2 Pita 1:8 - Kamano

⁸ Tamagripima ama ana avu'avazama me'nesigeta hageta mrerisageno'a, e'i ana tamavutamavazamo'a eri amama haniana, Ranti Jisas Kraisima ketma antahitmama hunazazamo'a amnezanknara osugahianki, nena rga'a rentegahie.

Anumzamofo Routage Avantafere

⁸ Tamagripima ama ana avu'avazama me'nesigeta hageta marerisageno'a, e'i ana tamavu'tamavazamo'a eri ama'ma haniana, Ranti Jisas Kraisima ketma antahitmama hu'naza zamo'a amnezanknara osugahianki, nena raga'a rentegahie.

2 Pita 1:8 ပူးပေါင်းရင်းမြစ်များ

Proveps-Knare Nomaniza 19:15

Feru vahe'moka kavu mase vava hugahane. Hagi eriza e'ori vahe'moka nezanku frigahane.

Matiu 13:22

Hagi ave'ave trazampi evu rmi'nea avimazana anahu kna hu'ne, Anumzamofo kea antahiteno, ama mopafi afufenoku agesa nentahigeno, ana zamo avazu higeno Anumzamofo kemo'a nena rga'a reonte'ne.

Matiu 20:3

Nanterana 9 kilokinaza nehigeno, mago'ene vuno omegeana ruga'a nagamo'za eriza e'ori maketi kumapi oti'za mni'nageno omezmage'ne.

Matiu 20:6

Ana kinaga 5 kiloki naza higeno, viazamo mago'amo'za eri'za e'ori amne oti'za mni'nageno ome zmagefore nehuno, Nahigetma ama zgeferura eri'zana e'oritma otita amnea mni'naze? Huno zmantahige'ne.

Matiu 25:26

kva'amo ke nona hunteno, kagra haviza hunka, eriza e'ori ne' mani'nane. Kagra ko nagenka nantahinka hu'nane, ohankre'noa hoza nevasage'na, avimza orani'noa ne'za enerugu,

Joni 15:2

Hakare azankuna'amo Nagripi me'neno rga reontesimofona, Agra akafri netreno, hakare azankuna'amo rga rentesiana, mago'ene traga huno eri fatgo hanigeno, aguheno rga rentegahie.

Joni 17:3

Ama'i manivava mani'zane hu'za, zamagra kage'za antahi'za nehu'za, magoketfa tamage Anumzane nehu'za, Jisas Kraisi huntankeno e'ne hugahaze.

Joni 5:42

Hianagi Nagra tamagrira tamage'noe, Anumzamofo avesinte'zana tamagri tamagu'afina omne'ne.

Romu 12:11

Tamavesra osutma hanavetitma eri'zana erinkeno, Avamumo'a tamazeri otina Ramofo eri'zana eriho.

1 Korinti 15:58

E'ina hu'negu tusiza hu'na navesi nermantoa nenfugata nensarogta, oti hanavetita kaza osu maniho. Hakare zupa Ramofo eri'zama eri'zankuke nentahita mniho. Hagi antahio, Ramofo eri'zama tamamu'nama nehagegetma e'neriza zamo'a amnezanknara osugahie.

2 Korinti 13:5

Tamagratmi'a avame antetma tamagu'a refko huta keho, tamentintifi maninazafi? Hifi tamagra'a tamaguafina refko huta nonkazafi, Jisas Kraisima tamaguafima mni'neana, Agrira keta antahita nosaze.

2 Korinti 8:2

Zamagripina tusi'a knaza fore nehige'za, zmarevatga zampi ufrenazanagi, zmarimpa kna nosu'za, ra muse nehu'za, fenozami omneneanagi, zamagu'areti fenona zami'naze.

2 Korinti 8:7

Hianagi tamagra hakare zampina knare hu'naze, tamentinti zampima, kegaga huzampima, mika Anumzamofo erizankura kazigazi nehuta, tagrikura tamavesi nerantaze. Ana hukana huta amizampina vugota hutma muse'zampinti zamiho.

2 Korinti 9:14

Nunamuzamifina tamagrikura antahineramiza nunamuna hunermantaze. Na'ankure Anumzamofo mreriagatere asunku'zamo tamagrite'ma me'neazanku anara nehaze.

Filipai 1:9

Nagra nunamuna huneramantoe, vaheku'ma avesizamante'zamo tamagripi me'neno ra nehnigetma, tamage antahi'zampine, knare tamagu tamagesafi hagegahaze.

Filipai 2:5

Tamagra magozahu tamavutma rumokizmia huzmanteho, Kraisi Jisasimpima me'nea avu'ava rumokizmia huzmanteho.

Filipai 3:8

E'i ana zantamimpina, nagra maka'za netre'na agtere'nea antahintahi'afi Krais Jisasina Ranimofo antahinagena nehu'na, Agri amage anteku maka'zana amnezane hu'na netre'na, Kraisi amage' nentoe.

Kolosi 1:10

Ana nehutma tamagra hakare'zama hanaza zamo'a, Ramofo avurera knare nehuno, Ramofona ragi amisageno, ana miko knare erizantimo'a rga renentenkeno, Anumzamofo knare antahizampi hageta mrerigahaze.

Kolosi 2:7

Tamagra Agrite zafamo arafu'nareno oti hanavetiankna nehutma, nomo hanave zafare oti hanavetiaza hutma onetitma, knare musenkera oti hanave netitma, maka knafina Anumzamofona susu hunteho.

Kolosi 3:16

Atrenkeno Kraisi nanekemo'a tamagu'afina mevitenena, miko knare antahintahireti rempi hunezamita zmazeri fatgo nehutma, Anumzamofo avontafepi zgamera nehutma, krente zgamera nehutma, mono zgamera hutma Anumzamofona tamagu'areti susu huntegahaze.

1 Tesalonaika 3:12

Tagri'ma tavesiana, Ramo'a vahe'ma avesinte avu'avazana eri aviteramantesigetma aviteta maninetma, magoke magokemotma ovesinte avesinte nehutma, tamagri'ma tamavesi neramantonaza hutma, ana miko vahera zmavesizmanteho.

1 Tesalonaika 4:1

Nafu naganaheta Ramofo Jisasimpi mani'naza nagamota, rempima huraminona kante antetma manihogu tagra tutu huneramanteta, tamazeri hanavenetunanki, tamagrama nehazaza hutma, mago'ane hanavetita ana avu'avara hiho.

2 Tesalonaika 1:3

Nenfugata maka knama tamagriku'ma tagesa nentahita Anumzamofona susu hunentonazamo'a, e'i knare'zantfa hu'ne. Na'ankure tamagri tamentintimo'a rura huno nevigetma, magoke magokemotma ovesinte avesintema nehaza zamo'a hageno ra nehie.

1 Timoti 5:13

Eri'za e'ori amne mani'neza, ru nompi ru nompi mreritere nehu'za, nosuna naneke nehu'za, rumofo nanekere zamefiga'a ke hu'za vano nehu'za, osuga naneke nehaze.

Taitus 3:14

Tagri vahe'mo'za knare'za hu'zanku zamagesa nentahi'za, mani'za zamifi atupa hu'ne'za zamaza hania zanku hanaveti'za eri fore nehu'za, ferura amnea omniho.

Falimoni 1:6

Hagi nagrama nunamuma nehuana, kamentintima nehana zana kagrama tazeri hanavetikema nerasamina zamo'a, antahintahizanka'a erira nehina, Kraisimpima makamota asomu'ma me'neazana antahi ama hugahane.

Hibru 6:12

E'ina hu'negu feru vahera omaniho. Hianagi amentintifine akohe'za avegante avu'avazampi manine'za huvempa huzmante'nea zantamima erisintihare'naza vahekna hiho.

2 Pita 1:2

Anumzamo'a asunku zama'areti'ene, rimpafru zanteti, Ranti Jisasi Kraisima kenka antahinkama hunana antahintahi zampina, asomu hunegante'na mago'ane hagenka mrerigahane.

2 Pita 1:3

Tagrama Jisasima kenima nehunkeno'a, Agri'a hankavemo mika zanku'ma Agri'ma avenesia avu'ava zampima upama hunazana neramie. Agri'a hanave masazama'ane, knare avu'avazama'a erisunegu, tagrira tagi hu'ne.

2 Pita 2:20

Na'ankure zamagrama ama mopafi havi avu'avaza atre'za, Ranti, Taguvazi Ne'ma Jisas Kraisima ke'za antahiza hu'nesaza zama, ete atre'za koma mni'naza havi avu'avapima ufresu'za, ese'ma mni'naza havi avu'avara agatere'za, havizantfa hu'za manigahaze.

2 Pita 3:18

Hianagi Ranti Taguvazi Ne' Jisasi Kraisi asunkuzane, Agri antahintahi zampi hageta ra hiho. Menine henkanena, Agra'a hihamu msa'afi ra agi'a erivava hugahie. Tamage.