Aposol 13:45 - Kamano

⁴⁵ Mika vahe eritru nehzage'za Jiu mono vahe'mo'za nezmage'za kanive reneznantegeno Poli hiankegura mago zamarimpa huoznante'za, ana vahe'mo'za ha' reznante'naze.

Anumzamofo Routage Avantafere

⁴⁵ Mika vahe eritru nehazage'za Jiu mono vahe'mo'za nezmage'za kanive reneznantageno, Poli'ma hiankegura mago zamarimpa huoznante'za, ana vahe'mo'za ha' reznante'naze.

Aposol 13:45 ပူးပေါင်းရင်းမြစ်များ

Jenesis 37:11

Agri afuhe'za amefia ke hunte'nazanagi, nefa'a hakare'a nanekea antahi antahifi atre'ne.

Matiu 23:13

Hu'neanagi kva hiho, kasegere ugagota hu'naza vahe'ene, Farisi vahe'mota, tamagi'ari hutma tavre vahe mni'naze. Mona kumapima vunaku haza vahera, tamagra kafa erigita ahenkani renezmantaze. Na'ankure tamagra tmia unofretma zmatrage'za ufrenaku'ma haza vahera unofraze.

Matiu 27:18

Krunonkema Jisasi hunte'za avare'za eme ami'nazana agra antahinokeno hu'ne.

Aposol 13:50

Hu'neanagi Jiu vahe'mo'za, Anumzamofonku koro nehu'za zamagi me'nea a'nene, zamagi me'nea vene'nene zamarimpare ke hu'za zamazeri otige'za, Poline Banabasi kiznia, ana mopa kazigatira zamahe anati tre'naze.

Aposol 14:19

Hu'neanagi Jiu vahe'mo'za Antioku kumateti'ene Ikonia kumateti e'za, havige nehie hu'za zamagrarega eme zamavrente'za, Polina have knonu ahe'za avazu hu'za rankumapinti ati rami'za megi'a frie hu'za zamagesa nentahiza ome atre'naze.

Aposol 14:2

Hu'neanagi Jiu vahe'mo'za zamentinti ana kegura nosuza, megi'a vahe antahintahi eri savri hazage'za, ana netrena ha' rezanante'naze.

Aposol 14:4

Hu'neanagi ana ran kumapi mani'naza vahe krerafamo'za amu'nompinti refako hu'za, mago'amo'za Jiu vahetega vazage'za, mago'amo'za aposol vahetega vu'za hagerafi'naze.

Aposol 14:5

Megi'a vahe'ene Jiu vahe'mo'zane kva vahe zamine, zamazeri haviza huta have knonu tare netrena zanahefrigahune hu'za nehazageke,

Aposol 17:5

Hu'neanagi zamarimpa zamazeri otige'za Jiu vahe'mo'za antahi haviza hunezmante'za, kanivere'za kefo vahe maketi kumapi zamazeritru hu'za, ran kumapi ranke hute'za ana vahe'mo'za Jasoni nona tagana taganu vazi'za, Poline Sailasi kiznigu hake'za zanavre'za atru nehazafi vunaku hu'naze.

Aposol 18:6

Ana nehigezama ha'ma rente'za krunagema huntaza vahera anakre ku'a (saket) zafino kugusopa rupopo nehuno anage huno zamasmi'ne, tamagri kora kumimo'a tamagritami tamasenire megahie! Nagripina mago knazani'a omane'tfa hugahie. Amareti agafa huno vaniana, Jiu vahe'rompage megi'a vahete vugahue.

Aposol 19:9

Hu'neanagi mago'amo'za antahi'za zami'mo'a hampo'na atige'za, zamentinti hu'zankura zamagena hunente'za, ana vahe'mokizmi zamufi Ramofo avariri kankura huhaviza hunentageno, zamagrira nezamatreno, Jisasi amage' nentaza disaipol naga nezamavreno, mago nera Tairanusi'e nehaza ne'mofo rempi huzami nonte via'zamo, mika zupa vahe'ene keaga hu'ne.

Aposol 5:17

Hianagi ugagota prisi kva ne'mofo, agri kvafima erizama e'neri'za nagamo'za, (sadusi nagare) aposol nagara kanive rezmante'naze.

Romu 1:29

Zamagripina hakare havi kefo avu'ava zamo'a avitege'za, kefo zmuzma nehu'za, veva osu agraguke antahizane, vahe'mofo avesi onte'zama, antahi mugizama, vahe ahefri'zama, ke ha' huza kanive oreare huzama, krunage hu'zama, vahe'mofo fruge huonte'zama, vahe'mofo amefi ke hu'zane,

1 Korinti 3:3

Na'ankure mopafi vahe'mo'za nehazankna nehaze. Na'ankure knive nereta, ke fra amu'nontamifina nehaze. Tamagra ama mopafi vahe'tfa omani'nafi? Tamagra mopafi avu'ava zampi vano hiaza nosazafi?

2 Korinti 11:26

Hakare zupa vano hufina, rama'a hazenkefi ufre'noe, ti nehegefi tina marekanetogeno, kumzafa vahe'mo'za nahe'za nehazageno, nagrini'a naga'mo'zane, megi'a vahe'mo'za nahekate'naze. Rankumapi manige, ka'ma kokampina nevuge'za nazeri haviza hu'za nehazegeno, hage'rimpima fnane hu'za nehugeno, havige nerafu'zanena nazeri haviza hu'za hu'naze.

Galesia 5:21

rumofo zanku nofi ahe'zane, ti neneno negi ne'zane, atru hu'za ruga'a savri' zamofo naneke hu'zane. E'inahukna tavutavazana eri fore nehie. Ko'ma tamasmi'noana meni mago'ene neramasmue. E'inahu zamavu'zmavama nehaza vahe'mo'za Anumzamofo kumapi omanigahaze.

1 Tesalonaika 2:16

Megi'a vahe'mofontema zmahokeheno zmaguvazisia kema huama nehunkeno, rehiza hunerantazageno, anama hazazamo'a kumima hu avamena agatereno avite'ne. Hianagi e'inahukna vahetera, henka Anumzamofo rimpahezamo zamagritera megahie.

2 Timoti 3:11

Nazanva ante'za nahe'zanasuza nehu'za, nataza nenami'za neganke'za Antioku kumate'ma hu'nazana, Ikonium kumate ene Listra kumate enema, nazanva hu'za nahe'za nasu'za nehzage'na kna zampina mse'na oti'na nehue. Ana hzanagi ana miko zampintira Ra Anumzamo nahokeheno nazeri natre'ne!

Jemisi 4:5

Avontafemo'a anage hu'neana, amne ke hu'nefi? Anumzamo'ma Avamu'ama tagu'afi antegeno mani'neana, Agri agorga manisiegu avenesie. E'ina'ma osigeno'a rimpagna nemie.

1 Pita 4:4

Menina korapa arone timimo'za havi tamavutamavara nosazage'za neramage'za, nahige'za tagranena vano nosaze hu'za antri nehu'za, tmazeri haviza huke nehaze.

Juti 1:10

Hianagi zamagra antahi'za ke'zama osu'naza zankura huhaviza hunente'za, afu kra antahintahine mani'ne'za, e'inama hazazamo zmagra'a zmazeri haviza nehaze.