2 Pita 2:1 - Kamano

¹ Hianagi havige kasnampa vahera, amu'nozmifinti oti'neankino, anahukna huno mago'a havige rempi hurami vahera amu'nontamifinti oti'za, zamagra fraki'za maka krunage hu'za, tamentinti azeri haviza hu'naku anara nehu'za, Ramo'ma miza sezmante'nemofona zamefi hu'nemi'za, tusi'a knaza zamagrazmi zmagofetu erintegahaze.

Anumzamofo Routage Avantafere

¹ Hianagi havige kasnampa vahera amu'nozmifinti oti'neankino, anahukna huno mago'a havige rempi hurami vahera amu'nontamifinti oti'za, zamagra fraki'za maka krunage hu'za, tamentinti azeri haviza hunaku anara nehu'za, Ramo'ma miza sezmante'nea Nera zamefi hu'nemi'za, tusi'a knaza zamagrazmi zamagofetu erintegahaze.

2 Pita 2:1 ပူးပေါင်းရင်းမြစ်များ

Matiu 10:33

Hianagi aza'o, Nagrima vahepi hufra kisimofona, Nagra monafinka Nenfa avurera agrira hufra kintegahue.

Matiu 24:11

hakare havi kasnampa vahetami fore hu'za mika vahera havigante zmarentegahaze.

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Matiu 24:5

Na'ankure rama'a vahe'mo'za, Nagri nagihe'za, tagra kraisigate nehu'za rama'a vahe'zga zmazeri savri hugahaze.

Matiu 7:15

Kva hiho havige kasnampa vahekura, sipisipimofo avufa erihankre'za egahzanagi, zamagu'afinka afi kra egahaze.

Maki 13:22

Na'ankure ana knafina mago'a havige kraisi'e huza efore nehu'za, kasnampa vahe efore hu'za, haviza hu'za kagu'vazane avame'za hugahaze. Anama hanazana Anumzamo'ma huhampri zmante'nea vahe'mokizmi, rezmataga hu'naku hugahaze. Hianagi zmagra Anumzamo'ma huhampri zmantenea vahe zmazeri savari hu'naku anara hugahaze.

Luku 12:9

Hu'neanagi mago'mo'ma Nagriku'ma onke'noe huno vahe zamufi hufrakisi'mofona, Anumzamofo ankeromokizmi zamavurera Nagranena, zamagrira ozmagenoe hunahu frakizmantegahue.

Luku 21:8

Jisasi'a anage hu'ne, tamagra kva huneta atrenkeno mago'a vahe'mo'za havi kantera tamavreza oviho. Na'ankure rama'a vahe'mo'za Nagri nagifina eza anage hugahaze, nagra ana neki, hago knamo'a koftahie hanigeta, tamagra zamage anteta ovutfa hiho.

Luku 6:26

Mika vahe'mo'za knare vahe mani'naze hu'za tmagriku'ma nehza vahe'mota ranknazampi manigahaze. Na'ankure zamagri nezmageho'za havige kasnampa vahetera anahukna huzmante'naze.

Romu 16:18

Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

1 Korinti 11:19

Tamage amu'no tamifina atane'zana me'ne. E'ina hanageno Anumzamo refko huno hu izo huzmante'nesamo'za amu'nontifina eama hugahaze.

1 Korinti 6:20

Na'ankure tmagrira Anumzamo'a ko tusi'a mizanteti miza sermante'ne. E'ina hu'negu tamavufgareti Anumzamofo Agi'a erisaga hugahaze.

1 Korinti 7:23

Tamagrira tusi'a mizanteti ko miza sermante'neanki, vahe'mokizmi kazokzo eri'za vahera omaniho.

Galesia 2:4

Hianagi havige mono nerafu'za mono vahekna hu'za atrumahumpi enefre'za, Kraisi Jisasimpi fruhuta mni'nonazana tavre'za korapa avu'avazampi kinarerante'naku efre'naze.

Galesia 3:13

Kasegemofo kazusifintira Kraisi'a mizaseranteno taza hu'neankino, ana kazusia Agra'a erino taza hu'ne. Na'ankure anage huno avontafepina krentene, maka vahe'mo'za keka zafare'ma hanti'nesamo'za kazusifi mani'naze hu'ne. (Diu-Kas 21:22, 23)

Galesia 4:17

Antahiho, e'i ana vahe'mo'za tamagrira masavenke hu'za tavrenaku nehazanagi, tamagrira tamaza hunakura anara nosaze. Zamagra nagriteti tamavazu hu'za zamagrarega antesageta zmaza hnazegu anara nehaze.

Galesia 5:20

havi anumzante mono huntezane, avotga zane, ha' hu'zane, fravazi'zane, knive re'zane, asi vazi'zane, vaheku agesa ontahi zane, veganokno hu'zane, vahe refko hu'zane,

Efesasi 1:7

Kraisi koranu tahokeheno miza seneranteno, maka kumitia eri fnane nehuno, tusi'a asunku zama'areti Agra asuragiranteno taza hu'ne,

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

Filipai 3:19

Zamagrama fri'snazana, ka vu'zazmimo'a havizantfa hugahie. Zamarimpamofo avesi'zamo oti oti huno anumza zamigna nehige'za, zamagaze osige'za, havi avu'ava zanku muse nehu'za, mopafi zankuke zamagra nentahize.

Kolosi 2:18

Mago'mo'ma avanama kenesia zankuma huno, tamagra anteramita ankeromofo mono hunteho hanigetma, tamagra atrenekeno tamagrira tamazeri fenka otreno. E'inahu vahe'mo'za korapa zamarimpampfo avu'ava nevaririza, zamagrama antahizana zmagra'ake knare antahizana eri'none hu'za zmavufga ra nehaze.

Kolosi 2:8

Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi avamumofo hanavefinti e'neaza rempi huneramizanki, Kraisintegati enea'zana rempi hunoramize.

1 Timoti 5:8

Hianagi mago'mo kora fatgo'a zamazeri so'e osuno, naga'a zamazeri so'e osnimo'a, amentintimo'a amne zankna hanigeno, zamentinti nosnaza vahera zamagtereno haviza hugahie.

2 Timoti 4:3

Na'ankure mago knama enke'za vahe'mo'za knare kema antahizankura zamesra nehu'za, zamagra zamesiza nevariri'za zamesisia nanekema hanaza vahe zamage antegahaze.

Taitus 1:11

Zamasminke'za zamagira hamunki'za maniho, na'ankure zamagra maka famo, tramena havi kefinti huzmasmi'za tamage kefintira, zamazeri havi kampi nezmatraze. Zamagra zgo erinaku ana nehaze.

Taitus 3:10

Hanki tmazeri refko huku hnimofona pusante agesa eritenka, anante mago'ene avumro antegeno'ma kema ontahisigenka, anantera mago'zana osunka kmagena humio.

Hibru 10:29

Hagi, Anumzamofo Mofavrema amagena hunemino, hagerafi huvempa kema kumitima sese hu'nea korama ke'amne zankna nehuno, Anumzamofo asunku'zama vahetegama avreno ne-ea Ruotage Avamumofo arimpa knaza erimisia vahe'mofona, tusi'a kefo'za huntegahianki antahiho.

1 Pita 1:8

Hanki tamagra Agrira onke'nazanagi avesinentetma, menina Agrira onkenazanagi, Agritera tamentinti nehuta, tusi musenkase hunteta agi'a erisaga nehaze.

2 Pita 2:3

Anama nehaza vahera maka zanku kezmanunu hu vaheki'za, havi kereti tamazeri savri hugahaze. Hianagi Anumzamo'a korapa zmazeri haviza hunaku krunage vahera huhampri zmante'neankino, anama zmazeri havizama haniazamo'a ne-e.

1 Joni 2:26

Ama ana zanku'ma kre neramuana, reramataga huku'ma nehaza vaheku hu'na kre neramue.

1 Joni 4:1

Ronenimote, vahe'mo'za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na'ankure rama'a havige kasnampa vahera, ama mopafi vuno eno nehie.

Juti 1:18

henka vagare knafina hunte'za kiza zokago ke hunte vahe fore nehu'za Anumzamofoma zamage'na hunemi'za, kefo zamavuzamava hanaza vahe manigahaze.

Juti 1:4

Na'ankure mago'a mono ontahi vahe'mo'za onkazageno, ko rerakaure'za amuno tamifi efre'naze. Ana vahe'mo'za amanage hugahaze, Anumzamo'a kumira atre'nezamantea zanku amane havi avu'avara hugahune hu'za nehaze. E'inahukna vahe'mo'za inankna henka hugahaze, korapa refako huzamantene. Na'ankure Kva netimofo Ranti Jisas Kraisina ha'rentegahaze.

Revalesen-Hufo Hu'ne 13:14

Ana nehuno mopafima mni'naza vahera rezmataga hu'ne, na'ankure nampa 1ni afi zgamofo avufina, ruzahu ruzahu avame'za nehuno, nampa 1ni afi zgama koma kazinknonu ahazageno friteno asimuma erinea afi zgamofo amema'a tro hiho huno zmasami'ne.

Revalesen-Hufo Hu'ne 2:13

Nagra antahi'noe, Sata'ma kini tra anteno mani'nea kumate mani'nenka, Nagri nagima azeri hanavema'tinanana, Sata'ma mani'nere'ma mni'nankeno, Nagri naneke huama nehia ne'ma, Antipasina tamagri amu'nompinti avare'za ahe'naze. Ana hazanagi tamagra Nagrite'ma tamamentintima hu'naza zana otretfa hu'naze.

Revalesen-Hufo Hu'ne 2:9

Nama'agna kazeri haviza nehazageno, kamunte omne'neana Nagra antahi'noe. Hianagi kagra tusia feno vahe mni'nane, zamagrama Jiu vahe mni'none nehazanagi, zamagra Jiu vahera omni'naze. Hianagi zmagra Sata naga mani'naze.

Revalesen-Hufo Hu'ne 3:8

Nagra kavukvaka'a kagena antahina hu'noe, ko, kavuga kahana anaginte'noankino, mago vahemo'a erionkigahie. Na'ankure kagra osi'a hanaveka'a me'negenka, nanekeni'a amage nentenka, nagi'a eri frara oki'nane.

Revalesen-Hufo Hu'ne 5:9

Hagi zmagra kasefa zgame nehu'za anage hu'naze, Kagra avontafera erinka rekamrente'naza fukintamina eriganopega hu'nane. Na'ankure Kagrira kahe frizagenka koranka'anu, mika nofi nagapinti'ene, zmagerupinti'ene, vahepinti'ene, mopafi vahera mi'za sezmante'nane.

Revalesen-Hufo Hu'ne 6:10

ranke hu'za kezati'za, Ramoka Ruotge hunka tamage nehamoka, Kagra tagri koramofo nona'a, nazupa keaga huzmantenka mopafima mni'naza vahera refko huzmantegahane? hu'naze.