvazino nehia kemofo agafa'a kesuneguma nehaza zankura, emeri ama hugahie. Kraisi'ma tamagripima erizama eneriana fru huno e'norianki hanavetino erizana enerie. Agra himamu hankave tamagripina me'ne.

2 Korinti 3:8

Hagi Ruotge Avamumofo erizamo'a mago'ane agatereno hanave'ane hihamua omanegosifi?

2 Korinti 9:10

Anumzamo hozama kri vahe'mofona avimzana nezamino, bretia nezane huno nezamie. Anahukna huno avimzana veva huno erira nehina, fatgo avu'avazantamimo'a rga'a nerena, rama'a nevasageta mago'ane vahe'mofona zamaza hugahaze.

Galesia 3:2

Nagra mago'za tamagripintira kena erifore hu'za hue. Tamagrama Ruotge Avamuma eri'nazana, kasegemofo erizanteti eri'nazafi, ke nentahita tamentinti nehuta eri'naze.

Filipai 1:19

Na'ankure nagra antahi'noe, kina nompi mani'nogetma, nunamu nehaza zamo'ene, Jisasi Kraisi Avamu'mo naza huno nazeri atregahie.