2 Korinti 6:1 - Kamano

¹ Tagra eri'zama e'nerunana magoka Anumzamo'ene e'neruna nagamota hankavetita neramasmune, Anumzamofo asunku'zana eriteta, atrenkeno amnezanknara osino.

Anumzamofo Routage Avantafere

¹ Hagi tagra eri'zama e'nerunana magoka Anumzamo'ene e'neruna nagamota hankavetita neramasmune, Anumzamofo asunku'zana eriteta, atrenkeno amnezanknara osino.

2 Korinti 6:1 ပူးပေါင်းရင်းမြစ်များ

Matiu 23:37

Jerusale vahere, Jerusale vahere. Kasnampa vahe zamahenefritma, huzmantege'za tmagritega aza vahera have knonu zmahe'naze. Nama'a kna mofavre'zgatmia kokoremo anenta'a zga agekonanu zmazeri atru huno refite zmanteankna hunaku nehuanagi tamagria tamavenosie.

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Aposol 14:3

Ana hazageno mago'a knafina anantega mani'neke, mono kea hanavetike Ramofonkura nehune, asunku'zamofo kea nehakeno, avame'zane kaguvazanena zanagri znazampi eri fore hu'ne.

Romu 12:1

E'ina hu'negu, nafu'naganaheta tamantahinegoe, Anumzamo asuragirmante'nea zanku nentahitma, tamagra'a asimu erino manineno, Anumzamofonte kre sramna viankna hutma amivareta tamavufa nemita, mani ruotge nehutma, Anumzamofo ragi amiho. E'i avamupima mono huzamofo tamavutmavare.

1 Korinti 3:9

Na'ankure tagra Anumzamofo eri'za vahe manuketa, tamagra Anumzamofo hozane, nonkna hutma mani'naze.

2 Korinti 10:1

Nagrani'a Poli'na, Kraisi anterami avu'avazampinti'ene fru avu'avazanteti tamantahinegoe. Nagra tamagranema mani'nena fru avu'ava huramante'noanagi, afete'ma mani'nena hanave naneke huneramantoe.

Galesia 2:21

Nagra Anumzamofona asunku'zana namage'na hunemi'na eri amnezankna osugahue. Tagrama kasegema avaririsunkeno, Anumzamo taguvazigahie hanunkeno'a, Jisasi'ma frino tazeri agruma hu'neazamo'a amnezakna hugahie.

Galesia 3:4

Nagrama nagesama antahuana tamagrama ko'ma knazama eri'nazana, amane eri'nazo? Nagrama nagesa antahuana amne knazana e'ori'naze.

1 Tesalonaika 3:5

E'ina agafare nagrama avega antena manigama nosuna, reramatagamahu ne'moma reramatga huzanku koro nehuna, tagrama erizama tamagripima eri'nona erizamo amnezankna huzanku, tamamentinti eme kenogu nagra Timoti hunte'noe.

Taitus 2:11

Hu'neanagi Anumzamofo asunku zamo vahe avare'zana hakare vahete erino efore hu'ne.

Hibru 12:15

Anumzamofo asunkuzampintima evuramizankura ogava agava hiho. Atrenkeno tamarimpa hezamo'a, tamagu'afina akara heno hazenkezana avreno omena, anazantetira miko vahe'mo'za havizana osiho.

Hibru 12:25

Kema neramasamia Anumzamofo kema rutregezankura kava hiho. Na'ankure Israeli vahe'mo'za Sainai agonareti kema zamasamige'za rutagre'nazana Agrira agate'orenazanki, tagra inakna huta monafinti kema rutragesunana Agrira agateregahune?

Hibru 4:1

E'ina hu'negu manifruhu kumapi ufregahaze huno huvempama hu'nea knama menesire, mago'tamimo'ma ana manifru hu kumapima uofre'zankura, kore nehutma kva hiho.

1 Pita 4:10

Magoke magokemotma Anumzamo'a so'e musezama'a taminegu, ana musezanteti rumokizmia so'e tamavutamavaza hunezmantenkeno Anumzamofo so'e avu'avazamo'a, tamagripina aviteno vino.