2 Pita 1:1 - Kamano

¹ Nagra Saimoni Pitana, Jisas Kraisi kazokzo eriza aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofontema tazeri fatgoma nehia Nete'ma tamentintima nehazamotarega, ama avona kreneramue.

Anumzamofo Routage Avantafere

¹ Nagra Saimoni Pitana, Jisas Kraisi kazokzo eri'za aposol ne'mo'na, ana miko tagrama hunakna huta Anumzama Jisas Kraisi tamagu'mavazi ne'mo'ma Anumzamofonte'ma tazeri fatgoma nehia Nete'ma tamentintima nehazamotarega, ama avona kreneramue.

2 Pita 1:1 ပူးပေါင်းရင်းမြစ်များ

Matiu 10:2

Ana 12fu'a aposol naga'mokizmi zamagi'a ama'ne, Pusana, Saimoni'e (Pita'e huza nehaze) Andru'e agri negna'e, Jemisi'e Zebeti nemofo Joni nefu'e.

Matiu 4:18

Galili tiru ankenarega nevuno, Agra tare kogna ome znage'ne, Saimoni'e, mago agi'a Pita'e, hagi negna'a Endru'e. Znagra nozame kuko tirupi atre'na'e, na'ankure znagra nozame zante netrenki'ne ana hu'na'e.

Luku 1:47

nagri avamunimo'a naguvazi Anumzamofo agafa huno muse huntene.

Luku 11:49

E'i ana agafare, tamagri havi tamavu tamavazamofonku, Anumzamofo knare antahintahimofo kemo'enena huno, nagra kasnampa vahe'ene, aposol nagara huntesugeno e'nagetma, mago'amokizmia zamahe nefritma, mago'amokizmia zmazeri haviza hugahaze hu'ne.

Joni 1:42

Jisasinte Endru'a, Saimonina avreno vu'ne. Vigeno Jisasi'a negeno anage huno asmi'ne, kagra Saimonige Joni nemofoga mani'nane, kagri kagi'a Sifasi'e hugahaze. (E'i ana agima eri rukrehe'ma hu'neana Pita'e hu'ne.)

Joni 12:26

Iza'o, Nagri eri'za erinaku hanimo'a, namage eno, Nagrama umnisure, eri'za vahe nimo'enena anante umanigahie, iza'o, Nagri eri'za erisimofona, Nenfa'a ra agi amigahie.

Joni 20:21

Ru'ene Jisasi zamasmi'ne, Tamarimpamo fru hino, Nenfa hunantege'na e'noaza hu'na, Nagra anazanke hu'na huneramantoe.

Aposol 15:14

Saimoni anage huno huama hu'ne, Anumzamo'a megi'a vahera zamare'na Nagra'ni'a vahere hu'na huhampri zamantegahue hu'ne.

Romu 1:1

Nagra Poli'na, Kraisi Jisasi kazokzo eri'za ne'mo'na, Anumzamo aposol eri'za erio huno huhampri'nanteno, knare musenke'a huama hanugu nazeri ruotge hunantene.

Romu 1:12

E'i ana zana, tamagri tamentinti azeri hankaveti ke neramasami'nena, nagri'enena ana zanke huta nazeri hanaveti kea nenasamisageta tamentintifina oti hanavetita manigahune.

Romu 1:17

Na'ankure ama ana knare musenkefi, Anumzamo fatgo avu'avaza hurante'nea avu'avamo'a efore hu'ne. Eri agafa huneretima vuno vagaretema uhanatisiana, amentintima hu'zamo azeri ruotagera hugahie. Avontafepi huno, Fatgo vahe'mo'za zamentinti zanteti zamasimura eri'za manigahaze hu'ne. (Hab 2:4)

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

1 Korinti 15:9

Na'ankure Anumzamofo aposol nagapina nagra henka vahere, nagrikura tamagra Anumzamofo eri'za vahere hutma huga vahera omni'noe. Na'ankure Anumzamofo mono nagamokizmi ha' rezmante'noe.

1 Korinti 9:1

Nagra kina vahe omani'nofi? Nagra Jisasi aposol eri'za vahera omni'nofi? Jisasina Rantimofona onke'nofi? Tamagra Ramofonte eri'za eri'noa rga'a omni'nazafi?

2 Korinti 4:13

E'ina hu'negu anama tamentinti nehunkeno avontafepima krenteana anage hu'ne, Nagra namentinti hute'na, kea huama hu'noehu'ne. (Sam-Zga 116:10) Tagranena tamentinti nehunku kea huama nehune.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

Galesia 2:8

Na'ankure zmufga tgahu Jiu vahempima Pitama aposol erizante huntegeno vu'nea Anumzamo, nagri'enena aposol erizana zmufga tga osu megi'a vahepina eriogu hunante'ne.

Efesasi 3:5

E'i ana antahi'zana korapa vahe'moza eriama hige'za ontahi'nazane. Hagi menina Agra'a aposol vahete ene kasnampa vahete Avamu'mo eriama nehie.

Efesasi 4:11

Mago'a nagara Agra aposol eri'za nezmino, mago'a nagara kasnampa eri'za nezmino, mago'a nagara mono ke huamahu eri'za nezmino, mago'a nagara mono kevu kegva kri eriza nezmino, mago'a nagara rempi huzmi eriza zami'ne.

Efesasi 4:5

Magoke Rantia manino, magoke tamentinti meno, magoke mono ti nefrone.

Filipai 1:1

Poli'nane, Timoti'ene Krais Jisasi kazokzo eri'zampi tragoteta kina hu'neta, Filipai kumate Anumzamofo naga Krais Jisasinte tamentinti nehaza vahe'ene mono kva nagamotane, eri'za tamaza hu'za eneriza naga'motma kre neramu'e.

Filipai 1:29

Na'ankure Kraisinte tamentinti nehaza zantekukera ontami'ne, hianagi Agri eri'zampi kna erisnazegu, tamaza hu'ne.

Filipai 3:9

Agra'ene tragote'na mani'ne'na, nagra'ni'a kasege avarurua kanteti fatgoa osu'noe. Hianagi Kraisinte tamentinti nehunkeno, Anumzamo fatgo vahere hunerante.

2 Timoti 1:5

Nagra antahi'noe kagra kagu'areti kmentintia nehane, kota'zana negageho Lois ene negrera Yunesi'ke znamentinti huna'a kna huno kagripina kmentintia me'ne hu'na nentahue.

Taitus 1:1

Anumzamofo eri'zampi nagra Poli'na kina hu'nena, Jisas Kraisi aposol ne'mo'na, Anumzamo huhampri zamante'nea vahe zamentinti zamazeri hampo'na nehanuge'za tamage antahi'zamofo amage'nente'za, anumzamofo (godly) avu'avapi fatgo hu'za mani'nesageno,

Taitus 1:4

Taitusiga tamage mofavre'nimoka, mago'ke tamentinti nehu'a ne'mokarega ama avona kre negamue, Arimpa fruzane, asunku'zanena, Anumza Nerfantegati ene, Kraisi Jisasi tazahuno taguvazi ne'mo'a asunkuzama'aretira karimpa frua kamigahie.

Taitus 2:13

ana knama esigu avega anteneta muse nehune, tusi'a msa'afi efore hanigu, Ra Anumzantima, Tzahu ne' Kraisi Jisasi esigu avega ante'none.

Jemisi 1:1

Jemisi'na Anumzamofone Ranti Jisas Kraisi kazokzo eri'za ne'mo'na, 12fu'a naga'nofi'ma mopa atretma kokankokama umani emani hu'naza nagamotarega, ama avona kreneramue.

1 Pita 1:1

Nagra Pita'na Jisas Kraisi aposol ne'mo'na, Anumzamo'ma huhampri tamente'nea nagamotma, mopatmi atretma panini hutma Pontusi kazigane, Galesia kazigane, Kapodosia kazigane, Esia kazigane, Bitinia kazigama fretma vu'naza nagamotarega ama avona kreneramue.

1 Pita 1:7

ana knazamo'a tamentintimofona azeri ama huno, kolima tevefi kre agru huno azeri henteofaza hiankna nehiankino, tamentintimo'a koli'a agaterene. E'ina hu'negu ruzahu ruzahu knazama e'nerisageno, tamentintimo'ma hanavematino mesiana, Jisasi'ma eama hania knazupa, husga huramanteno, ra tamagia tamigahie.

1 Pita 2:7

Hanki tamagrama tamentintima haza vahe'motarera, ana havemo'a mrerisa have me'ne. Hianagi iza'zo zamentintima nosaza vahetera, Nogi vahe'mo'za zmavresara higeza atraza havemo'a, nomofo renagentepinka azeri hanaveti have fore nehuno, (Sam-Zga 118:22)

1 Pita 5:1

E'ina hu'negu mono kva vahe'motma, nagranena tamagrikna huna mono kva ne' mni'nena, Kraisi'a atazana erigena, ke'nomonane, tamagrane magoka Kraisi hanavemo eama hanigeta erisumona neramasamue.

2 Pita 1:4

E'i ama anazampi mareri agatereno, knarezantfa hu'nea huvempa kea huhamprirante'ne, hu'negu tagranena, Agri'a avu'avazama'a nehuta, ama mopafi kefo tavesizamofo havizampintira agateregahune.

Juti 1:1

Juti'na, Jemisi nefu'na Jisas Kraisi kazokzo eri'za e'nerumona, Anumza Nafatimofo avesipine, Jisas Kraisi kavafima kehigeta mni'nazamotarega, ama avona kre'neramue.