2 Tesalonaika 3:6 - Kamano

⁶ Menina nenafugata anage huta hanave kea neramasamune, Ranti Jisasi Kraisi agifina, erizama eri naneke rempima hunezamunke'za novaririza, feru nemaniza tafuhe'ina zmatretma ogantu maniho.

Anumzamofo Routage Avantafere

⁶ Hagi menina nenafugata anage huta hanave kea neramasamune, Ranti Jisas Kraisi agifina, eri'zama eri naneke rempima hunezamunke'za novariri'za, feru nemaniza tafuhe'ina zmatretma ogantu maniho.

2 Tesalonaika 3:6 ပူးပေါင်းရင်းမြစ်များ

Matiu 18:17

Hanigeno agrama antahi oramisiana, mono kevumofo asami'o. Hanankeno mono kevumofo ke ontahisiana, atregeno agra mono ontahi vahero, havige huno takesi zgo eri vahekna vahe manino.

Romu 16:17

Nafu nagnahete, hankavetina ama kea neramasamue, Amu'notamifima atane'zama avrenente'za, koma rempi huramigeta antahi'naza ke'ma, havigeretima eme rempi huramiza tamentintima eri kragogo negiza vahekura, kva hunetma mani kore hutma ogantu'a maniho.

1 Korinti 11:2

Nagra, tmagrira tamazeri antesgahue. Na'ankure ana miko'zama hazafima tamage'sa antahi nenamitma, antahi'zama rempima huramino'a kante azeri antroko hu'naze.

1 Korinti 5:4

Tamagrama Rantimofo Jisasi agifima eritruma hanafina, Rantimofo Jisasi hanavefi, avamupi tamagra ne manigahue.

1 Korinti 5:9

Ko'ma avoma krerami'nofina monko avu'ava zampi mani'nesia vahe ene tragotetma omaniho hu'na hu'noe.

2 Korinti 2:10

Hagi tamagrama mago vahema kumizmi atrezamantesazana, nagranena kumizmia atrenezmantoe. Na'ankure nagra kumizmia atrenezmantoe, [kumima atrezmantegazama menenkena tamage huna atrenezmantoe], Kraisi avurera tamagrama knarema hanagu atrenezamantoe.

Efesasi 4:17

Ramofo hanave'afi anage hu'na neramasamue, mono nontahiza vahe knara (Gentiles) osiho, zamagra hzanegre'za mago'zana zamagu'areti hugara osu'naze.

Kolosi 3:17

Kegaga hanampino, eri'za erisampina, Rantimofo Jisasi agifi makazana huo. Jisasimpi Anumza Nafatimofona susu huntegahune.

1 Tesalonaika 4:1

Nafu naganaheta Ramofo Jisasimpi mani'naza nagamota, rempima huraminona kante antetma manihogu tagra tutu huneramanteta, tamazeri hanavenetunanki, tamagrama nehazaza hutma, mago'ane hanavetita ana avu'avara hiho.

1 Tesalonaika 4:11

Tamagra fruma huno manizankura hanavetitma maninetma, tamagra'a erizana eriho. Koma hihoma hu'na tamasami'nonaza hutma, tamagratami tamazanu eri'zana erigahaze.

1 Tesalonaika 5:14

Nerafugate, tagra tamazeri otike hanunketma erizama e'ori zmesrama nehaza vahera zmazeri fatgo nehutma, koroma nehaza vahera zmazeri hankavenetitma, hanavema oti'nesaza vahera zmazeri hanavetiho. Ana nehutma maka vahe enena fru hutma maniho.

2 Tesalonaika 2:15

Ana hu'negu nenafugata avoma kreneramita, rempima hurami'nona kerera azeri hanavetita oti hanavetiho.

2 Tesalonaika 3:7

Na'ankure tamagra antahinaze, tagrama rempima hurami'nona avu'avazamofo negetma avaririho. Na'ankure tagra amu'nontamifima tavesrama osu,

1 Timoti 5:21

Anumzamofo avufine, Krais Jisasi avufine, huhampri zamante'nea ankero vahe'zmufi kasamuanki, ama nanekea amage' antenka vahera refko osunka, mago zanke hunka zamesi zamanto.

1 Timoti 6:5

maka'zupa zamagu'amo knare osu'nea vahe ene fra nevziza, zamagu zamagesamo haviza hu'nea vahe'mo'za tamage kea nosaze. Zamagrama antahi'zana Anumzamofo nanekefintira feno erisanti haregahune nehaze.

2 Timoti 3:5

Zamagra Anumzamofo avu'avara amega zamufareti nehu'za, zamagra tusi'a hanave Anumzamofompi me'neana zamefi hunemize. E'inama nehaza vahera nezmatrenka mani rure hunka manio.

2 Timoti 4:1

Timotiga Anumzamofo avufine, Kraisi Jisasima kasefa huza mani'naza vahe'ene, fri' vahe'ene refko huzmantesia ne'mofo avufi, Agra'ama eama nehinkeno, Agri'a mona kumamo efore hania knagura,

2 Joni 1:10

Mago'a vahe'mo'ma kagrite eno, rempima hu'nea tamage kema erino omesimofona, avarenka nonka'afina antege, mago'a huso'e hunka agazone kea huonto.