Filipai 2:1 - Kamano

¹ E'ina higu tamarimpa tamazeri hanaveti kema Kraisinte me'nesiampi, asuragirmanteno avesi tmante'zampi, Avamupi atruma hu'zampi, avesima ante'zane, asunku'zane me'nesiana,

Anumzamofo Routage Avantafere

¹ Hagi e'ina higu tamarimpa tamazeri hanaveti kema Kraisinte me'nesiampi, asuragirmanteno avesi tmante'zampi, Avamupi atruma hu'zampi, avesima ante'zane, asunku'zane me'nesiana,

Filipai 2:1 ပူးပေါင်းရင်းမြစ်များ

Luku 2:25

Hagi mago nera Jerusale kumate mani'nea ne' agi'a Simioni'e. Ana nera fatgo nekino, kazigazi huno Anumzamofo amage nevuno, Israeli vahe'mokizmi zamahoke ahesnia vahe fore hanigu avega anteno mani'negeno, Ruotge Avamumo'a agripina avite'ne.

Joni 14:18

Nagra tmatresugetma megusa mofavregna huta omnigahaze, Nagra tmagrite egahue.

Joni 14:27

Tamarimpa fru Nagra tamagripi nentoe, Nagra narimpa frua tamagri neramue, ama mopafi vahe'mo'za nermizankna tamarimpa frua Nagra noramue. Atrenkeno tamaguamo'a kna nosina korora osiho.

Joni 17:13

Hu'neanagi Nagra, Kagrite menina ne-e'na, ama mopafina Nagra amanahu kea nehuankino, Nagri muse zamo'a (joy) zamagripi avitegahie.

Aposol 2:46

Maka kna ra mono (tempol) kumapi atru hu'za mono kea nehu'za, zamagu'a anterami'za, zamarimpa fruregati nonte nonte bretia koriza nene'za kave'zamia fako hutere hu'naze.

Aposol 4:32

Jisasinte zamentinti nehaza vahe'mo'za raru hu'za mago zamarimpare ene antahintahire nemni'za, tagri' zane hu'za osu'za havia mika'zana omiami nehu'za mani'naze.

Romu 5:5

Hagi amuhama humita avega anteta mani'nona zamo'a, amuhama hu'nazana erinotre. Na'ankure tagra antahi'none Anumzamo'ma Ruotge Avamu tamigeno, avesizama'a Ruotge Avamu'afi huvazino tagu'afi eritagi avinete.

Romu 8:26

E'ina hukna kante, Ruotge Avamumo hanavetima omnenea vahe'mota tza nehie. Nazanku nunamuna hugahune, e'i ontahi nonanagi, Ruotge Avamumo Agra'a tagri taza huno nunamu hunerante.

1 Korinti 12:13

Na'ankure mago'amota Jiu vahe manunkeno, mago'amota Griki vahe mni'none. Mago'amota kazokzo eri'za vahe manunkeno, mago'amota amne vahe mni'none. Hianagi tagra magoke Avamupi tina freta, magoke avufafi mni'none. Ana higeta ana miko'mota magoke Avamupinti tazahu'zana e'nerune.

1 Korinti 15:31

Tmage hu'na, nenfugata nensarogta neramasmue. Ranti Krais Jisasimpi mani'nena tamagriku muse nehuazamo'a, mika zupa fri'za hutere nehue.

1 Korinti 3:16

Tamagra Anumzamofo mono no mani'nageno, Anumzamofo Avamu'mo'ma tamagu'afima mani'neana ontahi'nazo?

2 Korinti 13:14

Hagi Ramofo Jisas Kraisi asunku zamo'ene Anumzamofo avesi zamo'ene Avamumo'enema tagroteno mni' avu'avazamo'a mikomotmafi mesie.

2 Korinti 2:14

Na'ankure Anumzamofo avurera tagra Kraisina mana nentake zankna huta mani'neta, zamagumavazi'nea vahete ene fnanene hanaza vahetera knare mna viankna nehuta susu hunentone.

Galesia 4:6

Na'ankure tamagra mofavre'a mani'nageno, Anumzamo Mofavre'amofo Avamu huntegeno, tagu'afi emani'neno tazeri otino, Aba, Nafa'o huno nehie.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Efesasi 4:4

Tagra mika'mota magoke avufane, magoke Avamu me'neankino, e'ima tagi hu'neana magoke Anumzamofo naga fore hanunku tagi hu'ne.

Filipai 1:8

Na'ankure Krais Jisasi asuragirmantea zankura, nagra tusi'za hu'na nagesa nentahuankino, Anumzamo nagrira huama hugahie.

Filipai 3:3

Tagra tamage tavufa tgahu vahe mani'none. Na'ankure Anumzamofo Avamupi husga huta Krais Jisasina mono hunenteta, vahe'mo'za zamufama tga nehaza zampina antahi muhara nosune.

Kolosi 2:2

Nagrama eri'zama e'neruazamofo agafa, zamagu'a zamazeri hankavenetisuge'za zmavesizampina erimago nehu'za, knare antahizampina avinetezma, Anumzamofo oku fraki'nea zama'a antahi ama hanazana, e'i Kraisi'e.

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

Hibru 6:18

Anumzamo'a huvempa hu'nea ke'ane, hugahuema hu'nea kemoke eri'ante amama hiana, Anumzamo'a havigea osugahie hu'ne. Ana hu'negu tagra maka havizama ne-enketa, Agritega freta vuta kasefa hanavea ome enerita, fore'ma hanigu tamentintima nehu'naza azeri hanavetigahune.

1 Pita 1:2

Anumzana Nafatimo'a, ko antahino keno hu'nea kante, Ruotge Avamumo tamazeri agru hu'nea nagamota, Jisas Kraisi amage'ma antageno, korama'a tagitreno sese huramante'nea nagamotma, asunku'zane rimpa fruzamo'a tamagrane aviteno mesie.

1 Joni 3:24

Mago vahe'mo'ma Anumzamofo kasegema antahino avaririmo'a Anumzane manigeno, Anumzamo'a agrane nemanie. Anumzamo Avamu'ma tami'nea Avamuteti antahita, Anumzamo'a tagrane mani'ne huta hugahune.

1 Joni 4:12

Mago vahe'mo'e huno Anumzamofona onke'ne, tagrama rumokizmigu ovesinte avesintema hanunkeno'a, Anumzamo'a tagrane manina, Agri avesizamo'a fatgo huno tagrane megahie.

1 Joni 4:16

Tagra keta antahita nehuta, tamentintia Anumzamo'ma avesima rante'nea'zankura nehune. Anumzamo'a avesi'zamofo agafa'e. Hanki iza'o avesizama'afima manisimo'a, Anumzamofompi maninigeno, Anumzamo'a agripi manigahie.