2 Timoti 2:25 - Kamano

²⁵ Fru huta fru kefinti ke hakare hurmantesamokizmia zamazeri fatgo hiho. E'ina hanageno ana ke ontahisaza vahera Anumzamo zamaza hina, zamagu'a rukrahe nehu'za tamage kea antahi'za keza hugahaze.

Anumzamofo Routage Avantafere

²⁵ Fru huta fru kefinti ke hakare hurmantesamokizmia zamazeri fatgo hiho. E'ina hanageno ana ke ontahisaza vahera Anumzamo'a zamaza hina, zamagu'a rukrahe nehu'za tamage kea antahi'za ke'za hugahaze.

2 Timoti 2:25 ပူးပေါင်းရင်းမြစ်များ

Matiu 11:29

Nagri agarenmare zafa eri kofinetma, Nagriteti rempi hiho. Na'ankure Nagra akohena nagu'a antefru hu'na nemanue. Hanigeno tamagu'amo'a fru hugahie.

Matiu 21:32

Na'ankure Jonima tmagritega e'neana fatgo avu'ava huramerinaku e'negetma, tamagra agritera tamentinti osu'naze. Hianagi, vahepinti zgo zogi vahe'mo'zane, monko vahe'mo'za agritera zmentinti hu'naze. Hagi tamagra ma ana zana negetmagi, tamagu'a rukrahe hutma tamentinti huonte'naze.

Maki 1:15

Anumzamo'ma huhampri'nea kna hago eforehie. Anumzamofo kumamo'a hago eravao hie. Tamagu'a rukrahe huta knare musenkere tamentinti hiho.

Joni 5:34

Hu'neanagi Nagrama hua kema e'neruana, mopafi vahepintira e'norue. Hianagi Nagrama nehuana tmagri'ma tmaza hanigu nehue.

Aposol 11:18

Ana kema zamagrama antahite'za, kema huzmanteku'ma hazana netre'za, Anumzamofo ra agi ami'za anage hu'naze, Anumzamo'a megia vahera zamarege'za zamagu'a rukarehe hu'za zamasimu e'nerize hu'naze.

Aposol 2:38

Hazageno, Pita'a zamagrikura anage hu'ne, tamagu'a rukrahe nehutma, Jisas Kraisi agifi mono tina frenkeno, kumi'timia apaseramante'na, ruotge Avamu'mofo museza tamagra erigahaze.

Aposol 20:21

Jiu vahe'ene Griki vahera hu'ama hu'na tamagu'a rukarehe hutma Anumzante ne-etma, Ranti Jisasinte tamentinti hiho hu'na zamasmi'noe.

Aposol 5:21

Anankema nentahiza, zahufa ko'ma atiama'afi, ra mono nompi umareri'za agafa hu'za rempi huzami'naze. Anante mono nonte ugota kva ne'ene (hae pris), agranema nemni'za naga'ane e'za, kanisol (Senhidren) vahe ke hige'za atru nehazageno, ana maka Isareli kva vahetminena ke hutru hute'za, kina nonte kva vahetega ke atre'za, kinama hu'naza aposol vahera zamaretma eho hu'naze.

Aposol 5:31

Anumzamo'a azeri otino aza tmaga kaziga'a anteno, ugagota kva ne' taguvazi nere hu'ne. Agrite Israeli vahe'mo'za zamagu'a rukrahe hanageno, kumizmia eri atrezmantegahie.

Aposol 8:22

E'i zanku kefo kavukva zanka'a neterenka, kagu'a rukarehe hunka havizama nehana zana atrenka, Ramofonte nunamu nehugeno, kagu'amo'a knarema hanigeno'a kumi ka'a atregantegahie.

Galesia 6:1

Nenafugta magotamimo'ma kumipima evuramisigeta, Ruotge Avamumofo nevaririsamota, ana kumapima evuramizankura tamagra'a kegva hu'netma, fru avu'avazampinti e'inahu vahera azeri fatgo hugahaze.

1 Timoti 2:4

Kefo zampinti tahoke he'nea ne'mo, maka vahemo'za tamage naneke antahi'za zamasimu erisazegu avenesie.

1 Timoti 6:11

Hu'neanagi havizampintira atrenka nefrenka, Anumzamofo vahe mani'nananki, fatgo zanke nehunka, Anumzamofo avu'ava nehunka, kmentinti nehunka, kvesi nezmantenka, hanavetinka nevunka fru hunka manio.

2 Timoti 3:7

Mika'zupa ana a'nea rempi huzamige'za netahizanagi, tamage nanekea antahi ama nosaze.

Taitus 1:1

Anumzamofo eri'zampi nagra Poli'na kina hu'nena, Jisas Kraisi aposol ne'mo'na, Anumzamo huhampri zamante'nea vahe zamentinti zamazeri hampo'na nehanuge'za tamage antahi'zamofo amage'nente'za, anumzamofo (godly) avu'avapi fatgo hu'za mani'nesageno,

Taitus 3:2

Zamagra mago mofonkura amefiga'a kea huonte'za, agazone zampi nemni'za, zamarimpa fru hu'za mani'ne'za, maka vahera agazone huzmanteho,

Jemisi 1:17

Mika knare huno fatgo hu'nea, musezana anagamuti eneramie, monafinkati masazamofo Nefantegati ne-e, avu'azama'amo zahe osuno turinamo hiankna huno zaza huteno, atupa huteno osugahie.

1 Pita 3:15

Hianagi tamagu'afina Kraisina atrenkeno ruotge huno Rana nemanina, tamagrama fore'ma hanigu amuhama nehutma tamentintima nehaza zanku'ma tamantahima kesageta, maka knafina tro hutma mni'netma, antahinezamita akohetma fru kefinti kenona hunezmanteta,

1 Joni 5:16

Mago'mo'ma kesigeno, amentinti nehia nefu'ma ahe friga kumi'ma hanigeno'a, Anumzamofo antahige'nigeno Anumzamo'a friga kumi'ma hu'nenimofo asimura amino, mago'a kumi'mo'a ahe frigahie. Nagra e'inahu kumi'kura nunamuna hino hu'na nosue.