Galesia 2:11 - Kamano

¹¹ Hianagi Pita'ma Antioku kumate ehnatige'na, haviza hu'nane hu'na avufi kesu'noe.

Anumzamofo Routage Avantafere

¹¹ Hianagi Pita'ma Antioku kumate ehanatige'na, haviza hu'nane hu'na avufi kesu'noe.

Galesia 2:11 ပူးပေါင်းရင်းမြစ်များ

Jona 1:3

Ramo, Jonama ke hunteno, vuoma hirega atreno freno Tasisi atreno vunaku agesa antahi'ne, Jopa uramino Tasisi vuku nehia vente kefore huteno, vania zana mizaseno ventefi mrerino, Ramofo avatetira freno, afete Tasisi vu'ne.

Jona 4:9

Anante Anumzamo Jonana asmi'ne, knare ke agafare nofikura kasia nevzio? Huno antahigegeno Jona'a, knare ke agafare nagria nasivazige'na friku nehue.

Matiu 16:23

Hianagi Jisasi'a rukrahe huno Pitankura anage hu'ne, maniganenka namefi evuo Sataga! Nagri kana rehiza nehane, na'ankure kagra Anumzamofo antahintahi e'norine, vahe'mofo antahi'za e'nerine.

Joni 1:42

Jisasinte Endru'a, Saimonina avreno vu'ne. Vigeno Jisasi'a negeno anage huno asmi'ne, kagra Saimonige Joni nemofoga mani'nane, kagri kagi'a Sifasi'e hugahaze. (E'i ana agima eri rukrehe'ma hu'neana Pita'e hu'ne.)

Aposol 11:19

Ananknafi Stivenina ahe nefri'za mago'a nagara zamahe fragu vazige'za, atre'za Fonesiane, Saiprasine, Antiokune, nevu'za ru vahete mono osu, Jiu vaheteke mono kea ome zamasmi'naze.

Aposol 11:20

Hu'neanagi Saipras vahe'ene Sairini vahe'mo'za zamagripinti mago'a Antioku e'za, agafa hu'za Ramofo Jisasi knare musenkea huama hu'za Griki vahe zamasmi'naze.

Aposol 11:22

Anama zamagrama hazankemo'a, Jerusale mono vahete ege'za nentahi'za, zamagra Banabasi huntageno Antioku vu'ne.

Aposol 11:27

Ana knafina mago'a kasnampa vahe'mo'za Jerusaleti erami'za, Antioku kumate ehanati'naze.

Aposol 15:1

Mago'a vahe'mo'za Judia kazigati e'za Antioku ehanati'za amanage hu'za amage' nentaza nagara rempi huzami'naze, Mosese hu'nea kere amage' antetma tamavufa taga hiho, anama osanutma tamahoke heno tamaza osugahie.

Aposol 15:5

Hu'neanagi mago'a Farisi mono vahepinti, zamagua rukarehe hu'za Kraisinte zamentinti hu'namo'za, oti'za anage hu'naze, megi'a vahe'mo'za zamufama taga hute'za Mosesi kasegema amage antesazana knare hugahie.

2 Korinti 11:5

Ana hankave aposol eri'zama e'neriza vahe'mokizmia, nagra zamagri zmagorga'a omni'noankiza, zamagra nagateore'naze.

2 Korinti 12:11

Tamagra nagrira knare hu'ne hutma nazeri ante'ama hugaragi, netreta nagrira nazeri neginagi vahekna nehaza zankura, nagra navufga ra nehue. Na'ankure nagra amneza mani'noanagi, ugota aposol vahepina henkarfana omani'noe.

2 Korinti 5:16

E'ina hu'negu menintetima agafa huno vaniana, vahe'mokizmia amega zamufgarera refko huozmantesune. Ana hu'negu tagranena anahukna huta Kraisina amega avufgare refakora hunte'nonanagi, menina antahi'none anara nosune.

Galesia 1:18

Ana hute'na, 3'a kafu evige'na, Jerusale kumate vu'na, Pita'ene kea ome nehu'na, 15ni'agna anante mni'noe.

Galesia 2:14

Hianagi nagrama kogeno, knare musenkefi fatgo hu'za omnizagena, maka'mokizmi zamufi anage hu'na Pitana asmi'noe, kagra Jiu ne' mni'nenka, megi'a vahekna hunka nemaninka, Jiu vahekna hunka omnio. Nankna hunka megi'a vahe'mokizmia, Jiu vahe'moza nehazaza hiho hunka nehane?

Galesia 2:5

Hianagi tagra tamage knare musenkemo tamagrane mesiegu, zamagri kea antahiozamita kankamuna ozamunke'za, havige mono nerafu'za tagrikura ke hara hurante'naze.

Galesia 2:7

Hianagi zamagrama ke'za antahizama hazana, Pitama zamufga tgahu Jiu vahete knare musenke ome huama hinogu hunte'neaza huno, nagrira zamufga tga osu'naza megi'a vahete knare musenkea huama huogu hunante'ne hu'za ke'za antahiza hu'naze.

Galesia 2:9

Anumzamo'ma asunkuzama'areti nami'nea eri'zana, Jemisima, Pitama, Jonima zamagra mono erizamofona hagaza zafa mani'ne'za ke'ama nehu'za, Banabasine nagri'enena megi'a vahepi eri'za omerisu'egu magoka hurantageta megi'a vahepina vu'no'e. Hagi Jiu vahete zmagra eri'zana erisageta, tagra megi'a vahepi eri'zana erigahu'e.

1 Timoti 5:20

Hanki kumi'ma nehza kva vahera, hakare vahe zamufi zamazeri fatgo nehuge'za, maka vahe'mo'za nege'za, kumi' huzankura kore hugahaze.

Jemisi 3:2

Na'ankure rama'a zampi havizana nehune. Hagi iza'o agrama kema hanifima fatgo osu kegaga huzanku'ma kva'ma hanimo'a, agra soe ne'kino amne mika avufgamofona kvahu so'e nehie.

Juti 1:3

Navesi neramantoa nafuheta, Anumzamo'ma tagu'mavazinia zankura huama nehu'na avoma kreramizankura antahintahinimo'a tusiza huno onetige'na retro nehue. Hianagi menina mago'azanku avona kreramisue hu'na huana, Knare Musenkema, Anumzamo'ma Agri'a ruotge hu'nea vahe'arema magoke zupa zmi'neazamo maka kna mevava nehina, tamage nanekere tamentintima nehunazanku, tamentinti otretma hanavetita azeri akona hnazegu tamasmiza nehue.