2 Tesalonaika 2:2 - Kamano

² Mago'a vahe'mo'za tamasamiza Ramofo kna hago fore hu'ne hu'za tamasamisazo, mago vahe'mo huno Ruotge Avamumo e'inahu kasnampa kea nasamie huge, mago ke huama nehuno hanio, mago vahe'mo huno, e'inahukna avona hamprita konema hanageta, e'inahu kema antahisutma, antri nehutma ame hutma antahintahi tamifina antahigna osiho.

Anumzamofo Routage Avantafere

² Mago'a vahe'mo'za tamasamiza Ramofo kna hago fore hu'ne hu'za tamasamisazo, mago vahe'mo huno Ruotge Avamumo e'inahu kasnampa kea nasamie huge, mago ke huama nehuno hanio, mago vahe'mo huno, e'inahukna avona hamprita keteta huama hunema hanageta, e'inahu kema antahisutma, antri nehutma ame hutma antahintahi tamifina antahigna osiho.

2 Tesalonaika 2:2 ပူးပေါင်းရင်းမြစ်များ

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Maki 13:7

Hanki ha'ma hania kema nentahita, ha'mofo zaho nanekema antahi sanuta korora osiho. E'ina hu'zana fore hugahie. Hianagi vgare kna ome'ne.

Luku 21:19

Tamagrama ana knazampima oti hanavetita vanutma tamasimura erigahaze.

Luku 21:9

Tamagra ha'ma hanaza agenkene, hazenkeza fore'ma haniazamofo agenkema antahisuta korera osiho, na'ankure ese'zana anazana fore hugahianagi, ame huno vgarekna omegahie.

Joni 14:1

Atrenkeno tmagu'amo'a kna osino, Anumzamofonte tamentinti nehuta, anahu kna huta Nagrite'ene tamentinti hiho.

Joni 14:27

Tamarimpa fru Nagra tamagripi nentoe, Nagra narimpa frua tamagri neramue, ama mopafi vahe'mo'za nermizankna tamarimpa frua Nagra noramue. Atrenkeno tamaguamo'a kna nosina korora osiho.

1 Korinti 1:8

Hanavea tamisigeta refarera uhanatigahaze. Ana hanigetma Rantimofo Jisas Kraisi'ma esia kna zupa hazenke tamia omnegahie.

1 Korinti 14:32

Kasnampa kema hu avamu'mofo agorga'a mani'ne'za, kasnampa vahe'mo'za knazmima esige'za, kasnampa kea hutere hugahaze.

1 Korinti 7:26

Hu'negu nagrama antahuana, menima fore nehia hazenke'zampina, ana ne'mo mani'nesia kante'ma mani'nigeno'a, so'e hugahie.

Efesasi 5:6

Atrenkeno mago nemo'a avufa'a omne keretira reramatga osino, na'ankure e'i ana zamo Anumzamofo rimpa he'zana erino kema nontahiza vahetera ne-e.

1 Tesalonaika 3:3

Tagri'ma tavesiana, mago'amotma amama tagrama e'neruna knazankura antahigna osiho. Tamagra antahinaze, tagrikura knazana erigahaze hu'naza vahe mni'none.

1 Tesalonaika 4:15

Na'ankure amanahu kante Ramofonkea neramasamune, mani'nona vahe'mota ovunenukeno, fri'naza vahe'mo'za otiza ugota hu'za marerigahaze.

1 Tesalonaika 5:2

Na'ankure tamagratmi antahi'naze, Ramo'ma esianknamo'a, kumazafa vahe kenage eankna huno egahie.

2 Tesalonaika 2:15

Ana hu'negu nenafugata avoma kreneramita, rempima hurami'nona kerera azeri hanavetita oti hanavetiho.

2 Tesalonaika 3:17

Nagra'a Polina ama musenkea nazanko avona nentena, e'inahukna hu'na krenoankita kegahaze.

Revalesen-Hufo Hu'ne 19:20

Ana nehazageno ana afi zgane, havige kasnampa vahe'ene zanazerino kina reznante'ne. Ana kasnampa vahe'mo'a, afi zgamofo avure ruzahu ruzahu avame'za eri fore nehuno, ana afi zgamofo nampama eri'naza vahe'ene, afi zgamofo amema'are mono hunentaza vahe'ene rezmataga hu'ne. E'ima rezmatga hu'nea kasnampa vahe'ene ana afi zgane mani'nakeno havere tevava nehia teve tirupi znavre atrenigeke manigaha'e.