2 Korinti 2:7 - Kamano

⁷ Ru arimpa haviza hu'zamo azeri haviza hanigeno asunkuzampi mani'zankura, kumi'a atrenenteta azeri so'e hiho.

Anumzamofo Routage Avantafere

⁷ Ru arimpagna hu'zamo azeri haviza hanigeno asunkuzampi mani'zankura, kumi'a atrenenteta azeri so'e hiho.

2 Korinti 2:7 ပူးပေါင်းရင်းမြစ်များ

Proveps-Knare Nomaniza 1:12

Fri vahe kumamo'ma vahe'ma zamasgahu nevaziankna huta, zamasimuma eri'za mani'naza vahera zmahe frisune.

Proveps-Knare Nomaniza 17:22

Musema huno mani'zamo'a, tusazamo vahera azeri so'e higeno maniankna nehie. Hianagi vahe'mofo antahizamo'ma havizama haniana, havi krimo zaferinafi me'neno azeri haviza hiankna hu'ne.

1 Korinti 15:54

Hu'neanagi ana kasri avufgamo onkasri tvufga erisigeno'a, fri avufgamo'a ofri avufga erina, avontafepi amanage huno kre'nea kemo e'ama hugahie: fri'zana Anumzamo ahe fanane hugahie! (Aisa 25:8)

2 Korinti 2:8

Ana hu'negu nagra huhankaveti'na nehuanki, tamagrama tamavesi'nentaza zana erinte ama hinke'za keho.

2 Korinti 5:4

Tagrama ama mopafi tavufgare'ma mani'neta tusiza huta kragira nerune. Na'akure tagra tavufa tavapako omnita kukena hunaku nehune. Hianagi monare kukena antaninunkeno asimuma erino manizamo fri tavufga ahe fanane hanigeta, mevava tavufga erigahune.

2 Korinti 7:10

Na'ankure Anumzamo'a tagripima me'nea tasunku zampi huvazino taza hanigeta, kumira atreta tagu'a rukrehe hanunkeno taguravazina, tagra knazantigura tagesa ontahigahune. Hianagi tasunkuke nehuta tagu'a rukrehema osnunana, fri'za erifore hugahie.

Efesasi 4:32

Agazone hutma vaheku tamasuntgi nezmantetma, Kraisimpi kumitia Anumzamo eri atre'rante'neankna hutma, kumi'zmia atre'zmanteho.

Filipai 2:27

Na'ankure tamage krima eri'neana frikante ruhiza huteno kanamre'ne. Hianagi Anumzamo asuntagi ante'ne, agri'keku anara osu'ne, nagriku'ene huno ana hu'ne, ana hina nasuzamo agofetu agofetu hu'zanku, azeri oti'ne.

Kolosi 3:13

Mago'moma havizama hugantenesigenka ana knazana e'nerinka, Ramo'ma kumika'a atreganteneaza hunka ana havizama hugantenesimofona, havizama'a atrento.

1 Tesalonaika 4:13

Nafuhegta, mono nerafuza koma fri'namo'za nankna hugahazafi, tamagra ketma antahitma nehutma, Jisasi'ma esigu amuhama nosaza vahe'mo'za zavimanetaza zana osugahaze.

2 Tesalonaika 3:6

Menina nenafugata anage huta hanave kea neramasamune, Ranti Jisasi Kraisi agifina, erizama eri naneke rempima hunezamunke'za novaririza, feru nemaniza tafuhe'ina zmatretma ogantu maniho.