Galesia 2:8 - Kamano

⁸ Na'ankure zmufga tgahu Jiu vahempima Pitama aposol erizante huntegeno vu'nea Anumzamo, nagri'enena aposol erizana zmufga tga osu megi'a vahepina eriogu hunante'ne.

Anumzamofo Routage Avantafere

⁸ Na'ankure zamufga tagahu Jiu vahepima Pitama aposol erizante huntegeno vu'nea Anumzamo, nagri'enena aposolo eri'zana zamufga taga osu megi'a vahepina eriogu hunante'ne.

Galesia 2:8 ပူးပေါင်းရင်းမြစ်များ

Aposol 1:25

Ama ana eri'za erinogura, kamagema'ante'nea aposol ne' Judasi eri'zana atreno kuma'arega vu'ne.

Aposol 1:8

Hu'neanagi ruotge Avamumo tamagrite esigetma, tusi'a hanave eritetma, Nagri nagenkea Jerusale kumate huama nehutma, Judiane Sameriane huama nehutma, afete mopa omeatre eme atre arega ome huama hugahaze.

Aposol 15:12

Atru hu'naza maka vahetamimo'za, ke osu mani'nage'za Polike Banabasikea kaguva'zane avame'zanema zanagripinti Anumzamo'ma megi'a vahe'ma huzmante'nea zana zamasmi'na'e.

Aposol 19:26

Hanki tamagra ketma antahitma nehaze, Efesasige ana nosianki, Esia kokampina Polima vahetamima kehiazamo, vahe'mo'ma azanteti'ma trohu'nea anumzana, e'i tamage huno anumzana omanitfa hune huno tusi'a vahe krerafa zamazeri ruvahe nehie.

Aposol 21:19

Poli'a ome zamageno zamatagiteno, agra agafa huno mago' mago'zama Anumzamo'ma mono eri'za megi'a vahepima e'nerigeno hu'neazana zamasmi'ne.

Aposol 22:21

Anante Ramo'a anage huno nasami'ne. Vuo! Na'ankure afete hugante'nugenka megi'a vahepi ke'ni'a erinka ome zamasmigahane hu'ne.

Aposol 4:4

Hianagi mika kema antahi'naza vahe krerafamo'za zamentinti hu'nazana, venene'agema hampri'nazana 5 tauseni'a nazampi mareri'ne.

Aposol 8:17

Anante Pita'ene Jonikea agafa huke zanazama ana Sameria vahe'mokizmi zamufare antake'za Ruotge Avamura eri'naze.

Aposol 9:15

Hianagi Ramo'a anage huno agrira asami'ne, Vuo, na'ankure agrira ko huhampri ante'noakino, Nagri eri'za ne' manigahie. Hagi Nagri nagi nagenkea erino megi'a vahete'ene, kini vahete'ene, Israeli vahetera vugahie.

1 Korinti 15:10

Hu'neanagi Anumzamofo asunku'zanteti nagra amanahu kna hu'na mni'noe. Hagi nagri'ma asunku'ma hunante'neazamo'a amne zankanara osu'ne. Ete ana miko eri'za nagara zmagatere'na eri'zana mago'ane eri'noana nagra'niompage, Anumzamofo asunkuzamo'a nagrane me'nege'na eri'noe.

1 Korinti 9:2

Hianagi mago'a vahe'mo'zama antahizana aposol vahera omni'ne nehazanagi, tamage tamagritera aposol vahe mani'noe. Na'ankure Ramofonte aposel eri'za eri'noa zamofo nena rga'a tamagra mani'naze.

Galesia 3:5

Anumzamo'ma Ruotge Avamu'a neramamino, kaguvazama tamagripima erifore hu'neana, Mosese kasege avaririzageno anara hu'nefi? Anumzamofo ke nentahita, Agrite tamamentinti hzageno anara hu'ne?

Kolosi 1:29

E'ina hu'negu Kraisima maka hankavema naminereti tusi hankavetina eri'zana e'nerue.

1 Tesalonaika 2:13

Maka kna tagra Anumzamofona susu hunentone, tamagrama tamametintima hu'naza zankura, ana kema huama hunketma tamagrama erinazana, vahe'mofo ke eriaza hutma e'ori'naze. Hianagi tamagra Anumzamofo tamage ke eri'naze.