Efesasi 5:8 - Kamano

⁸ Na'ankure korapara hanizampi mani'nazane, hianagi menina Ramofo Msafi mofavre'aza hutma, ana msafi vano hutma maniho.

Anumzamofo Routage Avantafere

⁸ Na'ankure korapara hanizampi mani'nazane, hianagi menina Ramofo masafi mofavre'aza hutma, ana msafi vano hutma maniho.

Efesasi 5:8 ပူးပေါင်းရင်းမြစ်များ

Matiu 3:8

Ana hu'nagu rga rentenkeno, tamagu'a rukrehe hunaze huno tamage'za sena,

Matiu 4:16

hanizampi nemniza vahe'mo'za tusi'a msaza ke'naze. Hagi ana mopafi nemni'za fri'zamofo tonapi mni'naza vahera, zamagri zmagofetura msazamo remsa hu'ne. (Aisa 9:1-2)

Luku 1:79

Zamagrama hanimpi manine'za frizamofo turinapi mni'namokizmia masa nezamino, tagrira tazeri fatgo huno rimpa fru kante tavereno vugahie.

Luku 16:8

Henka kva ne'mo'a, fenozante ugagota huno kvahu so'e osu'nea kva ne' muse hunte'ne. Na'ankure antahiza me'nea kva vahemo nehiaza hu'negure. Hagi ama knafi vahe'mo'za zamagra'zantera knare hu'za kva nehu'za tavi msare'ma nemniza vahera zamagateneraze.

Joni 1:9

Agra tamage msamo ama mopafi maka vahe remsa huzmentesigu egahie.

Joni 12:35

Jisasi'a kenona anage huno zamasmi'ne, Osi'a knafi Msamo'a tmagri amu nompina me'ne. Msama me'nenire kana nentenkeno hanimo'a tmagate oreno, iza'o hanimpima nevimo'a, iga nevio antahino keno nosie.

Joni 12:36

Msama me'nenire, kagra Msagura kmentinti'a huo, e'inama hanunka kagra Msamofo mofavre manigahane. Jisasi'a anage huteno, Agra zamatreno vuno ome frakino mani'ne.

Joni 12:46

Nagra ama mopafi Msa e'noe, maka vahe'mo'za Nagrite zamentinti hanamo'za hanimpina omnigahaze.

Joni 8:12

Anante Jisasi'a mago'ene anage huno zamasmi'ne, Nagra'ni'a ama mopamofo Msa mani'noe, aza'o namge'ma esimo'a hanimpina vano osugahie. Hianagi asimu eri Msa erigahie.

Aposol 17:30

E'inahu hu'za zamagena hu'miza e'naza kna'a, Anumzamo'a agesa ontahi'ne, hagi menina agra miko kaziga vahera hankave nentake ke huno, tamagu'a rukarehe hiho huno hu'ne.

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

Romu 1:21

Hu'negu Anumzamofona ke'za antahiza hu'nezagi, zamagra Anumzane hu'za ra agi'a nomiza, humuse hunontaze. Hagi zamagri'a neginagi antahintahizamo zmazeri savri hige'na, zmagu'amo'a hanizampi neme.

Romu 13:12

Hanizamo'a kofta huno vagaresigeno, masama fore'ma hania zamo'a kofta hu'ne. Ana hu'negu hanizamofo avu'ava zama nehuna zana netreta, msamofo ha' kukena hanune.

Romu 2:19

Tamagra zamavu asuhu vahe'mokizmi kama zamaveri nehuta, hanimpima mani'naza vahe'mokizmi tavi mni'none huta nehaza zankura, knare'za nehune hutma nehaze.

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

2 Korinti 3:18

Hianagi miko tavugosa refi'ote vahe'mota, Ramofo msazama'amo'a tagrite remsa nehigeta, kapomo hiankna huta remsa huta Agri'kna hunkeno, Ramo'a avamukino, agri msazamo'a mago'ane tagripina remsa nehie.

2 Korinti 4:6

E'ina hu'negu korapara Anumzamo huno, hanimpina tavimo'a remsa hino hu'nemofo masamo, tagrite emani'neno tavi'a taguafina remsa nehigeta, tagra Jisasi Kraisi avugosa negeta, tagra tusi'a msane hanavene ke'noe.

2 Korinti 6:14

Anumzamofonte zamentinti nosnaza vahe'enena tagroteta omaniho. Inankna huno fatgo avu'avazane, kasegema ovariri avu'avamokea erimago hugaha'e? Msazane hanizanena inankna hune erimagora hugaha'e?

Galesia 5:25

Tagrama Ruotge Avamu'enema maninesuta, atrenunkeno maka kama vano huzantifina Ruotge Avamumo kana taveri huno vanie.

Efesasi 2:2

Tamagranena maka mopafi vahe'mo'za nehazankna huta havi kante nevzane, kumi'tmimo avite'negeta, Sata kerera amage anteta, kankamumpi nemniza hihamu'ane kva avamutamimofo amage' anteta, Sata eri'zana enerita Anumzamofonte zamagu'a onte'za zamefi hunemi'za vahe'ene nemanizane.

Efesasi 4:18

Antahi'za zamifina hani hige'za, Anumzamofo mani'zampintira atre'za megi'a nemanize, na'ankure zamagra antahi'za ke'za nosazageno, zamagu'amo'a hanveti'ne.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

Efesasi 6:12

Na'ankure tagra mopafi vahe'enena hara nosune, hagi mopafi kva hu'naza vahe'ene, hihamune havi avamutamine, mopafi hanizamofo kva hu'naza ha' vahe'ene, mona kankamumpi kefozamofo ha' avamu'ene hara nehune.

Kolosi 1:12

Tamazeri knarema hanigetma Anumzamofo nagamo'za erisintiharegahaze hu'nea masanentake kumakura, Nafatimofona miko zupa susu hunentone.

Kolosi 1:13

Na'ankure hanizamfo hanavefintira taza huno tavreno avesinentea Ne' Mofavre'amofo kumapi nerante.

Taitus 3:3

Korapara mago'a knafina tagra'nena, haviza huta knare osuta negi neneta, ke ru hanentagita, havige reravatga hzageta, kefo zamofo avu'avapi kina hu'neta, vahe'mofo zanku kersane nehuta, vahe antahi haviza hunezmanteta, tagrati antahi haviza ohu ahu hu'none. Vahe zamatagri naneke nehunkeno,

1 Joni 1:7

Hu'neanagi tagrama msare'ma vano huta, Agrama msare mani'nea kna'ma nehuta, tagra trogoteta manisunkeno'a, Anumzamofo Nemofo Jisasi koramo mika kefozanti sese hunerante.