2 Tesalonaika 1:4 - Kamano

⁴ E'ina hu'negu, tamentinti nehutma, maka tamazeri havizama nehazafine, knazama tamizafima kazikazi hutmaneaza zankura, Anumzamofo mono nagamofo amu'nompina tamagri tamagenkema nezamasamita, tamagrikura akaginerone.

Anumzamofo Routage Avantafere

⁴ E'ina hu'negu, tamentinti nehutma, maka tamazeri havizama nehazafine, knazama tamizafima kazikazi hutama neaza zankura, Anumzamofo mono nagamofo amu'nompina tamagri tamagenkema nezamasamita, tamagrikura husaga huneramante'na akaginerone.

2 Tesalonaika 1:4 ပူးပေါင်းရင်းမြစ်များ

Romu 12:12

Fore hanigu hankave antahintahima hunemiza zankura musena nehuta, tusi'a knazama fore'ma hanigetma kazikazi huta nevutma nunamu huvava hiho.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

Romu 8:25

Hu'neanagi onke'nona zama fore hanigeta kesunku antahintahima nehanuta, agozone huta mni'neta hanavetita avega nentone.

1 Korinti 7:17

Ra Anumzamo'a magoke magoke'mofoma inankna avamente mni'nesigeno, Anumzamo'ma agima hu'nesimo'a, ana avamente manino. Ama anahukna tra ke miko mono nopina nezamasamue.

2 Korinti 12:10

E'ina hu'negu, kema nasazano, nazeri haviza hanazo, knaza fore hanio, amuho erisua knafina rama'a muse nehuna, narimpa fru hu'na hanavenia omnea knafina nemanue. Na'ankure Kraisinku hu'na hanaveni'a omanea knafina, hanavenia e'nerue.

2 Korinti 7:14

Tamagriku'ma musema nehua zankura, ko agrira asami'noe. Hagi tamagra nazeri nageze osu'naze, nagra tamagege'za tamasmi'noe. Hu'negu tamagriku'ma muse nehune huta Taitusima nesamuna zamo'a, tamage'za efore hugahie.

2 Korinti 7:4

Nagra tamagrira razampi antahinerami'na, tamagrikura tusi muse nehugeno, nagu'amo'a fru nehigeno, tamagrama hazazamo'a nagrira naza higena, mika knazanifina tusi muse nehue.

2 Korinti 9:2

Na'ankure nagra antahi'noe, tamagu'amo otigeta zamaza hunaku retro'ma hu'nazana, Masedonia mono vahe, musezampinti zamasamina amanage huno'e, ko'ma evia kafufina Griki kaziga Akaia kumate nemniza vahe'mo'za, Juda vahe zamaza hu'naku ko retro hu'naze hu'na tamagriku zamasmi'noge'za, nentahiza zmagu'amo otige'za hakare vahe'mo'za anahukna huta zamigahune hu'naze.

2 Korinti 9:4

Masedonia vahe'ene ru nevnugeno, ana zgo eri tru osunesageta, ko eritru hu'naze hu'na hu'noa ke'mo'a, amnezankna hinketa, tamagrane nagranena tagazegu hugahune.

1 Tesalonaika 1:3

Na'ankure tamagrama Anumza Nafatimofonte tamentinti nehuta, erizama enerita, avesintezamofo eriza enerita, Rantimo Jisas Kraisi'ma eforema hanigu, kazigazi hutma Anumza Nafatimofo avure e'nerizazankura antahirami vava nehune.

1 Tesalonaika 2:14

Na'ankure nerafugta, Anumzamofo nagama Kraisi Jisasimpi Judiama mni'naza naga'mokizmi zmavuzmava zmavaririta tamagra hiho. Na'ankure zamagranena anahukna hu'za tamagri vahe'mo'za knazama tamami'neaza huza, zamagri'enena Jiu vahete'ma hu'nazaza hu'naze.

1 Tesalonaika 2:19

Ranti Jisasi Kraisi'ma esia knazupa, na'amo tazeri amuhama humisunazantia mesigeno, nazamo musema hanunazana mesigeno, tazeri antesgahu kini fetoritia Rantimofo avurera megahie? Tamagra ana musezantia mani'naze.

2 Tesalonaika 3:5

Ramo'a tamagrira Anumzamofo avesizana tamagu'afina eriama nehina, Kraisi'ma hu'neaza hutma kazigazi hutma vugahaze.

Hibru 10:36

Akohenka maninenka knazana erinka vanunka, Anumzamofo avesi nevaririnka, Anumzamo'ma huhampri kante'neazana erigahane.

Hibru 6:12

E'ina hu'negu feru vahera omaniho. Hianagi amentintifine akohe'za avegante avu'avazampi manine'za huvempa huzmante'nea zantamima erisintihare'naza vahekna hiho.

Hibru 6:15

Hu'negu akoheno avega anteno mni'neno Abrahamu'a, Anumzamo huvempama hunte'neazana erine.

Jemisi 5:11

Antahi'naze, knazampima ufre'za azeri agatere'naza vahera muse hiho hunezamantone. Jopu'ma knazampima kazigzi huno agatere'nea zamofo agenke'ane, henka'ama hunte'nea zamofona antahi'naze. Ramofompina asunku'zane, vahe'ma avesinteno asuraginte'zana avite'ne.

2 Pita 1:6

ana knare antahintahireti tamavufamofo avesizana kegva nehutma, tamavufamofo avesizama kegva huzanteti, knazama erita nevutma, knazama erino vuzantetira, Anumzamofo avu'avaza nehutma,

Revalesen-Hufo Hu'ne 14:12

Anumzamofo kasege amage'nenteza zamentintima Jisasinte nehaza vahe'mo'za amanahu hugahaze, akohe'za manine'za kazigazi hu'za knazana eneriza oti hanavetigahaze.