Aposol 26:23 - Kamano

²³ Kema hu'za Kraisi'a ataza erino friteno pusante fri'pintira otino, Jiu vahete'ene megi'a vahetera tavi'a eri ama hugahie hu'naze.

Anumzamofo Routage Avantafere

²³ Kema hu'za Kraisi'a ataza erino friteno pusante fri'pintira otino, Jiu vahete'ene megi'a vahetera tavi'a eri ama hugahie hu'naze.

Aposol 26:23 ပူးပေါင်းရင်းမြစ်များ

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

Matiu 26:24

Agriku'ma hu'za krente'naza kante, Vahe'mofo mofavremo frigahie. Hianagi kva hino, komoru huno ha' vahete navre zamisnia ne'mo'a, nerera'ma kse ontene'sinia knare hisine.

Matiu 27:53

Jisasima otitege'za, matipinti otite'za Jerusale ruotage hu'nea rankumapi ufre'za hakare vahete eama hu'naze.

Luku 2:32

Agra masagino maka megi'a vahetera remsa hunezmantena, Israeli vahe kamofona ra agi amigahie.

Luku 24:26

Kraisi'a ataza eriteno, msa'afi ufresiana, knarera osugahio? I'o.

Luku 24:46

Agra anage huno zmasami'ne, avontafepina amanage huno krentene, Kraisina ahesageno ata erino friteno, tagufa knare otigahie.

Joni 10:18

Mago'mo'a nasimura Nagripintira eriotre'gahie, hianagi Nagra'ni'a navesite antregahue. Nagrira hanaveni'a me'neankina antete'na, Nagripi hanavea me'neankina ete nasimura erigahue. Ama'na kea Nenfa nasamino huo hu'neankina hugahue.

Joni 11:25

Jisasi'a amanage huno Matana asmi'ne, Fripinti otino asimu erino mani'zamofo agafa'a Nagra mani'noe, iza'o Nagrite'ma amentinti hanimo'a, frigahianagi asimu erino manigahie.

Aposol 13:34

Hu'neanagi e'ima hunte'nere, Anumzamo'a tamage huno Jisasina azeri oti'neakino mago'anena frino onkasritfa hu'ne, Anumzamo'a anage huno hu'ne, Nagra agru huno ruotge hu'nea huvempa asomu ke Devitima ami'noana, menina tamagrira tamigahue, (Aisa 55:3)

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

Aposol 26:8

Na'a higetma ama vahe'motma Anumzamo'ma fri vahera zamazeri oti'zankura tamentinti nosaze?

Aposol 3:18

Hagi korapa Anumzamo'a, Kasnampa vahepima runtaninoma, Kraisia ata hoza erigahie hu'noma hunte'neazamo, ana kante efore hu'ne.

Aposol 3:24

Anahu kante maka Samuelinteti'ma eno erami'naza kasnampa vahe'moza, ke nehu'za huama hu'nazana, ama knagu hu'naze. (Diu-Kas 18:15-19)

1 Korinti 15:3

Na'ankure miko'zama agatere'neazana nagra ko erite'na, neramasmue. E'i anazana Anumzamofo avontafepi kre'nea kante Kraisi tagri kumiku huno efri'ne.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

Kolosi 1:18

Kraisi'a Agranena mono kevu nagamofo aseni'a manine. Fri'naza vahepintira Agra esera fripintira oti'negu, anamiko zampina Agrake aseni'a mani'ne.

Hibru 2:10

Ana miko'zana Anumzamofo zantami megeno, ana maka zantamina Agri'a hankavereti trohune. Hagi ana miko Anumzamofo mofavre nagara zamahokeno zamaza hanige'za masazama'afina manisazegu Anumzamo'a fatgo huno kumi'a omanenea Ne' Jisasina tamigeno atazana eri'ne.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.