2 Korinti 6:8 - Kamano

⁸ mago'amo'za rantagia neramizageno, mago'amo'za husaga hunorantaze. Tamage kea hunerantazageno, havige kea hunerantaze. Tagra tamage vahe mni'nonanagi, krunagea vahere hunerantaze.

Anumzamofo Routage Avantafere

⁸ mago'amo'za rantagia neramizageno, mago'amo'za husaga hunorantaze. Tamage kea hunerantazageno, havige kea hunerantaze. Tagra tamage vahe mani'nonanagi, krunage vahere hunerantaze.

2 Korinti 6:8 ပူးပေါင်းရင်းမြစ်များ

Matiu 10:25

Amne amage'a nentea ne'mo'a rempima humi ne'a knara hugahie, hanigeno kazokzo eri'za vahe'mo'a kva ne'agna hugahie. Hagi mago nagamofo ugotama huzmante'neasia ne'kuma ugagota hankrore (Belzabul) haniana, naga'amofonena mago'ane havi zamagi zamigahie!

Matiu 22:16

Hute'za zamagri zmage nentaza naga'ene, Herodima amage nentaza disaipol naga'ane, magoka huzmantage'za Jisasinte vu'za anage hu'naze. Rempi huzami nere, tagra antahi'none, Kagra tamage ne'tfa mni'nenka, tamage ke'moma hu'nea kante antenka Anumzamofo kankura rempi hunezmine. Mago'mofonkukera nosane, na'ankure mago'mofontega nontane.

Matiu 27:63

amanage hu'naze. Ra nemoke ana havige ne'mo ofri mani'neno amanage hu'ne. Frite'na tagufa kna mnitena, ete otigahue hu'nea kegu nentahune.

Maki 12:14

Zamagrama Jisasinte'ma ne-eza anage hu'naze, Hurami ne'moka, tagra antahi'none, kagra tamagege nehunka, mago vahekura koro nosunka, havi vahe'ene fatgo vahe'ene mago'zanke hunka Anumzamofo fatgo kankura rempi huneraminketa nentahune. Hagi knare Sisana takesia amigahumpi omigahune?

Joni 7:12

Jisasinku ana vahe kevufinti sumi ke ohumi ahumi hu'za Agra knare Ne' mani'ne, nehzage'za ruga'amo'za huza a'o havi ne'kino, vahera zamavreno havi kante nevie hu'naze.

Aposol 10:22

Hige'za zamagra anage hu'naze, mago sondia vahe kva nera, Koniliasi'e megi'a ne'mo fatgo huno Anumzamofonku kore nehia nekino, mika Jiu vahe krerafamo knare nere hu'za nehaza ne'mofo Ruotge hu'nea ankeromo asamigeno, kagriku noniarega eno keaga eme nasminkena antahineno huno hurantegeta e'none.

Aposol 16:39

Ana hute'za vu'za Polina zamasunku ke ome huznantete'za, zanavre'za atirami'za ama ran (siti) kumara atreta vi'o hu'za mago'ane huzanante'naze.

Aposol 22:12

Ana kumate mago nera mani'neana agi'a Ananaisi kasegemofo avariri fatgo nehige'za, anampima nemni'za maka Jiu vahe'mo'za, knare nere nehaza ne'mo,

Aposol 24:5

Tagrama keta eri fore hunana ama'na nera hazanke nere, rama'a vahe zamazeri agrarega anteno, maka kokantega Jiu vahera keha renezmanteno, Nazarenie nehaza mono naga'mokizmi kva mani'ne.

Aposol 28:22

Hianagi menina kagripinti kema antahinaku nehune, na'ankure mika kotegati vahe'mo'za antahu'nana ama ana kevugura (sekt) huhaviza huneramantaze.

Aposol 4:21

Anama hu'za mago'ane korekema huznantete'za, kina huzanante kankmuna hake'za eri fore osu'za hu'zanantage'ne vu'na'e. Na'ankure ana mika vahe'mo'za e'inahu zama fore hiazankura Anumzamofo ra agi amizage'za nege'za, vaheku koro hu'naze.

Aposol 5:13

Magore hu'za anampintira zamagripina hageorafi'nazanagi, mika vahe'moza kentahiza, agazone hunezmante'za husga huzmante'naze.

Aposol 6:3

E'ina hu'negu tafuhete, tamagra amu'no tamifinti keso'e hutma 7ni'a vahema zamu'zmamo knare'ma hu'nesnia vahe'ma, Avamu'ene knare antahi'zamo'ma avitenesia vahe zamazeri otinke'za, esageta tagra ama erizana refako huta zamazampi antesune.

Romu 3:8

Hagi mago'amo'za tananke nekafriankna hu'za kegaga zamifintira kea nehu'za, mago'ane kumira nehanunkeno knare'za efore hanie hu'za nehaze. Iza'o e'inahukna nanekema nehanimofona kna erinogu nehie.

2 Korinti 1:18

Hu'neanagi Anumzamo'a Agra'a ke'are oti ne'kina, tagranema neramasamuna nanekemo'a, tamagema huta izo hanuta, izo hugahune. I'oma hanuta, i'o hugahune.

2 Korinti 11:21

Nasunku huanki tagrira hanavetia omaneneankita e'ima hazazana osugahune! Hianagi mago vahe'mo'ma agra'a avufgama erisaga hinkena, nagranena anazanke hu'na navufga erisaga hugahue.

2 Korinti 12:16

E'inahukna hu'negu tamage hu'na knazana noramue. Hianagi tamagrama antahizana krunage nehuno musufasenaku nehie hutma nagrikura neheze.

2 Korinti 4:2

Hianagi tagra agazegu huno oku'a huga avu'avara nosune, vahe'mokizmi rezmatga huta zmazeri havizahu avu'avazana nosuta, Anumzamofo kegaga eriruvahe huta vahe'mokizmia rezmatga nosune. Hianagi Anumzamofo avure ene vahe'mokizmi antahizampina, tagripina tamage'zamo eama hanigeza kegahaze.

1 Tesalonaika 2:3

Tagrira oku'a antahintahitia omnene, tamagri'ma tagrarega tamavrenenteta, havige huta reramatga nosune.

1 Timoti 3:7

Hagi monopi omani megi'a vahe'mo'za nege'za, knare nere nehnageno, agra havi avu'avapina uramino Sata krifufina ohegahie.

1 Timoti 4:10

Amana zante amuho huta eri'zana enerita mragu'za netune, na'ankure kasefa huno mani'nea Anumzamo'ma esnigu tagra tamentinti nehune, mika zamentinti nehza vahe zamahokehe nere. (Savior)

Hibru 13:13

Hu'negu kuma'mofo fegu'a Agrite nevuta, Agrama hu'neaza huta tagazezana erigahune.

1 Pita 4:14

Hanki Kraisi agi tamagripi me'nenige'za, tamazeri haviza hanazana, asomu erigahazanki muse hiho. Na'ankure hanavenentake msa'ane Avamu'ene Anumzamo'enena tamagrane mani'ne.

3 Joni 1:12

Demitriasinkura rama'a vahe'mo'za huama hunentageno, tamage kemo'enena huama hunte'ne. Tagranena anazanke huta huama nehunkenka, kagra antahinka kenka hu'nane, tagrama hunankemo'a tamage me'ne.

Revalesen-Hufo Hu'ne 3:9

Ko, Sata mono nagamo'za hu'za, Jiu vahe mani'none nehu'za havige nehaza vahera, Nagra zmatufesuge'za e'za, tamagri tamagafi eme zmare'nare'za, tamage Nagra tamavesi neramantoe hu'za, zamagra ke'za antahiza hugahaze.