Filipai 2:15 - Kamano

¹⁵ Anama hanage'za, vahe'mo'za neramagesagetma fatgo hutma, ketmia omnesigetma nemanitma, Anumzamofo mofavre tro hutma nemanitma, havige huormantesagetma, kazaki'zampi kazigzi nehnaza vahe amu'no zamifina nemanitma, ofumo remsa hiaza hutma ama mopafina remsa huzmantegahaze.

Anumzamofo Routage Avantafere

¹⁵ Anama hanage'za, vahe'mo'za neramagesagetma fatgo hutma, ketmia omnesigetma nemanitma, Anumzamofo mofavre tro hutma nemanitma, havige huormantesagetma, kazaki'zampi kazigazi nehnaza vahe amu'no zamifina nemanitma, ofumo remsa hiaza hutma ama mopafina remsa huzmantegahaze.

Filipai 2:15 ပူးပေါင်းရင်းမြစ်များ

Proveps-Knare Nomaniza 4:18

Hianagi fatgo vahe'mofo manizamo'a, zgemo zahufa nehnatino remsa hume ne-eno, eme remsa huno feru aseankna nehie.

Proveps-Knare Nomaniza 8:8

Maka nanekenimo'a tamage huno fatgo higeno, krunagene kazaki kema huzana omane'neanki,

Matiu 10:16

Antahiho, Nagrama humanermantoana afi kramo'za avite'za maninafi sipisipi afumo ufrea kna hu'na huneramantoe, hagi osifavemoma nehia kna hutma kva hunetma, knare antahintahi eneritma, maho namamo nehia avu'ava hutma mago havizana osiho.

Matiu 17:17

Jisasi'a kenona huno, tamagra tamentinti nosuta fatgo tamagutmagesa ontahi vahe mni'naze! Nama'a kna Nagra tamagra nena manigahue? Nama'a zupa knaza tmia erigahue? Nagrite avretma amare eho.

Matiu 5:45

E'inama hanuta monafi nemnia Nfatimofo mofavre manigahaze. Agra zgegu higeno, zgea knare vahete ene, havi vahetera neregeno, fatgo vahete'ene, fatgo osu vahete enena kora atregeno nerie.

Matiu 5:48

E'ina hu'negu tamagra monafi neramafama fatgo huno agru hu'nea kna hutma fatgo hutma agru hiho huno zamasmi'ne.

Luku 1:6

Ana aravemokea Anumzamofo avurera fatgo hu'ne nemani'ne, maka kasegene tra kea amage nentene, mago havi avu'avara osuke, fatgo huke Ramofontera mani'na'e.

Luku 6:35

Hianagi ha' vahe tamia tamavesinezmanteta knare tamavutmava hunezmanteta nofi'ma hu'za erisazana mago'zana ete nona'a erigahune huta ontahiho. E'i'nama hanuta mizantamimo'a rama'a me'nena, tamagra Mrerisa Anumzamofo mofavrerami manigahaze. Na'ankure susu hunontaza vahe'ene, havi vahe'mokizmi'a so'e hunezmantaze.

Joni 5:35

Joni'a lampe tvi kna huno tvi'nereno remsa hurmantegeta, ana tvi'kura osasi'a knafi tmagu'a musena hu'naze.

Aposol 2:40

Rama'a ruga'a ke Pita'a huama nehuno, zamazahuke zamasami'ne. Kefo zampima mani'naza vahe'pintira, manigneta manisaza zamo tamagu'vazina, knare huta manigahaze.

Aposol 20:30

Kagri ka'a nagapinti enena vahe'mo'a otino tamage kea eri ruvahe hu'za rempi hunezmi'za, Jisasima amage' nentaza disaipol nagara zamagrarega zamavrenteku hugahaze.

Romu 16:19

Kema amage nentaza tamavutmavamofo nanekea maka vahe'mo'za antahivgare'naze. Hianagi tmagrikura musezanimo'a avite'ne. Hianagi nagri'ma navenesiana, knare antahintahizanteti tamagra knare'ma hu'nesia avu'ava nehutma kefozana osiho.

1 Korinti 1:8

Hanavea tamisigeta refarera uhanatigahaze. Ana hanigetma Rantimofo Jisas Kraisi'ma esia kna zupa hazenke tamia omnegahie.

2 Korinti 6:17

E'ina hu'negu, zamentinti osu vahepintira atiramita rure maniho huno Ramo'a hu'ne. Agruma osu'nesia zana avako osnage'na, Nagra eme tamavregahue.

Efesasi 5:27

Anama hu'neana zamavreno Agrarega zamantesige'za, ana mono kevumo'za msazampima pehena omneno, kasmu' oneno, avufa ohakne: otage hu'za fatgo zampi hazenke omnenke'za manisnazegu ana hu'ne.

Filipai 1:10

Ana nehutma maka'zana refko hutma negetma, so'e zantfama hu'nesnia zanku nentahitma, avusese hutma fatgo zampi mani'nesnageno Kraisi'a eteno egahie.

Filipai 3:6

Nagra navesite hanaveti'na mono vahera kna nezamina, nagra Jiu vahe kasege amage ante'na magore huna mago kasegea agateore'na, avariri fatgo huna hantaga osu'noe.

1 Tesalonaika 5:23

Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegva huramantena, Ranti Jisasi Kraisi'ma esianknarera kema hurantezana omanetfa hugahie.

1 Timoti 3:10

Ana eri'zana erigahazanki hu'nenka, esera avame antenka eri'za zamige'za knare hu'zama erisagenka, dikeni eri'zana zamige'za eriho.

1 Timoti 3:2

Kvama hania ne'mo'a amanahu hino, hazenke'a omneno, magoke a' anteno, manizama'a kva nehuno, fatgo zanke nehuno, avufa antermino nemnino, nantu antentesia vahe agampu nehuno, agra knare'za rempi huzmi ne' nemnino,

1 Timoti 5:14

Nagrama nagesa nentahuana, kahefa kento a'nemo'za ve eri'za mofavre nente'za, no zamia kegva nehnage'za, huhavi'za huzmanteku hanaza vahe'mo'za kegura hakregahaze.

1 Timoti 5:20

Hanki kumi'ma nehza kva vahera, hakare vahe zamufi zamazeri fatgo nehuge'za, maka vahe'mo'za nege'za, kumi' huzankura kore hugahaze.

1 Timoti 5:7

Vahe tmina ama naneke zamasmige'za avaririho, e'ina hananke'za mago'amo'za ke huzmante kanku hakegahaze.

Taitus 1:6

Hanki mono kva vahe'ma zamazeri otisunka, hazenke'a omane, magoke a' ante'nesia vahe, mofavre zga'amo zamentinti nehina, ke amge'a nentesageno, mofavre zga'agu hazenke nehaze huza nosnia vahe azeri otio.

Taitus 2:10

mago'zazamia kumzana oseho. Hagi eri'zana antahizami'are erifatgo nehnageno, e'i anazamo Anumza tzahu ne'mofo mani'za huzmerisage'za nege'za, mono nontahisaza kva vahe'mozane, megi'a vahe'mo'za zamagu'a rukrahe hugahaze.

Taitus 2:15

Mika'zana kagripi hampo'na huno me'neanki rempi hunezminka, hampo'na tinka nezmasminka, zamazeri fatgo nehuge'za, kagrikura amne vahere hu'za osiho.

Hibru 7:26

E'inahukna ugagota prisi ne'mo tazeri knarera hugahie. Na'ankure Agra ruotge huno kumi'a omanegeno kumi'mo magore huno azeri haviza osu'ne. Menina kumi vahepinti azeri ruotge higeno, monafinka ragi erino mani'ne.

1 Pita 2:12

Hagi maka kna tamagra megi'a vahe'mokizmi amunompima mani'netma, knare tamavutmava nehinke'za, zamagrama huhavizama huramantesu'za, knare tamavutamavaza zamagra nege'za, Anumzamo'ma refkoma hania knarera, ana tamavutamava hu'naza zankura, Agi erisaga hugahaze.

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.

2 Pita 3:14

E'ina hu'negu ronenimota, tamagra anazama fore'ma hanigura avega ante'nazanki, tamagratmia tamazeri agru hutma Anumzanena tamarimpa frune nemanita, hazenkezana omnena, keaga huramante'zana omnena, ananknagura avega anteta maniho.

Revalesen-Hufo Hu'ne 2:5

E'ina hu'negu kagrama trakama hunante kagesa nentahinka, ese'ma kagu'a rukrehe nehunka hunana kavukva hunka, kagu'a rukrehe huo. Anama osananke'na, e'na tavika'ama me'neretira emeri atregahue.

Revalesen-Hufo Hu'ne 3:9

Ko, Sata mono nagamo'za hu'za, Jiu vahe mani'none nehu'za havige nehaza vahera, Nagra zmatufesuge'za e'za, tamagri tamagafi eme zmare'nare'za, tamage Nagra tamavesi neramantoe hu'za, zamagra ke'za antahiza hugahaze.