Aposol 2:3 - Kamano

³ Tevemofo agefu'nagana huno, tagareno vuno eno huno, magoke magoke'mofonte emani'ne.

Anumzamofo Routage Avantafere

³ Tevemofo agefu'nagana huno, tagareno vuno eno huno, magoke magoke'mofonte emani'ne.

Aposol 2:3 ပူးပေါင်းရင်းမြစ်များ

Jenesis 11:6

Ra Anumzamo eramino amanage hu'ne, zamagra magoke naga mani'ne'za magoke zamageru neraze. Amazana eri agafa hazankiza, mago'zama hunakuma hnazazana, amne tro hugahaze.

Matiu 3:11

Nagra amne tinteti mono tina fre nermantoe, tmagu'a rukrahe hnazegu, hianagi Agra henkama ne-emo'a nagrira nagtereno hihamu'ane ne' egahie, higena nagra Agri aganona (sendol) erizafiga osu'noe. Ruotge Avamupine, tevenu'ene Agra mono tina fre tmante'gahie.

Matiu 3:15

Hianagi Jisasi ke nona'a Jonina asmi'no, Menina amne fre nantegahane, na'ankure tagrati'a e'inama hanu'ana fatgo avu'avaza hugahue, higeno Joni'a Agri ke antahino,

Luku 24:32

Znagra znagra anage hu'na'e, kantegama neokenoma keagama nerasamino, Anumzamofo avontafepinti kema eriama nehigeno'a, tagu'amo'a otianagi, keta antahita osu'no'e.

Aposol 1:15

Ana knafina zamentinti nehaza nagapinti Pita'a 120ti'a naza naga amu'no zamifi otino anage hu'ne.

Aposol 2:11

Kriti mopareti'ene Arab mopareti vahe'mota tagra hanavenentake avu'ava'zama Anumzamo'ma hia zana tagerupi nentahune!

Aposol 2:2

Ana hu'za mani'nageno amehuno zaho'mofo agasasamo hiaza huno, tusi'a agasasa runo monafinti eramino mani'naza nompi avite'ne.

Aposol 2:4

Maka'mofona Ruotge Avamu'mo zamagu'afi viteno, zamazeri otige'za, Avamu'mo zamasamia kante ante'za, agafa hu'za aru agerupinti kea hu'naze.

1 Korinti 12:10

Hagi mago'mofona ruzahu ruzahu kaguvaza eri fore hu museza nemino, mago'mofona kasnampa ke huamahu museza nemino, mago'mofona avamutmima rezagneno ke museza nemino, mago'mofona ruzahu ruzahu zmegeru'ma ru museza nemino, hagi mago'mofona ruzahu ruzahu zmageru'ma rukrehe hu museza ami'ne.

Jemisi 3:6

Hagi tagefunamo'a tevegna hu'ne. Tagefunafina kefo kemo avite'neankino, amne ana miko kavufamofona eri haviza hugahie. Amne ana miko kavufga teve kampina avrenente. Ana tevea teve kuma'mo taginte'ne.

Revalesen-Hufo Hu'ne 11:3

Hanki ana hanige'na Nagri nanekema huama hana'a netrena, hanavea zanaminuge'ne, 1,260'a zgegnafi znasunku kukena huke, kasnampa kea huama hugaha'e.

Revalesen-Hufo Hu'ne 14:6

Hagi anantera mago ankero kogeno monafi hareno enevuno, mevava knare musenkea mopafima mni'naza vahete ene, maka kumate'ene naga nofite'ene, zmagerute ene, vahete'ene huama hu'ne.