2 Korinti 6:6 - Kamano

⁶ manifatgo huta nemanita, antahintahia e'nerita, akoheta nemanita, so'e avu'avazana nehuta, Ruotge Avamupina nemnita, tamage avesizamofo avu'avazana nehuta,

Anumzamofo Routage Avantafere

⁶ manifatgo huta nemanita, antahintahia e'nerita, akoheta nemanita, so'e avu'ava zana nehuta, Ruotge Avamupina nemanita, tamage avesizamofo avu'ava zana nehuta,

2 Korinti 6:6 ပူးပေါင်းရင်းမြစ်များ

Romu 12:9

Tamage hutma vahe'mofona zmavesizmanteho. Kefo avu'avazana tamagena hunenteta, knare avu'avazana azeri hankavetiho.

Romu 15:19

Ruotge Avamumofo hankavefine, avame'zane, ruzahu ruzahu'za kaguvaza erifore hu'zamofo hanavere, Kraisi musenkea Jerusaleti huama hu'na Ilirikium kaziga (Masedonia-Italy) ome huvgare'noe.

1 Korinti 12:8

Hagi mago'mofona Avamupina knare antahintahiza (wisdom) nemino, mago'mofona ama' antahi'za (knowledge) nemie. Hianagi magoke Avamu'mo,

1 Korinti 13:4

Avesinte'zana, agazone huno mni'zane, avesinte'zana so'e avu'ava hu'zane, avesinte'zana kenunu hu'za omneno, ra agi eri'zana omne'ne, avesinte'zana avufga ra hu avu'ava hu'zana omne'ne,

1 Korinti 2:16

Iza Ramofo agu'agesa antahino keno nehuno antahintahia amigahie? hu'ne. (Aisa 40:13) Hianagi Kraisi antahintahizana, tagra eri'none.

1 Korinti 2:4

rempima hunerami'na, nanekema huama nehuana, tamagri tmagu'a eri vakanenaku knare antahintahi zampintira osu'noanki, Ruotge Avamumo hihamu hanave'a erinte ama nehie.

2 Korinti 1:23

Hianagi, Anumzamoke nagri nagu'namena keno antahino hu'ne. Nagra tamage nehuankino Anumzamoke ana tamage keni'a refko hunantegahie. Ana agafare Korinti kumatera mago'ane ome'noe, na'ankure nagra hanave kefinti eme tamazeri fatgo osugahue.

2 Korinti 11:11

Na'a hige'na e'inahu naneke nehue? Tamagrikura nave'nosifi? A'o tamagrikura navenesie, Anumzamo'a antahine.

2 Korinti 11:4

Tagra Jisasi naneke nermasamunketma nentahitma, Ruotge Avamura e'nerita nanekema tamasamunana antahi rami'naze. Hianagi tamagra atrazageno ru vahe'mo'za ne-eza, ru mago Jisasi nanekene, ru Avamumofo naneke nermasmigeta, nentahita fru hutma ana nanekemofo amage nentaze.

2 Korinti 11:6

Hianagi nagranena naneke hu'zana rempi hu'na ontahi'noanagi, antahintahi zania me'ne. Hakare kampinti, eriama hu'nogeta makazana ke'naze.

2 Korinti 12:15

Tamagri manizanku hu'na nagra navufgane, maka'zaniane neramue. Hagi rama'azampima navesineramantesugeta, tamagra osi'a tamavesinantegahazo?

2 Korinti 13:10

Na'ankure tamagri'enena omani'noanagi, ama agafare avona krenetamuanki'na, nagrama tamagranema manisuna knazana ontaminaku nehue. Ramo'ma himamuma nami'nea hanavereti, tamazeri haviza hunakura nosuanki, tamazeri hanavetisugeta hagetma tamentintifina marerisazegu nehue.

2 Korinti 2:10

Hagi tamagrama mago vahema kumizmi atrezamantesazana, nagranena kumizmia atrenezmantoe. Na'ankure nagra kumizmia atrenezmantoe, [kumima atrezmantegazama menenkena tamage huna atrenezmantoe], Kraisi avurera tamagrama knarema hanagu atrenezamantoe.

2 Korinti 2:4

Narimpamo'a tusigna nehige'na zavi netena, ama avona kreneramue. Tamarimpa tamazeri kna hunakurompage, nagrama nagu'afima navesineramantoaza antahiama hnazegu kreneramue.

2 Korinti 3:3

Kraisintegati kretregeno e'nea avontafe kna huta eama nehazageta, tagra kegva nehune. Ana avona avo zotaretira onkre'neanki, kasefa huno mani'nea Anumzamofo Avamuteti krente'ne. Hagi ana avona havere kreonte'neanki, vahe'mofo tumopi krentene.

2 Korinti 4:6

E'ina hu'negu korapara Anumzamo huno, hanimpina tavimo'a remsa hino hu'nemofo masamo, tagrite emani'neno tavi'a taguafina remsa nehigeta, tagra Jisasi Kraisi avugosa negeta, tagra tusi'a msane hanavene ke'noe.

2 Korinti 7:2

Tamagra tamarimpa tamiho. Tagra mago vahera havizana huonte'none, mago vahera azeri haviza osu'none, mago vahera tagra knare'zankura revatga huta azeri haviza osu'none.

Galesia 3:2

Nagra mago'za tamagripintira kena erifore hu'za hue. Tamagrama Ruotge Avamuma eri'nazana, kasegemofo erizanteti eri'nazafi, ke nentahita tamentinti nehuta eri'naze.

Galesia 3:5

Anumzamo'ma Ruotge Avamu'a neramamino, kaguvazama tamagripima erifore hu'neana, Mosese kasege avaririzageno anara hu'nefi? Anumzamofo ke nentahita, Agrite tamamentinti hzageno anara hu'ne?

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Efesasi 3:4

Kegahazema hu'na kre'noa avoma hamprisuta antahi'zaniafi oku'a me'nea antahi'zama Kraisinku'ma hu'noa kea tamagra antahi ama hugahaze.

Efesasi 4:2

Tamavufga anteramitma, agazone hutma ru vahe'ene nemnitma, ke hakare osutma fru hutma, vahe'mofo antahizamitma zamesi zamantegahaze.

Efesasi 4:32

Agazone hutma vaheku tamasuntgi nezmantetma, Kraisimpi kumitia Anumzamo eri atre'rante'neankna hutma, kumi'zmia atre'zmanteho.

Kolosi 1:27

Anumzamo'a Agra'a avesite oku'a me'nea kea taveri hu'ne. Ama ana kea knare hu'neankino, maka vahemokizmi zamaza hugahie. Ama ana kea Kraisi agra tamagrane mani'neakino tamavreno vanigetma so'ezana kuma'afinti ome erigahaze.

Kolosi 2:3

E'i Agripi miko knare antahintahizamo'ene, miko antahizana frakino, zgo nompi me'neakna huno me'ne.

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

1 Tesalonaika 2:10

Tamagra antahinazageno, Anumzamo'enena tamamentintima Kraisintema nehaza nagamotare'ma hunona ruotage tavutavara, tageno antahino hu'ne. Tagra fatgo tavutavara Anumzamofo avufi nehuta, havi tavutavazana osu'none.

1 Timoti 4:12

Atregeno mago vahe'mo'a nehza ne' mani'nane huno kagehenkamu otreno, hianagi zamentintima nehza nagatera avame zankna hunka keka'afine, kavu kvapine, zamesi zamante zane, kamentintifine, agru hu'zane, huzmeri hugahane.

1 Timoti 5:2

ranra a'nea negrerama hunentana kna hunentenka, kahefa a'nea, negasaroma hunentanankna hunka knare antahintahifi fatgo kazigati kva huzmanto.

2 Timoti 3:10

Timotiga rempi hunezmua kere nevaririne, nagri mani'zane, mago'za hunaku nagesa antahuane, namentinti huane, kfegfa osu'na ako nehena, navesi nezmante'na, knafi nemni'na anazanku osu kazigzi nehua zante nevaririne.

2 Timoti 4:2

knare nanekea huzamasmio, kva hu'nenka kna'arero amne knarero, havi knarera zamazeri fatgo nehunka, hazenke hanazana, hanave kefinti zamazeri fatgo nehunka, kzone kefinti zamazeri fru nehunka, kavesra osunka kazigzi hunka knare naneke huama huo.

Taitus 2:7

Hakare'zama hanampina knare avu'ava huzamio. Huzameri hanampina zokago vakago osunka tamage ke'age nehunka,

Jemisi 3:17

Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.

1 Pita 1:12

Zamagrite'ma eriamama hiana zmagra'a zamaza nosazanagi, tamagriku knare musenkema huama hazafina, monafinti'ma e'nea Ruotge Avamumofo hanavere huama nehaze. Ankero vahe'mo'za anama huamama hzazama kesagura, tusiza huno zmavesi'ne.

1 Pita 1:22

Tamagrama tamage kerema amagema antetma nevazazamo, tamazeri agru tamagu tamena higetma, neramafuma ovesinte avesinte tamagu'areti nehutma, tamaguareti hutma mago magomota ovesinte avesintea nehaze.

1 Joni 3:18

Osi mofavre naganimote kereti'ene tagitetikera tavesi negantone huta osanune. Hianagi tavutvapi erinteta tamage huta zamesi zamantesune.