Efesasi 6:1 - Kamano

¹ Mofavremotma, tamarera tamafa ke antahizmita amage anteho, tamagra Rantimofo suza mani'naze, e'inahu'ma hanageno'a knare hugahie.

Anumzamofo Routage Avantafere

¹ Hagi mofavremotma, tamarera tamafa kea antahizmita amage anteho, tamagra Rantimofo suza mani'naze. E'inahu'ma hanageno'a knare hugahie.

Efesasi 6:1 ပူးပေါင်းရင်းမြစ်များ

Jenesis 28:7

Higeno Jekopu'a nefane nerera ke erizafa huno Padan-aram vu'ne.

Jenesis 37:13

Israeli'a, amanage huno Josefena asmi'ne, Negafu'za afuzga zamavre'za Sekemu traza me'nerega ome zamantenarega ege'na, huganta nenkenka zamagritega vuo. Josefe amanage huno kenona hu'ne, Nagra vugahue.

Jenesis 48:12

Anante Josefe'a nefa amoteti mofavre'a rarena neznavreno, avugati mopafi kepri hu'ne.

Jenesis 50:12

Ana nehu'za Jekopu mofavre nagamo'za ke zamasmi'neaza hu'naze.

Proveps-Knare Nomaniza 1:8

Mofavre'nimoke, negfama kavumro kema hania kea amage nentenka, negrerama rempima hugamisia kea ha'ontagio.

Proveps-Knare Nomaniza 23:22

Kasema kante'nea negafa ke'a nentahinka, negrerama tvavaresigenka kefenkamia otro.

Proveps-Knare Nomaniza 30:11

Mago'a vahe'mo'za nezmafana hu haviza hunezamante'za, nezamrerana musenkea hunozmantaze.

Proveps-Knare Nomaniza 30:17

Nefama negeno azanava kema hunenteno, nererama kefenkami atresnia vahe'mofo avurga, kotkoti nama zgamo'za ana avurga ani kasonepesageno, tumpa namamo'za avufga nevgaregahaze.

Proveps-Knare Nomaniza 6:20

Mofavrenimoke, negfa'ma kasamisia kasegea otretfa nehunka, negrera'ma rempi hugamisia kea amge'anto.

Luku 2:51

Anante Jisasi'a nerera'ene nefa'ene Nasareti uramino umanineno, nererane nefane kea amage ante'ne. Hianagi nerera'a makazama hiazana agu'afi erintegeno me'ne.

Romu 12:2

Ama mopafi avu'avazanena tagrora oteho. Hianagi tamagra atrenkeno antahintahitamia Anumzamo tmazeri kasefa nehanigeno, tamavutamava zamo'a ruzahe hino. Anama hanuta, tamage Anumzamofo avesizamo'a, knare huno haviza osuno, fatgo hu'ne huta eriama hugahaze.

Romu 16:2

Muse hutma Anumzamofo nagapina ragi me'nea vahekna huta Ramofompina nevareta, nazankuro atupama haniazana aza hihogu nehue. Hagi ana a'mo knare huno nagri'ene rama'a vahe'mokizmi tza nehia aki, knare huta aza hiho.

Romu 7:12

Hianagi kasegemo'a ruotge higeno, kasegema hunte'neana ruotage huno fatgo huno knare hu'ne.

1 Korinti 15:58

E'ina hu'negu tusiza hu'na navesi nermantoa nenfugata nensarogta, oti hanavetita kaza osu maniho. Hakare zupa Ramofo eri'zama eri'zankuke nentahita mniho. Hagi antahio, Ramofo eri'zama tamamu'nama nehagegetma e'neriza zamo'a amnezanknara osugahie.

1 Timoti 5:4

Hu'neanagi mago kento a'ma mofavre'afi, negehoma maninesuno'a esera zamagra rempi hu'za mono'mo hu'nea kante nozamifi zamarera zamafaza kva krizmante'naza nona hu'za kva huzmanteho, Anumzamofona e'inahu zanku ave'nesie.

1 Pita 2:13

Tamagra Ramofonku hutma, maka kamani vahe'mofo kea amage nentetma, kini vahera ugagota hu'nagu, kezmia antahitma amage nentetma,

Ruti 3:5

Ruti'a, ke nona huno Naomina asmi'ne, Hakare kema nasmina zana, nagra amne hugahue.