Galesia 1:16 - Kamano

¹⁶ Agra'a nemofona naveri hige'na, megi'a vahepina knare musenkea huama nehue. Mago vahe'mokizmia ame hu'na nagra zmantahi'onke'noe.

Anumzamofo Routage Avantafere

¹⁶ Agra'a ne'mofona naveri hige'na, megi'a vahepina Knare Musenkea huama nehue. Mago vahe'mokizmia ame hu'na nagra ama ana kegura zmantahi'onke'noe.

Galesia 1:16 ပူးပေါင်းရင်းမြစ်များ

Matiu 16:17

Jisasi'a anage huno asmi'ne, Saimoniga, Jona nemofoga, asomu hugantesie. Na'ankure vahe'mo amazana erigaveri nosie. Hu'neanagi Nenfa monafi mni'nemo erigaveri nehie.

Matiu 26:41

Reramatagafi ufreta traka hanagi, kva huneta nunamu hiho. Avamu timimo'a ave'nesianagi, amega tamavufgamo'a avenosie.

Aposol 22:21

Anante Ramo'a anage huno nasami'ne. Vuo! Na'ankure afete hugante'nugenka megi'a vahepi ke'ni'a erinka ome zamasmigahane hu'ne.

Aposol 5:42

Hanki hakare knafina, ra mono nompi'ne, nonte nontera nevu'za Jisasi'a, tazahu ne' Kraisi'e hu'za knare muse kea rempi hunezmi'za huama hu'naze.

Aposol 9:15

Hianagi Ramo'a anage huno agrira asami'ne, Vuo, na'ankure agrira ko huhampri ante'noakino, Nagri eri'za ne' manigahie. Hagi Nagri nagi nagenkea erino megi'a vahete'ene, kini vahete'ene, Israeli vahetera vugahie.

Aposol 9:20

Ame huno, ana zupage Jisasi agigenkea osi mono nompi marerino, ama Nera Anumzamofo Mofavre huno huama huno zamasmi'ne.

Romu 1:5

Jisas Kraisi azampi Anumzamo'a asunku huranteno, Agri agifi Anumzamo'a aposol eri'zama miko megi'a vahetema erisunku huhampritantene. E'ina hu'negu zmagra Agri Agifina amagera nente'za zamentintia hugahaze.

Romu 11:13

Ana maka kema nehuana, megi'a vahe'mota tamagriku nehue. Anumzamo'a megi'a vahe'mokizmi aposol manio huno huhampri'nantenegu ama ana eri'zamo'a nagripina kota eri'zani'a me'ne.

1 Korinti 15:50

Nenafugta nensarogta amanage hu'na neramasamue, ama tavufgarera Anumzamofo Kumara erisanti oharegahune. Anahu kna huno fnanene hu'zamo'a manevava zana erisanti oharegahie.

2 Korinti 4:6

E'ina hu'negu korapara Anumzamo huno, hanimpina tavimo'a remsa hino hu'nemofo masamo, tagrite emani'neno tavi'a taguafina remsa nehigeta, tagra Jisasi Kraisi avugosa negeta, tagra tusi'a msane hanavene ke'noe.

2 Korinti 5:16

E'ina hu'negu menintetima agafa huno vaniana, vahe'mokizmia amega zamufgarera refko huozmantesune. Ana hu'negu tagranena anahukna huta Kraisina amega avufgare refakora hunte'nonanagi, menina antahi'none anara nosune.

Galesia 2:1

14ni'a kafuzge manite'na, Jerusale kumate Banavasi'ene ete mrerita nevuta, Taitusina avreta vu'no'e.

Efesasi 3:1

Ama'na agafare nagra Poli'na Kraisi Jisasi eri'zampi kina tamagri (Gentiles) tamazahu zantere hu'noe.

Efesasi 6:12

Na'ankure tagra mopafi vahe'enena hara nosune, hagi mopafi kva hu'naza vahe'ene, hihamune havi avamutamine, mopafi hanizamofo kva hu'naza ha' vahe'ene, mona kankamumpi kefozamofo ha' avamu'ene hara nehune.

1 Tesalonaika 2:16

Megi'a vahe'mofontema zmahokeheno zmaguvazisia kema huama nehunkeno, rehiza hunerantazageno, anama hazazamo'a kumima hu avamena agatereno avite'ne. Hianagi e'inahukna vahetera, henka Anumzamofo rimpahezamo zamagritera megahie.

1 Timoti 2:7

Ana zanteku huno nagrira nazeri oti'ne, Anumzamofo mono naneke zamasmi'nena antahisnagu, nazeri oti'nea aposol ne'mo'na, nagra tamage nehue, havigea nosue. Zamufga tga osu vahe (gentiles) rempi huzminena zamentinti hu'za tamage nanekea antahihogu huama nehue.

2 Timoti 1:11

Ananku huno Anumzamo'a huhamprinantenege'na ke'a huama nehuna, aposol eri'zana e'nerina, vahera knare musenkea rempia hunezmue.

Hibru 2:14

Mofavre'mo'za zamavufgane korane mani'nagu, Agranena zamagrikna huno ama avufare eme frino, fri'zamofo hankavema sata'ma kinama hurante'nea hanavea azeri amnezankna hu'ne.