Aposol 15:9 - Kamano

⁹ Hankino tagrira Anumzamo'a ruzana huranteno, zamagrira ruzana huozmante'ne, zamentinti nehazageno zamagu'a zamazeri agru hu'ne.

Anumzamofo Routage Avantafere

⁹ Hankino tagrira Anumzamo'a ruzana huranteno, zamagrira ruzana huozmante'ne, zamentinti nehazageno zamagu'a zamazeri agru hu'ne.

Aposol 15:9 ပူးပေါင်းရင်းမြစ်များ

Aposol 10:15

Higeno mago'ene eteno ana ageru'mo agrite eno, ina kna'zama Anumzamo'ma azeri avusese hu'nesia zankura, avusese osu'ne hunka osuo.

Aposol 10:28

Pita'a omenezmageno amanage huno zamasmi'ne, Tamagratmi ko kasegea antahitma ketma hu'naze, megi'a vahepinti mago'mo'a Jiu vahe'ene tragotezano, nantuma antente zakuma i'o hu'za hampo'na kasegema ante'nazana antahi'nazanagi, Anumzamo'a naverino, mago'mofonkura haviza hu'ne huge, avusese osu'ne hu'na osugahue.

Aposol 10:34

Higeno Pita'a amanage hu'ne, tamagerafa hu'na menina antahue, Anumzamo'a rukna rukna huno vahera zamesi nozmanteanki, magoke avamente avesinezmante.

Aposol 11:12

Avamumo nasamino i'o osunka ana vahe'ene amane vuo hige'na, 6si'a nenafu'za nagrane azageta Konilias nontega vu'none.

Aposol 14:1

Antioku mani'nakeno fore hu'neankna kna'za fore hu'ne, Poli'ene Banabasikea Ikonia kumate vuke, Jiu vahe osi mono nompi (sinagog) hampo'natike hakare vahe'mo antahi ama hu'are, mono kea huama nehake'za, rama'amo'za Jiu vahe'ene Griki vahe kevumo'za zamentinti hu'naze.

Aposol 14:27

Zanagrama ehanatike mono vahezga eme zamazeri atru huteke, makazama Anumzamo'ma zanagripima hu'neazana nezamasmi'ne, megi'a vahete kama eri hagro hige'za zamentinti hu'naza ke zamasmi'na'e.

Romu 3:22

Tagrama fatgo huta Anumzamofonte manisune hanuta, Jisas Kraisinte tamentintia hanunkeno, Anumzamo'a ftago vahe mni'naze huno hurantegahie. Mago kana omnetfa hu'ne. I'o.

Romu 3:9

Na'ane huta hugahune, tagra Jiu vahe'mota mago'a nagara zamagetereta knare hu'none hugahumpi? I'o, na'ankure tagra ko ana miko Jiu vahero, megi'a vahera kumimofo hankavemo refitezmantenegeta zamageta antahita hu'none. Hagi Jiu vahe'mota ru vahera zmageterenompi?

Romu 9:24

Jiu vahepinti'ene, megi'a vahepintima zmavaretere hunefina, tagranena anampina mani'none.

1 Korinti 1:2

Korinti kumate nemniza Anumzamofo mono nagamotarega, Kraisi Jisasi'ma tmazeri avusese hurmantegeta ruotge (saints) huta mani'naza nagatega nevuno, mika vahe kokankoka mni'ne'za, tagri Rantie hu'za agi nehaza vahetegane, zamagri ene tagri ene Jisas Kraisi'a Rantimofo kea kreneramune.

1 Korinti 7:18

Mago'a vene'nemotma oku tmavufa tga hu'nazageno tamagi hu'nenigetma, tamagra oku tamufgama taga hu'neaza eriso'e hu'zankura maragu'za otiho. Mago'amo'za oku zamufga tga osu'nenke'za, zamagi hu'nesimo'za, zamagra oku zamufga tga osiho.

Galesia 3:28

Hanki Jiu vahero Griki vahera omnita, kazokzo vahe'ene amne vahera omnita, veo aro omni'naze. Na'ankure tamagra maka'mota Kraisi Jisasimpina magoke mani'naze.

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

Efesasi 3:6

Ama'i oku'a antahintahigino, megi'a vahe'mo'za (Gentiles) Jiu vahe'ene mago'zanke hu'za marerisa knare'zana, Anumzamofo mofavre ramine erigahaze. Ana tare kevumo'za knare muse nanekere zamentinti nehu'za, magoke avufa nemani'za, huhampri zamante'nea asomura Krais Jisasimpinti muse huza erigahaze.

Kolosi 3:11

Amafina Griki vahera omanigeno Jiu vahera omanigeno, avufga tga hu'nea vahero, avufga taga osu vahero, Sinti'ene vahero, Barberien vahero, kazokzo eri'za vahero, kina osu vahero, Kraisi'a ana miko'za mani'neankino, Kraisi mikamotafina mani'ne.

1 Pita 1:22

Tamagrama tamage kerema amagema antetma nevazazamo, tamazeri agru tamagu tamena higetma, neramafuma ovesinte avesinte tamagu'areti nehutma, tamaguareti hutma mago magomota ovesinte avesintea nehaze.