Efesasi 1:13 - Kamano

¹³ Tamagranena tamage kema Kraisimpinti ko antahitetma, manivava tamasimu eri'zanku Knare MusenKe'are tamentinti nehazageno, Agra Ruotge Avamu'anu azanko avona kreno huhampri (seal) tamanteno tamamine.

Anumzamofo Routage Avantafere

¹³ Tamagranena tamage kema Kraisimpinti ko antahitetma, manivava tamasimu eri'zanku Knare Musenke'are tamentintia nehazageno, Agra Ruotge Avamu'anu azanko avona kreno huhampri (seal) tamanteno tamami'ne.

Efesasi 1:13 ပူးပေါင်းရင်းမြစ်များ

Luku 11:13

Hanki tamagra havizama nehzamota, tamagra antahinaze. Knare museza mofavretmia nezamize. Mago'ane monafi mani'nea Neramafa'a, Ruotge Avamuku'ma antahigaza vahera zamigahie!

Luku 24:49

Hanki antahiho, Nfa'nimo huvempa huno tamigahue hu'nemofona, huntesugeno tamagrite egahie. Hu'neanagi tamagra (Jerusale) rankumapi manineta monafinti hanavea eriteta vuta eta hiho.

Joni 1:17

Na'ankure kasegea Mosesempi tami'ne. Hagi asunku'zane tamage kea, Jisas Kraisimpi tami'ne.

Joni 14:26

Hianagi tmaza hu'zana, Ruotge Avamu, Nenfa'a Nagri nagifi huntesigeno eno, Agra maka'zanku eme rempi huramigahie. Nagrama maka'zanku tmasmi'noana hurmagesa hugahie.

Joni 15:26

Tmazama hu'zama huntesugeno Nenfantegati tmagrite esuno'a, Agra Tmage Avamukino Nagri nagenkea eriama hugahie.

Joni 3:33

Iza'o, Agri agi agenke'a erimo'a, tamage huno Anumzamofo nanekegura nehie.

Joni 6:27

Fanane hania ne'zantera eri'zana e'oriho. Hagi fanane osu manevava hanaza ne'zanku nentahita eri'zana eriho, e'i ana ne'zana Vahe'mofo Mofavremo tamigahie. Na'ankure Nefa, Anumzamo azanko avoma'a retro huno Agri hugnare hunte'ne.

Aposol 1:4

Ko'ma zamagrane mani'neno'a, anage huno huzmante'ne, Jerusale kumara otretfa hiho, hianagi Nenfa'ma huvempa huno huhampri nante'nea zanku'ma tmasmi'noana avega antetma maniho.

Aposol 13:26

Nafuhetma Abrahamu agigo azankomofo nagare, amama Anumzanku koro nehu'za tamagrane mani'naza megi'a vahe'motma kumipinti tazahu kea tagrite atregeno e'ne.

Aposol 2:33

Ana higeno Anumzamo ragi nemino, azantamaga kaziga'a avarentegeno, huvempama hu'nea Ruotge Avamura Nefampinti erino, eritagitregeta menina negeta nentahita nehaze.

Romu 1:16

Na'ankure Kraisi knare musenkegura nagazea nosue. Na'ankure e'i Anumzamofo hanave'a anampina me'neankino, iza'zo zamentintima hanamokizmia zmahonekeno, Jiu vahe esera zamavreteno, anante megi'a vahera zamavregahie.

Romu 4:11

Oku avufgama tga hu'zana amentinti huzamofo avame zankino, ko Abrahamu'a amentinti higeno Anumzamo'a avregeno, fatgo nere huno huntene. Oku avufgama tga osunere anagea huntene. E'ina hu'negu oku zamavufga tga osu vahe'mo'za zamentintima haza vahe'mokiziminena, Anumzamo'a fatgo hu'naze huno huzmantesigeno, Abrahamu'a avamupina nezmafaza hugahie.

Romu 6:17

Anumzamofona muse hunteho, korapara kumimofo kazokzo eri'za vahe mani'nazanagi, menina tamagu'areti rempima huramuazana amage'nentaze.

2 Korinti 1:22

Avame'za Avamu'areti tagu'afi anteneranteno Nagri vahere huno hu'ne. Henkama hakare'za tamisiazamofo huvempa hu'ne.

2 Korinti 6:7

tamage kema huama nehumpine, Anumzamofo hankavefina, fatgo mani'zamofo ha'zamo'a tamaga tazampine hoga tazampina me'negeno,

Galesia 3:14

E'ina hanunkeno Abrahamuma huhampritenea asomumo'a, Kraisi Jisasimpinti megia vahepina nevanigeta, tagra huvempa hu'nea Avamura tamentinti hanuta erigahune.

Efesasi 4:21

Tamagrama ko Agriku'ma nentahizageno Agripima rempi hurami'nea zana, Jisasimpi tamage nanekea me'ne.

Efesasi 4:30

Anumzamofo Avamura mani'zantmifina rimpagna eriomiho. Tmagesa antahiho, Avamu'mo agra azanko avoma'a kreno tamagra nagri nagare hu'neankino, esnia knarera tamaza huno tamavregahie.

1 Tesalonaika 2:13

Maka kna tagra Anumzamofona susu hunentone, tamagrama tamametintima hu'naza zankura, ana kema huama hunketma tamagrama erinazana, vahe'mofo ke eriaza hutma e'ori'naze. Hianagi tamagra Anumzamofo tamage ke eri'naze.

2 Timoti 2:15

Eri'zanka'a kazigzi hunka e'nerigeno, Anumzamo negageno erizanka'agu muse hunegantena, kagazegura osugahane. Ana nehinkenka tamage naneke'a hufatgo hunka huama hugahane.

2 Timoti 2:19

Ana hu'neanagi Anumzamofo nanekemo avempa huno arafuna reno me'ne, azanko avo (seal) me'negeno amanage huno kre'ne, Ra Anumzamofo nagare hu'za mani'naza vahera zamantahino keno hu'ne. Maka agi hanta nevaziza Ra Anumzane nehaza vahe'mo'za kefo mani'zampina maniagetagi'za maniho.

2 Timoti 3:15

Osi'moka otage avon tafepima me'nea nanekea antahime enka e'nane, e'i ana nanekemo knare kagukagesa negamina kmentinti nehunka, Krais Jisasipinti kahokeno kagu'vazizana erigahane.

Taitus 2:11

Hu'neanagi Anumzamofo asunku zamo vahe avare'zana hakare vahete erino efore hu'ne.

Hibru 2:3

Anumzamo'ma tahoke'neazama tamagenama humisuta, tagra inankna huta rimpa hezana agateregahune? Ama ana tahoke'zana esetera Ramo hu'ama higeno, Agrite'ma zamentintima nehaza vahete amara higeta ke'none.

Jemisi 1:18

Mika'zama troma hu'nea zamofo ese rga'a manisunku, Agra'a avesite tamage kereti tazeri fore hu'ne.

Jemisi 1:21

E'ina hu'negu mika agru osu avu'avazana erinetreta, tamagu'afima kefo avu'avazama me'nesiana erinetretma, anteramitma, tamagu tamema tamaguma vazisia nanekema Anumzamo'ma tamagu'afima hankre'neana eriho.

1 Pita 2:10

Hianagi kora tamagra Anumzamofo vahera omni'nazanagi, menina Anumzamofo vahe mani'naze. Tamagra Anumzamofo asunkuzana e'orinazanagi, menina tamagra Anumzamofo asunkuzana eri'naze.

Revalesen-Hufo Hu'ne 7:2

Hagi anantera kogeno mago ankeromo'a zage hanati kazigati ehanatino, manivava Anumzamo hunagru huno nagrizane hu'nea avame'za, erineno mopane hagerine eri haviza hugahaze huzmante'nea 4'a ankero vahera ranke huno zmasamine.