Efesasi 3:1 - Kamano

¹ Ama'na agafare nagra Poli'na Kraisi Jisasi eri'zampi kina tamagri (Gentiles) tamazahu zantere hu'noe.

Anumzamofo Routage Avantafere

¹ Hagi ama'na agafare nagra Poli'na Krais Jisasi eri'zampina kina tamagri'ma (Gentiles) tamazahu zantera hu'noe.

Efesasi 3:1 ပူးပေါင်းရင်းမြစ်များ

Luku 21:12

Hu'neanagi anazana fore osu'nena, esera tamagrira tmazeri'za kanonkeve neramami'za, tamavre'za osi mono nompine, kina nompi ome neramante'za, kini vahete'ene kamani vahetera, Nagri nagireku hu'za tamavre'za vugahaze.

Aposol 21:33

Anante sondia kva ne'mo'a Polina ome azeriteno, huzmantege'za tare seni nofinu anakintetageno, anante sondia kva ne'mo'a, zamantahige'ne, Agra aza'e, agra na'a hu'ne?

Aposol 23:18

Ana higeno hantreti'a sondia vahete kva ne'mo (sensulien,) ana arisera avareno ugagota sondia kva nete vuno, Poli'a hunanteno avarenka ama arisera ugagota sondia kva ne'te vuo, na'ankure agra mago'a kea ome asamigahie, hige'na avare'na e'noe.

Aposol 26:29

Anage higeno Poli'a kenona'a huno, atupa knafino, za'za knafino nagra Anumzantega nunamu nehue, kagrikukera nosuanki ama menima mani'ne'za nagrama huanke'ma nentahiza vahe'mo'za, nagrikna hihogu nehuankino, ama'na seni nofinura kina reozmante'saze.

Aposol 9:15

Hianagi Ramo'a anage huno agrira asami'ne, Vuo, na'ankure agrira ko huhampri ante'noakino, Nagri eri'za ne' manigahie. Hagi Nagri nagi nagenkea erino megi'a vahete'ene, kini vahete'ene, Israeli vahetera vugahie.

2 Korinti 1:6

Tamagri knare zanku'ene tmahoma kezanku'ene, tagrira tazeri havizana hugahaze. Tamagrama fru huta manisagu, Anumzamo'a tagrira tazeri fru nehie. E'i ana zamo'ma eama nehiana, akoheno manineno, tagrama eneruna kna knazama e'nerimofonte efore nehie.

2 Korinti 10:1

Nagrani'a Poli'na, Kraisi anterami avu'avazampinti'ene fru avu'avazanteti tamantahinegoe. Nagra tamagranema mani'nena fru avu'ava huramante'noanagi, afete'ma mani'nena hanave naneke huneramantoe.

2 Korinti 11:23

Zamagra Kraisi eriza vahepi? Ama nanekema hanuana neginagi vahe'mo'za nehazankna nehue. Nagra zamagterena tusiza hu'na Anumzamofo eri'za e'nerina, zamagterena kina nompina rama'a zupa manina, rama'a zupa kanonutira nahetere hazage'na frikante vu'noe.

Galesia 5:11

Hianagi nafuhete, nagrama tamavufgama tga hihogu'ma huamama nehanugeno'a, na'a hige'za nagrira nazeri haviza nehaze? Keka zafamofo kemo'a zmagigo zamitnafa hu havegna nehiazamo'a amanezankna hugahie.

Galesia 5:2

Antahiho, Nagra Poli'na amanage hu'na neramasamue, tamagra tamavufgama atresage'za tga hurmante'nesazana, Kraisi'a tamaza osugahie.

Galesia 5:24

Hagi Krais Jisasimpi mani'namo'za, zamufamofo avu'avazane, zmesi'zanena rugeka zafare ahe fri'naze.

Efesasi 3:11

Ama'i korapa monane, mopane tro osu'neno, tro huntegeno me'nea antahintahi Krais Jisasi Rantimofompi eri ama hu'ne.

Efesasi 3:13

E'ina hianagi nagri'ma tusi'a zampi nazeri haviza nehza zankura tamarimpa havizana osiho, e'ima nazeri haviza nehza zamo'a tamagri tamaza hanigeta knare hutma manigahaze.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

Efesasi 4:1

E'ina hu'negu nagra Ramofo kina vahe'mo'na, knare hutma mani'zantamifi kana nevutma, tamagima higetma eri'naza zanku hampo'nati'na tamavumro nentoe.

Efesasi 6:20

Na'ankure nagri'ma nazeri oti'nege'na, Agri agi eri'na seni nofite kina hu'na mani'nena, ana nanekema hanufina nagra hanaveti'na mni'nena huama ha'neno.

Filipai 1:7

Na'ankure maka'motma nagu'areti antahi nerami'na, Anumzamofo knare musenkea huama nehugu kina nompine, megi'ane ruga'a vahepi, asunku'zana tarega'mota e'neru'e.

Kolosi 1:24

Tamagriku'ma hu'na natama e'neruazankura nagra muse nehue. Na'ankure Kraisi'ma atama erimete'nea zamo'a ama navufarera natazana erivinetoanki, mono kevumotma, Kraisi avufga mani'naze.

Kolosi 4:18

Poli'na nagrani'a nazampinti ama musenkea kreramue. Kinafima mani'noa zankura tamagera kanionanteho. Anumzamofo Asunkuzamo'a tamagrane mesie.

Kolosi 4:3

Hagi tagri'enena nunamu hunerantenkeno, Anumzamo'a kana erifore hina nanekema hanunazamo'a, vuno eno hanigeta, Kraisi naneke'ama oku me'nea kea erinteama hamneno. Na'ankure nagrira ana nanekema huama huazanteku kina hunante'naze.

2 Timoti 1:16

Nagrama seni nofite kina nompima mani'nogeno, agazegu osuno nazama hu'nerera, Onesiforusi nagara Ra Anumzamo asuntgi anteno aza hanie.

2 Timoti 1:8

Hu'negu Rantimofo naneke huama hu'zantera kagzegura osuo, nagrama Agri kinama hu'nogura kagazea osuo. Hagi nagrane tragotenka knazana knare musenkerera (gospol) Anumzamofo hanavefi erio.

Falimoni 1:1

Nagra Poli'na, Kraisi Jisasi erizante kina hu'nomo'nane, nenafu Timoti'ene ama avona, Filimoniga magoka eri'za enerita tavesinegantona rone timokaregane,

Falimoni 1:23

Kraisi Jisasi erizanku hu'za magoka kina hurante'naza ne'mo, Epafrasi'a musenkea atregante.

Falimoni 1:9

Nagra Poli'na, Krais Jisasi erizante kina hu'noa ne'mona, navesigantoa kazigati, kazeri otike huna kantahinegoe.

Revalesen-Hufo Hu'ne 2:10

Hanki ko, kagrama knazampi ufresnana knamo'a kofta nehianki korera osuo. Sata'a hanige'za mago'a nagatamia avare'za kina hunente'za, reramahe'za kesageta 10ni'a gnamofo agu'afi knazana erigahazanki, kazigazi huta nevuta ome frisagena, Nagra asimu erino mni fetori tamamigahue.