2 Korinti 7:8 - Kamano

⁸ Na'ankure avoma kreramisua zamo'enema tamasuzampima tamavrentesuana, nagra e'i anazankura nagesa ontahigosue, na'ankure e'i anazamo'a osi'a knafi tamatazana tamigahie.

Anumzamofo Routage Avantafere

⁸ Na'ankure avoma kreramisua zamo'enema tamasuzampima tamavrentesuana, nagra e'i anazankura nagesa ontahigosue. Na'ankure e'i anazamo'a osi'a knafi tamatazana tamigahie.

2 Korinti 7:8 ပူးပေါင်းရင်းမြစ်များ

Joni 16:6

Hianagi vugahue hu'na Nagrama tamasmua kemo, tamagri tamagu'a erigna nehie.

Joni 21:17

Jisasi'a tagufa zupa ana kege huno asmi'ne, Saimon, Joni nemofoga, Nagrikura kvesi nenantano? Higeno Pita'a arimpa kna hu'ne, na'ankure tagufa zupama Nagrikura kve'nesio? Huno antahigea zankure. Pita'a Agriku hu'ne, Ramoka, Kagra maka'zana antahi'nane. Nagrama navesi negantoana Kagra antahi'nane. Higeno Jisasi ke nona'a asmino, Sipisipi zga'ni'a ne'zana zamio hu'ne.

2 Korinti 7:11

Keho Anumzamo'ma neramia knazamoma tagripima asunku'za erifore nehiana, tamazeri o'netigeta kazigazi huta tamagra'a tamazeri ama nehuta, antahi haviza nehuta, tamagu'afi kore nehuta, nagri'ma nagezankura tusiza huno tamavenesigeta, hanavetita havizama hu'nea vahera zmazeri fatgo nehuta, makazama hanafina fatgo zanke'za hiho.

2 Korinti 7:12

Ana hu'negu iza havizana higeno, iza havizana huntene hu'na, e'i agafare avona krenoramue. Anumzamofo avufina inankna huta kva krinerantaze, tamagra eriama hugahaze.

2 Korinti 7:6

Hu'neanagi knazamo zamazeri haviza nehia vahe'mokizmi zamazeri hankavenetia Anumzamo tazeri hankavetineana, e'i Taitusi'ma e'nea zamo'e.

2 Korinti 7:7

Agrama e'nea zamokero'ompage, agri'ma azeri hankaveti'naza'zamo'e. Agra nagriku'ma navegama ante'naza'zamofo nanekea nenasamino, nazano fore'ma higeta tamasuzampima maninaza'zamofone, nagriku'ma nentahiza'zamofo nanekema nasamigeta, mago'ane tusi muse hu'noe.

2 Korinti 7:9

Nagra menima avoma atreramantesua zankura muse nehue. Tamagri tamazeri tamagaze hunakuro ompage, tamata neraminketa tamagu'a rukrehe hanazegure. Na'ankure Anumzamo, vahe'amo'za erisazeguma avenesiankna tasuza e'nerisunkeno, tamaza hanigeta tagripintira mago'a knazana e'origahaze.

Revalesen-Hufo Hu'ne 3:19

Nagrama navesizmantoa nagamofona hanavetina, zmazeri fatgo nehu'na, zmavumarora nentoe. E'ina hu'negu knare tamavu'tmavama huzanku nentahitma, tamagu'a rukrehe huta fatgo huta maniho.