Aposol 2:10 - Kamano

¹⁰ Frigia mopareti'ene, Pamfilia mopareti'ene, Isipi mopareti'ene, Livia kazigati'ene, Sairini mopareti ene, Romuti nantu vahe'ene, Hibru vahe'ene, megi'a vahe'mo'za zamagu'a rukrahe hu'naza vahe'enene.

Anumzamofo Routage Avantafere

¹⁰ Frigia mopareti'ene, Pamfilia mopareti'ene, Isipi mopareti'ene, Sairini kaziga Livia mopareti'ene, Romuti nantu vahe'ene, Hibru vahe'ene, megi'a vahe'mo'za zamagu'a rukrahe hu'naza vahe'enene.

Aposol 2:10 ပူးပေါင်းရင်းမြစ်များ

Jenesis 12:10

Ana knafina kave omnegeno agate'za fore higeno Abramu'a Isipi moparega vu'ne, na'ankure tusi'a agate kna fore higeno'e.

Matiu 2:15

Anantega Isip vuno umani'negeno Heroti'a fri'ne. Ana'ma hu'neana Anumzamo kasnampa ne'mofo asmigeno korapa kre'nea kemofo nena'a efore hu'ne, Isipitira Nagra Ne'mofavre'ni'a agi hugeno e'ne. (Hos 11:1)

Matiu 23:15

Kva hiho, kasere ugagota hu'naza vahe'ene, Farisi vahera, tamagiri hutma tavre vahe mni'naze. Mago'mo agu'a akarahe hinogura, tamagra mopafina vanohutma, hagerina taka nehaze. Anama hutma mago'ma nevretma, anamofona tamagra mni'naza avamena ageteretma tarezupa tevemofo mofavre azerinesaze.

Matiu 27:32

Anama atinerami'zageno mago nera Sairini kazigati Saimoni'e hu'za nehaza ne' eme nege'za, Jisasi rugeka zafa eri kofino vinogu tutu hunte'naze.

Maki 15:21

Sairini kumateti ne' Saimoni, (Aleksendane Rufusikizni neznafa) fegu'ati enevige'za, keka zafa'a erio hu'za hunente'za kofintageno eri'ne.

Aposol 11:20

Hu'neanagi Saipras vahe'ene Sairini vahe'mo'za zamagripinti mago'a Antioku e'za, agafa hu'za Ramofo Jisasi knare musenkea huama hu'za Griki vahe zamasmi'naze.

Aposol 13:1

Antiokua mono nontema menima mani'naza kasnampa vahe'ene, rempi huzmi vahera ama'a mani'naze, Banabasiki, Simioni (aganumpa nere hu'za nehaze ne'ki), Lusiusi'a Sairini ne'ki, kumate ugagota kva (Gavana) ne' Heroti knampa, magoka ositeti rasena'a ne' Maeniaki, Soliki hu'za mani'naze.

Aposol 13:13

Anante Poli'ene agrane vu'naza vahe'mo'za Pafosi kuma atre'za hagerimpi vu'za Pega kumate Pamfalia kaziga ehnati'naze. Hianangi Joni'a anante ome zanatreno ete Jerusale kumate vu'ne.

Aposol 13:43

Mono'ma osi mono nompi (sinagog) huvgarete'za, vu'za e'za nehageno, rama'a Jiu vahe'mo'zane, Anumzanku koro nehaza megi'a vahe'mo'za, Poline Banabasi kizani zanavriri'za nevzage'ne, zamazeri hanaveti ke hu'ne, Anumzamofo asunku'zampina hanavetita maniho hu'ne ana vahera zamasmi'na'e.

Aposol 14:24

Ananteti Pisidi'a distrikifi ufareke agatera'azamoke, Pamfilia provinsifi ehanati'na'e.

Aposol 15:38

Hianagi ko'ma avareke Pamfili'a kumate nevakeno, zanatreno eri'za e'o'ri vu'negu Poli'a hamponatino i'o, avareta ovugahu'e hu'ne.

Aposol 16:6

Zamagra Pamfaliane, Galasia kaziga ugatere'za nevzageno, Ruotge Avamu'mo mono ke Esia kaziga huzanku i'o huno huzamantege'za agatere'za vu'naze.

Aposol 17:21

Maka Antens vahe'ene ru mopareti vahe'mo'za ana kumapi emani'naza vahe'mo'za knazimi'a atre'za manine'za kahefa zama fore hia zamofo naneke huge antahige hu'naze.

Aposol 18:2

Anantega mago Jiu ne' ome keno erifore hu'neana, Pontusi kasente'naza ne' agi'a Akuila'e, mensin'tfa nenaro Prisila ene Italiti ena'e. Na'ankure Sisa Klaodiasi'a mika Jiu vahe'ma Romu nemani'za vahera atretma viho huno huzmantegeno Poli'a zanagri ome zanage'ne.

Aposol 18:23

Antioku'ma mago'a knama maniteno, ana kumara atreno mago'mago kumate Galasiane Fezianena vano huno Jisasi amage nentaza disaipol nagara zamazeri hampo'na hu'ne.

Aposol 2:11

Kriti mopareti'ene Arab mopareti vahe'mota tagra hanavenentake avu'ava'zama Anumzamo'ma hia zana tagerupi nentahune!

Aposol 23:11

Ana kenage Ramo Polina tava'oma'are oti'neno anage huno asami'ne, Oti hanavetio, Jerusalema Nagri nagi nagenke huama hu'nanaza hunka Romu kumatera anazanke hunka ome huama hugahane.

Aposol 27:5

Silisiane Pamfilia hagerina arugitagita vunazamota, Maira rankumate Lisia provinsifi umani'none.

Aposol 28:15

Hago tagriku'ma emani'naze kema Romu mani'naza tafuhe'za nentahi'za vahe'ma e'nazana, Apiasi kante maketi kumapinti ne'ageno, 3'a no mizase'za nemasaza nonteti tagri'ma tavataginakura e'naze. Poli'ma nezmageno'a hanave e'nerino, Anumzamofo muse hunte'ne.

Aposol 6:5

Ana mika vahe kevumokizmia zamesige'za, ana hugahune nehu'za, ana 70ti'a vahe hampri'naze, mago ne'ma hampona amentintine ne' Ruotge Avamu'mo agu'afima avite'nea nera Stiveni huhampriza Filipinki Prokulusinki Nikenanki Taimoninki Pamenasima, mago Antioku ne' Nikolasi'a megi'a nagapinti ne'mo agu'a akrehe huno Jiu monopi amentinti nehia ne' huhampri'za zamaretru hu'naze.

Aposol 6:9

Hianagi mago'a vene'nezga, Hibru osi mono nona (Sinagog) vahe zamazeri atre monore nehazafinti Sairini kumate'ene Aleksandria kumate'ene, mago'a Silisiane, Esia rankuma'mo kegva hu'nefinti (provins) vahe'mo'za oti'za Stiveni keha rente'naze.

Romu 1:15

E'ina hu'negu Romu kumate mni'naza nagamotarega, Anumzamofo knare musenkema eme huama hu'na tamasamizankura tusi'za huno navenesie.

Romu 1:7

Anumzamo'ma tmavesinteno kema higeta mika Romu kumate mni ruotge hutma mni'naza nagamotarega, Anumza Nafatimofone Rantimofo Jisasi Kraisi asunku'zamo'ene, rimpa fruzamo'a tamagra ne megahie.

2 Timoti 1:17

Hianagi Romu kumate emani'neno nagriku avune anteno hakreno ne-eno eme nage forehu'ne.

Revalesen-Hufo Hu'ne 11:8

Hagi ana znahe frisia znavufamo'a, rankuma'mofo kampi me'nenigeta, e'i ana kumaku fronka ke huta Sodomune Isipie huta hugahune. E'ina kumapinke Ra zanimofona rugeka zafare ahe'naza kumapi, znavufgamo'a megahie.