Aposol 9:17 - Kamano

¹⁷ Huno higeno, Ananaisi otino mani'nea nonte vuno, azama omenteno nunamuma hunteteno anage huno asami'ne, nenafu Soliga, kantegama neankeno, Ra Jisasi'ma kagrite efore'ma hu'nemo, kagrama etenka kavu negenka, Ruotge Avamura eri avitesane huno hunantege'na nagra e'noe.

Anumzamofo Routage Avantafere

¹⁷ Huno higeno, Ananaisi'a otino mani'nea nonte vuno, avufgare'ma azama omenteno nunamuma hunteteno anage huno asami'ne, nenafu Soliga, kantegama neankeno Ramo Jisasi'ma kagrite efore'ma hu'nemo, kagrama etenka kavu negenka, Ruotge Avamura eri avitesane huno hunantege'na nagra e'noe.

Aposol 9:17 ပူးပေါင်းရင်းမြစ်များ

Jenesis 45:4

Anante Josefe afuhei'gizmigu anage hu'ne, Muse (plis) hurmantoanki nagrite erava'o hiho. Zamagra anante erava'o hzageno. Agra anage hu'ne. Nagra, tamagri nermafune Josefena, tamagrama zgorema natrage'za mizase'za Isipima e'nazane.

Matiu 19:13

Anante neonse mofavre zimi zmavare'za aza anteno nunamu huzmantehogu Jisasinte e'naze. Hianagi Jisasi amage nentaza disaipol nagamo'za ke zmasu'za i'o huzmante'naze.

Maki 5:23

muse hugantoanki, osi mofa'nimo'a fri'za higena neonki, enka kzana eme antegeno ofrino manino huno antahige'ne.

Maki 6:5

Anampina mago'a kaguvazana Agra eri fore osu'neanagi, mago mago kri vahete azanteno zmazeri so'e huzmantetere hu'ne.

Luku 1:41

Mariama knare kne huntea kema, Elisabetima netahigeno'a, rimpafi mani'nea mofavremo muse nehuno, haru huno marerigeno Ruotage Avamumo'a Elisabetina agu'afi frevite'ne.

Luku 1:67

Hagi nefa, Sekeraiana Ruotge Avamumo agu'afi frevitegeno, amanage huno kasnampa kea hu'ne,

Luku 1:76

Hagi kagra ama mofavre'moka, Marerisa Anumzamofo kasnampa vahere hugahaze. Na'ankure kagra Ramofona vugotenka Agri kana retro huntegahane.

Luku 15:30

Hianagi ama mofavre kamoma maka zanka'a monko avu'avazante ome atre vgareno eri haviza huteno egenka, kagra afovage bulimakao ahenka krente'nane.

Luku 15:32

Hianagi tagra neza neneta muse huntegahune. Na'ankure ama negagna'a frine huta hunoanagi, kasefa mani'ne. Fanane hu'ne huta hunanagi, efore hu'ne huno asami'ne.

Luku 2:11

Na'ankure menina Deviti kumatera, tmagri'ma tamagu'vazinia mofavre kasente'ne. Hanki ana nera Ramo, Kraisi'e.

Aposol 10:36

Nagra antah'inoe, tamagra ko knare musenkema Israeli vahe'ma zamasmi'neana antahi'naze. Anumzamofo rimpa fruzana Jisasi Kraisimpi efore hu'ne, Agra mika zamofo Rane.

Aposol 13:3

Ana hute'za ne'zama a'o hu'za mani'neza henka zamazana znagofetu ante'za nunamu hute'za huzamantake'ne vu'na'e.

Aposol 13:52

Hu'neanagi Antioku kumate'ma zamentinti nehu'za Ramofo amage nentaza nagapina muse'zamo'ene Ruotge Avamu'mo'a avite'ne.

Aposol 19:6

Hagi Poli'ma zamagrite azama antegeno'a, Ruotge Avamu'mo'a zamagrite ege'za, agafa hu'za ruzamageru ruzmageru neru'za, henkama esiazamofo kasnampa kea huama hu'naze.

Aposol 2:4

Maka'mofona Ruotge Avamu'mo zamagu'afi viteno, zamazeri otige'za, Avamu'mo zamasamia kante ante'za, agafa hu'za aru agerupinti kea hu'naze.

Aposol 21:20

Ama ana nanekema antahite'za, Anumzamofo agi erisaga hu'naze. Zamagra anage hu'za Polina asami'naze, kagra nerafuga antahio, nama'a tauseni'a Jiu vahe'mo'za zamentinti nehu'za, Mosese Kasege'ne amage' nentaza vahe'mo'zanena hampo'nati'za amage' nentaze.

Aposol 26:15

Hige'na azage Ramoka? hugeno Ramo'a huno, nenahamo'na Nagra Jisasi'ne.

Aposol 4:31

Nunamu hutageno, anama zogitru hu'za mani'naza nomo'a kazakaza higeno, ruotge Avamumo'a zamagu'afi avitege'za, Anumzamofo nanekea reku osu'za agafa hu'za hu'naze.

Aposol 6:6

Ana hute'za ana vene'ne zga zamare'za aposol nagate vazage'za zamaza ante'za, nunamu huzmante'naze.

Aposol 8:17

Anante Pita'ene Jonikea agafa huke zanazama ana Sameria vahe'mokizmi zamufare antake'za Ruotge Avamura eri'naze.

Aposol 9:18

Anagema nehigeno'a, ame huno avuragafinti irikna'zamo knope ramigeno, avua eteno negeno otino mono ti fre'ne.

Romu 15:7

E'ina hu'negu, Kraisima tamagrima tamavre'neaza huta, tamafuheina zamavareho, ana hanageno Anumzamo'a ragi erigahie.

1 Korinti 15:47

Kota nera mopafinti kugupa erino tro higeno asimura erino mni'ne. Hianagi henka nera Kraisi monafinkati e'ne.

1 Korinti 15:8

hagi henka'arfana, kasentega kna me'negeno ame huno kasenante'nea ne', e'i nagrite efore hu'ne.

1 Korinti 9:1

Nagra kina vahe omani'nofi? Nagra Jisasi aposol eri'za vahera omni'nofi? Jisasina Rantimofona onke'nofi? Tamagra Ramofonte eri'za eri'noa rga'a omni'nazafi?

1 Timoti 4:14

Kagra kagera oknitfa huo, Anumza naneke huama (profesi) hzagenka anampinti Avamu'mofo muse'za (gift) erinke'za, mono kva vahe'mo'za zamaza ante'za eri'za eriogu huhampri kante'naze.

1 Timoti 5:22

Ame'ama hunka kzana mago vahetera antenka mono eri'za erisie hunka azeri o'otio. Mago'a vahe'mo'za kumi' hanafina kagra ana kumi'zampintira kagra manigru hunka manio.

2 Timoti 1:6

E'izanku Anumzamofo musezama (gift) kagu'afima kami'neana hugre kru huo, nazama kavufgare nentogeno, kami'nea zanku hugagesa nehue.

Falimoni 1:16

Menina Onisimusia mago'ane kazokzo eri'za nera omanine. Hianagi nagritera kazokzo eri'za vahera agatereno navesinentoa nenfu'e. Hu'neanagi menina kagritera amega tavufare'ene Ramofompina mago'ane mono nerafu manine

Hibru 6:2

Mono tima frezamofo nanekegi, azama anteno nunamuma hu'zamofo nanekegi, fripinti'ma oti zamofo nanekegi, eteno henkama refko hanigeta manivava hanaza'zamofo naneke mago'ane huama huta tamasami vava osugahune.

2 Pita 3:15

Anumzamo'ma akoheno tavega anteno mni'neazankura tamagera okaniho. Na'ankure Agra maka vahe zmahokeno zmagu vazinakure, nerafu Poli'enena ama anazankura Anumzamo'ma knare antahintahima aminereti kretamine.