Filipai 2:19 - Kamano

¹⁹ Hianagi nagra nagesama nentahuana, Timotina osi'a knafi Ranti Jisasi avesizama me'nenkena huntanenkeno tamagrama mni'nazarega vugahie. Ana nehnigetma tamagra inankna hutma nemnizafi eme nasmisige'na antahi'na musena hugahue.

Anumzamofo Routage Avantafere

¹⁹ Hianagi nagra nagesama nentahuana, Timotina osi'a knafi Ranti Jisasi avesizama me'nenkena huntanenkeno tamagrama mani'nazarega vugahie. Ana nehanigetma tamagra inankna hutma nemanizafi eme nasmisige'na antahi'na musena hugahue.

Filipai 2:19 ပူးပေါင်းရင်းမြစ်များ

Matiu 12:21

Agri agifi megi'a vahe'mo'za zmentinti'a hugahaze. (Aisa 42:1-4)

Aposol 16:1

Poli'a Debe kumate ene Listra kumate'ene ne-eno, mago nera Timoti'e nehaza ne'kino, nerera'a Jiu a'mo amentinti nehia a'mofo mofavre. Hianagi nefa'a Griki ne' mani'ne.

Romu 15:12

Ete mago'ane kasnampa ne'mo Aisaia anage hu'ne, Jesimpinti efore hanimo'a, Agra megi'a vahe'mokizmi kva mani'nenke'za, Agrite zmazama huzankura amuhara hugahaze hu'ne. (Ais 11:10)

Romu 16:21

Magoka eri'za eneru'a ne'mo Timoti musenke atreramante. Anahukna hu'za nagri nagamo'za, Lusiusima, Jesonima Sosipeta'zanena musenke hurmantaze.

1 Korinti 4:17

Ama ana agafare Timotina tamagritega huntogeno vie. Ramofompina kentahino amage nentege'na navesinentoa mofavre ni'agino, agra nagrama Kraisimpima mani'na neozana huramagesa nehuno, hakare kaziga maka mono nompi rempima hunermuankna hugahie.

Efesasi 1:13

Tamagranena tamage kema Kraisimpinti ko antahitetma, manivava tamasimu eri'zanku Knare MusenKe'are tamentinti nehazageno, Agra Ruotge Avamu'anu azanko avona kreno huhampri (seal) tamanteno tamamine.

Filipai 1:1

Poli'nane, Timoti'ene Krais Jisasi kazokzo eri'zampi tragoteta kina hu'neta, Filipai kumate Anumzamofo naga Krais Jisasinte tamentinti nehaza vahe'ene mono kva nagamotane, eri'za tamaza hu'za eneriza naga'motma kre neramu'e.

Filipai 2:18

Tamagriku'enena, nagra tutu huneramantoe, tamagra anazanke hutma musena nehutma, nagri'enena tragotetma musenkase hugahaze.

Filipai 2:28

E'ina hu'negu huntanena vanigetma negetma muse nehnagena, nagra tamagrikura nagesa ontahina fru huna manigahue.

1 Tesalonaika 3:2

Ana nehuta nerafu Timoti'a, Anumzamofo eriza ne'mo Kraisi knare musenkemofo eriza e'neria ne'mo, eme tamamentinti tamazeri hanavenetino, tamazeri hanaveti kea tamasaminogu hunte'none.

1 Tesalonaika 3:5

E'ina agafare nagrama avega antena manigama nosuna, reramatagamahu ne'moma reramatga huzanku koro nehuna, tagrama erizama tamagripima eri'nona erizamo amnezankna huzanku, tamamentinti eme kenogu nagra Timoti hunte'noe.

2 Tesalonaika 1:3

Nenfugata maka knama tamagriku'ma tagesa nentahita Anumzamofona susu hunentonazamo'a, e'i knare'zantfa hu'ne. Na'ankure tamagri tamentintimo'a rura huno nevigetma, magoke magokemotma ovesinte avesintema nehaza zamo'a hageno ra nehie.

2 Timoti 1:12

Na'ankure e'ina nehua agafare natazana e'nerue. Hianagi nagazema hu'zamo'a nazeri otregahie. Na'ankure nagra izantero namentintima nehumofona antahi'na kena nehuna, eri'zama'a erinentoana, Agra antahineankino kva kri ante'nenkeno ana kna efore hugahie.

Jemisi 4:15

Tamagra anage hugare, Anumzamofo avesi'ma me'nesigeta, tagrama tasimu erita manisuta, e'izana huge, amazana hugahune huta hugaragi,

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.