Efesasi 3:20 - Kamano

²⁰ Menina Agri'ma antahima negona zampina agtereno mevite'neakino, tagu tagesama nentahunazana agtereno amne anazana hugahie. Agri hanavemo tagu'afi eri'za e'nerie,

Anumzamofo Routage Avantafere

²⁰ Menina Agri'ma antahima negona zampina agtereno mevite'neankino, tagu tagesama nentahunazana agtereno amne anazana hugahie. Agri hanavemo tagu'afi eri'za e'nerie,

Efesasi 3:20 ပူးပေါင်းရင်းမြစ်များ

Jenesis 17:1

Abramu'a 99ni'a zgegfu higeno, Ra Anumzamo agrite efore huno amanage huno asmi'ne, Nagra Hihamu'ane Anumzamo'na negasmue. Nagri namagenentanku fatgo avu'ava hunka manio.

Jenesis 18:4

Muse (plis) hurmantoanki mani'nenkena osia tina afi'za eme tamina tamaga sese hugahazanki ama zafa agafare manigsa hiho.

Matiu 3:9

hagi Abrahamu'a nerfakita, tagra knare hunone hutma osiho. Na'ankure nagrama tmagri'ma tmasmi'na, Anumzamo'a amne hanigeno ami havemo'a, Abrahamuna mofavre fore humigahie.

Joni 10:10

Hanki kumzafa vahe'ma esuno'a, kumzafa seno, ahe nefrino, eri haviza hunaku egahie. Nagrama e'noana zamagra zamasimu e'neri'za, ana asimu eri avitetfa hanazegu e'noe.

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

Romu 4:21

Anumzamo'a huvempama hunante'neazana amane hunantegahie huno rimpa fru Abrahamu'a erine.

1 Korinti 2:9

Hu'neanagi, avontafepi kre'nea kante ante'za, avurgamo onkegeno, agesamo ontahigeno, vahe'mo'za antahi'za ke'za osu'nazana Agriku zamavesi nentamokizimi Anumzamo retro huzmante'ne. (Aisa 64:4)

2 Korinti 9:8

Anumzamo'a knare huno makazampina asunkuzama'a eri avitermantena, aviteta mani'neta, mika zupa rama'a me'nesnifinti knare tamavu'tmava huta vahe'mofona zamaza hugahaze.

Efesasi 1:19

Hanki tagrama tamentinti nehuna vahe'ma agatererfa razama, Agra hanave'a tami'neana, ama ana hihamu'agino,

Efesasi 3:7

Ama Knare Musenkemofo (Gutnius) eri'za vahe nagra mani'noe, Anumzamo asunku hunanteno muse'za hanavea nami'nea hanave'afi eri'zana e'nerue.

Kolosi 1:29

E'ina hu'negu Kraisima maka hankavema naminereti tusi hankavetina eri'zana e'nerue.

1 Timoti 1:14

Ra Anumzamofo asunku zamo'a agtereno avite'ne, amentintine avesizanemo'a Krais Jisasimpi me'negeta negone.

Hibru 11:19

Abrahamuma agesama antahi'neana, Aisakima ahe frisugeno'a Anumzamo asimura ete amigahie huno agesa antahine. Hagi ana hu'negu nemofoma avreneazamo frizampinti avrenea avame'za huraveri hu'ne. (Jen-Agf 22:1-18)

Hibru 7:25

E'ina hu'negu Agrite'ma etenoma, Anumzamofontema esimofona magoke zupa agu'vazinkeno mni vava hugahie. Na'ankure Agra manivava hu'neno, Anumzamofontega nunamu huno zamaza nehie.

Jemisi 4:12

Kasege neramino, refakoma hurante Nera Anumzana magoke mani'ne, Agrake tagu'vazige, tahe fanane huge hugahie. Hu'neanagi tamagra azagata neramafuna refako hunentaze?

2 Pita 1:11

E'inahu kantema vnageno'a, Ranti Jisas Kraisi'ma taguvazi nemo'a, manivava kuma'amofo kafana anagi hagro hanigeta ufregahaze.

Juti 1:24

Hagi menina Anumzamo'a tanafama ruzankura kegva huneramantena, Agra tavaresigeta Agri'a msafi kumitami omanena, tusi'a musezampi manigahaze.