Efesasi 4:22 - Kamano

²² Korapa ama mopafi kasri avu'avaza mani'zantamifi me'neane, maka havi tamagu tamagesa me'neane, havige avu'ava'zanena atreho.

Anumzamofo Routage Avantafere

²² Korapa ama mopafi kasri avu'avaza mani'zantamifi me'neane, maka havi tamagu tamagesa me'neane, havige na atreho.

Efesasi 4:22 ပူးပေါင်းရင်းမြစ်များ

Proveps-Knare Nomaniza 11:18

Kefo avu'avama nehaza vahe'mo'za, antesaza feno zmimo'a atupa knafi megahie. Hianagi fatgo vahe'mokizmi mizamo'a, zaza kna megahie.

Romu 6:6

Tagra antahinone kumi tavutavazana Jisasi'ene rugeka zafare hantigeno, kumimofo hankavea tagripintira eritrene. Tagra mago'ane kumimofo kazokzo eri'za vahera omani'none.

Romu 7:11

Na'ankure, kumimo'a kasegefinti kankamuma'a keno erifore huno renavatga higeno kumimo'a nahe frine.

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

Galesia 1:13

Na'ankure korapama Jiu vahe'mota avu'avaza nehua knafina, Anumzamofo avu'ava nehue nehu'na, mono nagama nezmahena, zmazeri havizama hu'noana tamagra ko antahi'naze. (Apo 8:3)

Efesasi 2:3

Zamagri amu'nompina korapara tagranena anazanke huta maka havi tvesi'zante amage ante'none, tagu'afine amega tavufafine tave'manesiaza hutere nehuta, tagra ana kefozampi fore huta amage' nentonkeno, Anumzamofo asi vazi'zamo tagrite ene maka vahete ene e'ne.

Efesasi 4:17

Ramofo hanave'afi anage hu'na neramasamue, mono nontahiza vahe knara (Gentiles) osiho, zamagra hzanegre'za mago'zana zamagu'areti hugara osu'naze.

Efesasi 4:25

E'ina hu'negu magoke magoke'motma havige osutma tamage hiho. Mago avufagna hutma mono kevu mani'nonanki, tva'ontamire ru vahe'ma mani'nesiana havigea huonteho.

Efesasi 4:31

Rimpa hevava hu'zane, maka rimpa haviza huno ha' hu'zane, rimpa he'zane, rankege hu'zane, vahe zamefi'a ke hu'zana netretma, maka vahe kna zami'zana atreho.

Kolosi 2:11

Tamagra kumi tamavutamaza atrazazamo Kraisimpina oku tamavufga taga hu'naze. E'i vahe'mo azantetira ana tamavufga taga osu'neanki, Kraisima eri'nea eri'zamo anara huramantene.

Taitus 3:3

Korapara mago'a knafina tagra'nena, haviza huta knare osuta negi neneta, ke ru hanentagita, havige reravatga hzageta, kefo zamofo avu'avapi kina hu'neta, vahe'mofo zanku kersane nehuta, vahe antahi haviza hunezmanteta, tagrati antahi haviza ohu ahu hu'none. Vahe zamatagri naneke nehunkeno,

Hibru 12:1

E'i ana hu'negu korapama Anumzamofontema zamentintima hu'naza vahe'moza, hamponkna hu'za regagirantenazagu, tazeri knama nehia zane, kumimo'enema rugagino tazeneria zana netreta, Anumzamo'ma tagima hu'nea agamareno tragi zokagopina tagareta kazigazi huta vanune.

Hibru 3:13

Hianagi menima knama me'nenire, mago magomotma ozeri hanaveti, azeri hanaveti maka kna nehinkeno, kumi'mofo havigemo'a rehiza huoramanteno.

Jemisi 1:21

E'ina hu'negu mika agru osu avu'avazana erinetreta, tamagu'afima kefo avu'avazama me'nesiana erinetretma, anteramitma, tamagu tamema tamaguma vazisia nanekema Anumzamo'ma tamagu'afima hankre'neana eriho.

Jemisi 1:26

Mago'moka mono vahe'mani'noe nehunka kagefu'na kegva osnanana, kagra'a regavatga hanankeno mono kamo'a amnezankna hugahie.

1 Pita 1:18

Na'ankure tamagrama ketma antahitma hanazana, korapa tamagehe'za zamaza osu zamavuzmava nehaza kante nevazagu, anampinti miza seramantene. Miza seramante'neana haviza nehiazanu, silvane kolireti miza seoramantene.

1 Pita 4:3

Tamagra Anumzamofoma keno antahino osu vahekna hutma, zaza kna ama mopafina mni'neta, havi tamagu tamagesa nentahitma, havizamofo avesizampi nemanitma, negi tina nenetma, ranke huta vano nehuta, neza kretma nenetma, havi anumzamofo mono hunte'naze.

2 Pita 2:13

Zamagra havi zmavuzmava nehazanki'za, mizama'a haviza erigahaze. Zamagrama zamagesama antahizana, musenkase huta aka tina zge ferupina negahune nehu'za, havi zmaguzmagesareti nezama kagranema nenazazamo'a, zamagraguke antahi zmavuzmava nehu'za, zmagazehu zmavuzamava hu'za nevazankino, ana zmavu'zamavamo'a, zmazeri haviza hugahie.

2 Pita 2:7

Hanki kefo monko avu'avaza nehu'za, zamagra fatgo osu zamavuzmava nehazageno rimpagna hunezmantea fatgo nera Lotina, Anumzamo'a agu'vazine.