2 Tesalonaika 1:9 - Kamano

⁹ Ama ana vahe'mo'za havi mizazami e'neriza, Ramofonteti'ene hanavenentake masa'afintira atre'za afete'are mni'ne'za, zamata erivava hugahaze.

Anumzamofo Routage Avantafere

⁹ Ama ana vahe'mo'za havi mizazami e'neriza, Ramofonteti'ene hanavenentake masa'afintira atre'za afete'are mani'ne'za, zamata erivava hugahaze.

2 Tesalonaika 1:9 ပူးပေါင်းရင်းမြစ်များ

Jenesis 3:8

Kinaga zasi antegeno Anumzamo hozafi ne'egeno agasasanke nentahi'ne hozafi zafa asoka fraki'ne mni'na'e.

Jenesis 4:16

Ana higeno Ra Anumzamofo avatetira Keni'a atreno Ideni hozamofo zge hanati kaziga vuno, Nodi mopare umani'ne.

Matiu 16:27

Vahe'mofo mofavremo ankero tmima'ane, Nfa'amofo hanavefi esuno'a, Agra magoke magoke'moma hu'nenia avu'avate anteno mizana amigahie.

Matiu 22:13

Anante Kini ne'mo eri'za vahe'a zmasamino, azeritma nofi agare azante anakitetma, asgahutma tusi'a hanizampi matevutrenkeno, anampinka zvira neteno, ave aninkreki hino hugahie.

Matiu 24:30

Ana hanigeno Vahe'mofo Mofavremofo avame'zana monare fore hanige'za, mika kazigati nagate nofite vahe'mo'za zmasunku nehu'za negesageno, Vahe'mofo Mofavre'a tusi'a hanave' ane masazama'afi mona hamponte eramigahie.

Matiu 25:41

Nehuno anante aza hoga kazigama mani'namokizmia amanage huzmantegahie, tamagra kazusifi mani'naze, maniganeta kefo nemofone, ankero naga'amofoma retro'ma huzmante'nea tevava tevefi ufreho.

Matiu 25:46

Hanige'za ana vahe'mo'za manigane'za mani'vava zamatazampi vugahaze. Hianagi fatgo vahe'mo'za mani'vava mani'zampi vugahaze.

Matiu 26:24

Agriku'ma hu'za krente'naza kante, Vahe'mofo mofavremo frigahie. Hianagi kva hino, komoru huno ha' vahete navre zamisnia ne'mo'a, nerera'ma kse ontene'sinia knare hisine.

Matiu 7:23

ana knazupa Nagra anage hu'na zamasmigahue, tamagra kasegeni'a amage'onte vahe mani'nazagena tmatahina kena osunoanki, maniganeho hu'na zamasmigahue.

Luku 13:27

Nagra ontamagenoanki, igati vahe mani'naze, Kefozanke hu vahe'mota amafintira manigneho huno huramantegahie.

Joni 5:14

Henka Jisasi'a ana nera ra mono nompi ome kefore huno asmi'ne, ko, krika'a hago vgare, mago'ene kumira osuo, e'inama hanunka tusi'a knaza henka'a erigahane.

Filipai 3:19

Zamagrama fri'snazana, ka vu'zazmimo'a havizantfa hugahie. Zamarimpamofo avesi'zamo oti oti huno anumza zamigna nehige'za, zamagaze osige'za, havi avu'ava zanku muse nehu'za, mopafi zankuke zamagra nentahize.

1 Tesalonaika 5:3

Vahe'mo'za hu'za knare huta mani'none nehu'za, tarimpa fru huta maniso'e hune hu'za hanaza knafi! Ame huno zmazeri haviza hu'zamo'a zamagritera, anemo'za mofavre antenaku'ma nehazageno zamata negriankna zmata negrina, zamagra ana knazampintira mani onkanegahaze.

2 Tesalonaika 2:8

Anantera kasegema rutagre ne'mo'a eama hanigeno, Jisas'a agipinti zahonu huharafu huno ahenefrino, Agrama esia hihamu masa'amo, ana nera ahefri vgaregahie.

Taitus 2:13

ana knama esigu avega anteneta muse nehune, tusi'a msa'afi efore hanigu, Ra Anumzantima, Tzahu ne' Kraisi Jisasi esigu avega ante'none.

Hibru 10:29

Hagi, Anumzamofo Mofavrema amagena hunemino, hagerafi huvempa kema kumitima sese hu'nea korama ke'amne zankna nehuno, Anumzamofo asunku'zama vahetegama avreno ne-ea Ruotage Avamumofo arimpa knaza erimisia vahe'mofona, tusi'a kefo'za huntegahianki antahiho.

2 Pita 2:17

E'inahu vahe'mo'za kampui tinkerimo taneankna nehu'za, hampomo korimpena retufeno viankna hu'za kankekanke nehazanki'no, haninentake teve kumamo'a zmavega ante'ne.

2 Pita 3:7

Hianagi ama mopane monane henkama refkoma hanianknarera Agra tevenuti kre fanane hugahue, huno kea huntegeno me'ne. Hagi Anumzamofo avu'avama nosaza vahe'enena zmahe fnanene hugahie.

Juti 1:13

Zamagra hagerimo kranto kranto nehuno, agrenke hiankna hu'za, zmagazehu zmavu'zmava huhakarehu vahe mani'naze. Zamagra hanafimo magokete mani so'e osu vuno eno hiankna vahe mani'nazankino, haninentake kumapi manivava hanazegu Anumzamo'a retro huzmante'ne.

Revalesen-Hufo Hu'ne 20:11

Anantera tusi'a efeke kini tra kogeno, ana tratema Mni'nemofo avu kore huke monane mopanemokea frakeno, mago kumara omnetfa hu'ne.

Revalesen-Hufo Hu'ne 20:14

Anantera fri'zane, fri vahe kuma'enena matevuno teve tirupi znatregeke uramina'e. E'i ana teve tirura nampa 2 fri'zane.

Revalesen-Hufo Hu'ne 21:8

Hagi koro vahe'ene, zamentinti nosnaza vahe'ene, hi'manage zmavuzmavama nehaza vahe'ene, vahe zamahe nefriza vahe'ene, monko avu'avazamoma antahintahifima nentahiza, monkozama nehaza vahe'ene, avuatga ha' nehaza vahe'ene, havi anumzante mono hunentaza vahe'ene krunage nehaza vahe'mo'za, mizama erisazana, havere tevava nehia teve tirupi manigahaze. E'i nampa 2 fri'zane.

Revalesen-Hufo Hu'ne 22:15

Hagi avuatga ha' nehza vahe'mo'zane monko'za nehaza vahe'mo'zane vahe zmahe nefriza vahe'mo'zane, havi anumzante mono hunentaza vahe'mo'zane, krunage huzanku zmavenesiza, krunage nehaza vahe'mo'zane, kragna vahe'mo'za ana kumapi ovu'za fegi'a manigahaze.