2 Timoti 2:22 - Kamano

²² Menia kahefa vahe'mo'za kefo avu'avazanku zamagesa nentahizankna osunka atrenka fro, fatgo zamofo nevaririnka, kmentinti nehunka, vaheku kvesinezmantenka fru hunka manio. Iza'o fatgo huno nemnino, Ra Anumzamofo agihanta nevzisia vahe'ene manio.

Anumzamofo Routage Avantafere

²² Menia kahefa vahe'mo'za kefo avu'avazanku zamagesa nentahizankna osunka atrenka fro, fatgo zamofo nevaririnka, kamentinti nehunka, vaheku kavesi nezmantenka fru hunka manio. Iza'o fatgo huno nemanino, Ra Anumzamofo agihanta nevzisia vahe'ene manio.

2 Timoti 2:22 ပူးပေါင်းရင်းမြစ်များ

Proveps-Knare Nomaniza 15:8

Kefo avu'avama nehaza vahe'mo'zama, Ra Anumzamofonte'ma kre sramnama vunentaza zankura, agonete. Hianagi fatgo vahe'mo'zama haza nunamunku, Agra muse nehie.

Proveps-Knare Nomaniza 6:5

Kagra dia afumo'ene namamo enema zgagfama ahe vahe'mofo azampinti ame huno freankna hunka, kagra'a kavufga kaguvazio.

Proveps-Knare Nomaniza 7:8

Agra monko'amofo nontava'onte vu'nea nonkaranka nevuno, ana a'mofo nonte vu'nea kampi ufreno vu'ne.

Aposol 7:59

Stivenima have knonu nehageno'a, Ramofo agi aheno amanage hu'ne, Ramoka Jisasige, avamuni'a erio!

Aposol 9:14

Nehuno ama kumapi eno, ugagota kva (hai pris) vahe'mo'za hugnare huntageno, iza'o Kagri kagima ahesaza vahera zamareno kina huzamante kva agi eri'ne.

Romu 14:17

Na'ankure Anumzamofo Kumara, neza ne'zane, ti nezana omanene. Hianagi Ruotge Avamupi fatgo avu'avazane, arimpa fru'zane, musenkase hu'za me'ne.

Romu 14:19

E'ina hu'negu atrenketa musezama mono kevufima fore'ma hanea zanku nehuta, tagra'ragara ozeri hankaveti, azeri hanaveti huta tamentintifina hageta ra hanune.

1 Korinti 1:10

Nenafugata hanaveti'na tamantahinegoe, Rantimofo Jisas Kraisi agifi miko'motma mago tamarimpa ohunte ahunte nehanageno amu'nontamifi atane'zana omneno. Ana hanutma fatgo hutma magoke antahi'zampine, tamagesa antahi'zampinena eri mago hugahaze.

1 Korinti 1:2

Korinti kumate nemniza Anumzamofo mono nagamotarega, Kraisi Jisasi'ma tmazeri avusese hurmantegeta ruotge (saints) huta mani'naza nagatega nevuno, mika vahe kokankoka mni'ne'za, tagri Rantie hu'za agi nehaza vahetegane, zamagri ene tagri ene Jisas Kraisi'a Rantimofo kea kreneramune.

1 Korinti 10:14

E'ina hu'negu knare rone'nimota havige anumzantetira manigneta maniho.

1 Korinti 14:1

Avesinte'zamofo kana, nevaririnka Avamu'mofo musezantaminkura tusiza hunka kavesinto. Hianagi Avamumofo musezanpintira, kasnampa ke huama huzanku kavesinto.

1 Korinti 6:18

Savari monko avu'ava zampintira atretma freho! Mika kumi'ma mago'mago vahe'mo'ma nehiana, megi'a avufare nehianagi, iza'o savari monko'za nehimo'a, agra'a avufga azeri kumi nehie.

1 Timoti 1:14

Ra Anumzamofo asunku zamo'a agtereno avite'ne, amentintine avesizanemo'a Krais Jisasimpi me'negeta negone.

1 Timoti 1:5

Hianagi tagrama rempi hune'zmuna zamofo agafa'a, zamesi nezmante'za zamagu'areti agru hu'ne'za, knare zamagu'zamagesareti zamentinti hugahaze.

1 Timoti 2:8

E'ina hu'negu nagri'ma nave'nesiana hakare'a kumate vene'nemo'za, ruotage zamazana antesga hu'za nunamuna nehu'za, kevu hu'neza fra vazi'za ke hakare osiho.

1 Timoti 4:12

Atregeno mago vahe'mo'a nehza ne' mani'nane huno kagehenkamu otreno, hianagi zamentintima nehza nagatera avame zankna hunka keka'afine, kavu kvapine, zamesi zamante zane, kamentintifine, agru hu'zane, huzmeri hugahane.

1 Timoti 6:11

Hu'neanagi havizampintira atrenka nefrenka, Anumzamofo vahe mani'nananki, fatgo zanke nehunka, Anumzamofo avu'ava nehunka, kmentinti nehunka, kvesi nezmantenka, hanavetinka nevunka fru hunka manio.

Hibru 12:14

Miko vahe'enena hanavetinka karimpa fru hunka nemaninka, mani ruotage nehunka, agru hunka manio. Na'ankure mni ruotage osunesimo'a Ramofona onkegahie.

1 Pita 2:11

Navesima neramantoa nenafugta, tamagra zoka vahe mopazmi omne vahekna hutma ama mopafina mni'naze. E'ina hu'negu, tamavufamofo havi avesizamo'ma ha'ma reneramantea zampina uofreho hu'na nagra huneramasamue.

1 Pita 3:11

Kefo avu'avazampintira atreno, knare avu'avaza nehuno, rimpa fruma huno mni'zanku hakeno avaririno.

3 Joni 1:11

Ronenimote havi zamu'zma'ma nehazamokizmi zamavu'zmavara e'oriho. Hianagi knare'ma hu'nenia tamutma hiho. Mago'mo'ma knare avu'ava'ma himo'a Anumzamofo vahe mani'ne, hagi mago'mo'ma havi avu'ava'ma nehimo'a, Anumzamofona onke'ne.