2 Tesalonaika 2:10 - Kamano

¹⁰ Anumzamo'a zamagu'ma vazisigu'ma tamage kema zami'neana, zamagra zamentintia osu atre'nazagu, Agra mika havige avu'ava zante'ma fananema hu kantema nevaza vahera rezamatga hugahie.

Anumzamofo Routage Avantafere

¹⁰ Anumzamo'a zamagu'ma vazisigu'ma tamage kema zami'neana, zamagra zamentintia osu atre'nazagu, Agra mika havige avu'ava zante'ma fananema hu kante'ma nevaza vahera rezamatga hugahie.

2 Tesalonaika 2:10 ပူးပေါင်းရင်းမြစ်များ

Proveps-Knare Nomaniza 1:7

Anumzamofonku kore hunteno agorga'a manizana, antahizama erizamofo agafa'a me'ne. Hu'neanagi neginagi vahe'mo'za knare antahi'zane avumro kegura amagena humigahie.

Proveps-Knare Nomaniza 8:17

Iza'o nagrima avesi nentemofona, nagra avesi nentoe. Hagi nagri'kuma hakre'nimo'a, nagrira nagefore hugahie.

Matiu 13:11

Jisasi'a ke nona huno, Anumzamofo kumapi oku'a me'nea zantmina kehogu tamaveri nehie. Hianagi zamagrira zmeri nosie.

Joni 3:17

Na'ankure Anumzamo Mofavre'a huntegeno ama mopafima e'neana, mopafi vahe refko hinogu huntegeno ome'ne. Hagi Agripinkati vahe'mo'za zamagu'vazizana erisaze huno huntegeno erami'ne.

Joni 5:34

Hu'neanagi Nagrama hua kema e'neruana, mopafi vahepintira e'norue. Hianagi Nagrama nehuana tmagri'ma tmaza hanigu nehue.

Romu 10:1

Nafuhetane, nasaraheta, nagri'ma nagu'afima navenesigena Jiu vaheku'ma Anumzamofontega nunamuma nehuana, zamahokeno zmaza hanigu nentahue.

Romu 16:18

Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

Romu 6:17

Anumzamofona muse hunteho, korapara kumimofo kazokzo eri'za vahe mani'nazanagi, menina tamagu'areti rempima huramuazana amage'nentaze.

1 Korinti 1:18

Fnanema hanaza vahe'mo'za keka zafamofo nanekegura neginagi naneke hu'za nentahize. Hu'neanagi tagri'ma tagu'vazino tavre'nea vahe'mota, e'i Anumzamofo himamu'e huta nehune.

1 Korinti 16:22

Hanki Ramofoma avesi ontesnimo'a, sifnafi manino haviza hugahie. Rantimoka eno!

2 Korinti 11:13

E'inahu vahe'mo'za havige aposol vahe mani'ne'za, havige eri'za vahe mani'ne'za, amega zamufarera Kraisi aposol mani'none nehazanagi, zmagu'afina krunage aposol vahe mni'naze.

2 Korinti 11:15

E'ina hu'negu antri osiho. Sata eri'za vahe'mo'za krunaza hu'za fatgo eri'za vahekna hugahaze. Ana nona'a eri'zama e'neri'za avamente mizama'a, henka'a erigahaze.

2 Korinti 2:15

Kraisi'ene hagerfi'nonku knare mna nevia kna nehanunkeno, Anumzamo'a muse nehie. Ana naneke vuno eno nehigu mna nentahizankna hu'za maka vahe'mo'za nentahize. Kefoza zimifinti zamahoke nehea vahe'mo'zane kefoza zimifinti zamahoke nohea vahe'mo'zane nentahize.

2 Korinti 2:17

Mago'amo'za zgo erigahune, nehu'za Anumzamofo naneke huama nehzana, tagria Anumzamo hurantegeta fatgo huta huama nehune. Huama nehunana Kraisi'a tagu'afi nemanigeta Anumzamofo avure huama' nehune.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

1 Tesalonaika 2:16

Megi'a vahe'mofontema zmahokeheno zmaguvazisia kema huama nehunkeno, rehiza hunerantazageno, anama hazazamo'a kumima hu avamena agatereno avite'ne. Hianagi e'inahukna vahetera, henka Anumzamofo rimpahezamo zamagritera megahie.

2 Tesalonaika 2:12

tamage kerera zamentinti nosu'za, havi avu'avazama hu'zanku muse nehazankino, ana miko'mokizimia refko huzamanteno knazana zamigahie.

2 Tesalonaika 2:13

Hianagi tamagriku huta maka kna tagra Anumzamofona susu hunentone. Ramo'ma avesi'neramantea nenafugata e'se agafare Anumzamo'a tamagu'vazinaku huhampri' ramante'neankino, Avamuteti'ene tamage kerema tamentintima nehazageno, tamazeri ruotge hu'ne.

1 Timoti 2:4

Kefo zampinti tahoke he'nea ne'mo, maka vahemo'za tamage naneke antahi'za zamasimu erisazegu avenesie.

Hibru 3:13

Hianagi menima knama me'nenire, mago magomotma ozeri hanaveti, azeri hanaveti maka kna nehinkeno, kumi'mofo havigemo'a rehiza huoramanteno.

2 Pita 2:12

Hianagi ana havige rempima huzami vahe'mo'za zgakfagna vaheki'za, zmazeri'za zmahe frisaza vahe fore hu'nazankino, zamagri zmaguzmagesamo zmazerino zmahe frigahie. Zamagra havizankuke nehu'za mago'zana ontahi'naze. Hianagi zamagri havi zmavuzmavazamo zmahe frigahie.

2 Pita 2:18

Ana vahe'mo'za rankege nehu'za, havige ke zamireku zamavufga ra nehu'za, vahera zamazeri oti ke hu'za monko zamavuzmava nehu'za, maka zamagra zamavufarera monko zamavuzmava nehaze. Zamagra monko zamavuzmavamofo zamesizana notre'za, e'inahu zamavuzmava nehu'za zamentintimo hanave oti'nea vahera zamami'mi hu'za zamavazu nehaze.