2 Korinti 11:3 - Kamano

³ Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

Anumzamofo Routage Avantafere

³ Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevaza kana netreta tamagena humizanku nehue.

2 Korinti 11:3 ပူးပေါင်းရင်းမြစ်များ

Jenesis 3:1

Ra Anumzamo tmage huno maka zgagfa mopafi trohu zamante'nefintira, osifave'mofo antahi'zamo zamagatere'ne, hozafima me'nea zafa rgagura, Anumzamo tmagerfa huno mika one'o huranante'nefi?

Jenesis 3:13

Anante Ra Anumzamo ana a'ku huno, kagra e'izana naza hu'nane? Huno antahigegeno a'mo kenona hu'no, osifavemo renavatga hige'na tagi'na ne'noe.

Jenesis 3:20

Ana nemo'a nenaro agi'a Ivi'e huno ante'ne. Na'ankure mika vahe'mokizmi zamarera'zama hanigure huno antemi'ne.

Jenesis 3:4

Osifavemo'a a'mofonkura amanage hu'ne, tanagra ofrigaha'e.

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Joni 8:44

Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

Romu 12:8

Iza'o ru vahe'mokizmi zamazeri hankaveti musezama agripima me'nesigeno'a, zamazeri hankavetigahie. Hagi vevahu musezama agripima me'nesigeno'a, mago'a zankuma atupama hanaza vahera zamisige'za rama'a erigahaze. Hagi Anumzamo'ma vahe kva huzamante hankavema aminesiana, agra'a ana eri'zana agu'areti huno eriso'e huno erino. Hagi vahema so'e hunte musezama erinesimo'a, musezampinti so'e zana huzmaverino.

2 Korinti 1:12

Tagrama musema hunana, tamagra manuna knafina ama' tagutagesama tagu'afima e'nerita, hakareza hu'nazampi mni fatgo nehuta, ruotge huta nemnita, Anumzamofo so'e avu'avazante nemnita, ama mopafi antahizankura nontahize.

2 Korinti 11:20

Tamage, tamagra zamatrazage'za vahe'mo'za tamazeri kazokzo eri'za vahe kna huneramante'za, reramatga nehu'za, tamagripinti musufa e'neriza, zamagra zamufga eri sga nehu'za tamavugosafi neramahazageta ke nosaze.

2 Korinti 11:29

Mono vahe hanave'a omanegeno, nagrira hanaveni'a me'ne? Mago'mo kumipima ufregena, nagra narimpa kna hu'noe.

2 Korinti 2:17

Mago'amo'za zgo erigahune, nehu'za Anumzamofo naneke huama nehzana, tagria Anumzamo hurantegeta fatgo huta huama nehune. Huama nehunana Kraisi'a tagu'afi nemanigeta Anumzamofo avure huama' nehune.

2 Korinti 4:2

Hianagi tagra agazegu huno oku'a huga avu'avara nosune, vahe'mokizmi rezmatga huta zmazeri havizahu avu'avazana nosuta, Anumzamofo kegaga eriruvahe huta vahe'mokizmia rezmatga nosune. Hianagi Anumzamofo avure ene vahe'mokizmi antahizampina, tagripina tamage'zamo eama hanigeza kegahaze.

Galesia 1:6

Nagra antri hue, Anumzamo'a Jisasi asunkuzanteti tamagi hu'nea nagamota netretma, ruzahu musenkemofo amage nentaze.

Galesia 2:4

Hianagi havige mono nerafu'za mono vahekna hu'za atrumahumpi enefre'za, Kraisi Jisasimpi fruhuta mni'nonazana tavre'za korapa avu'avazampi kinarerante'naku efre'naze.

Galesia 3:1

Tamagra neginagi Galesia vahere, Nagra Jisasima rugeka zafare ahegeno fri'nea kea ko huama hugeta antahi'nazanagi, ina ne'mo antahintahitamia tamazeri savrira nehie?

Galesia 4:11

Tamagrikura tusi'za hu'na eri'zana eri'noankino, ana eri'zamo amnezankna huzankura nagra tusiza hu'na kore hue.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

Efesasi 4:22

Korapa ama mopafi kasri avu'avaza mani'zantamifi me'neane, maka havi tamagu tamagesa me'neane, havige avu'ava'zanena atreho.

Efesasi 6:24

Asunku zamo'a Ranti Jisas Kraisinku avesi nentaza vahepi me'nenkeno, avesi'ma nentaza zamo'a vga oregahie. Tamage.

Kolosi 2:18

Mago'mo'ma avanama kenesia zankuma huno, tamagra anteramita ankeromofo mono hunteho hanigetma, tamagra atrenekeno tamagrira tamazeri fenka otreno. E'inahu vahe'mo'za korapa zamarimpampfo avu'ava nevaririza, zamagrama antahizana zmagra'ake knare antahizana eri'none hu'za zmavufga ra nehaze.

Kolosi 2:4

Ama kema neramasamuana mago'mo atrenkeno knare masevenke'afinti reramatga osino.

Kolosi 2:8

Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi avamumofo hanavefinti e'neaza rempi huneramizanki, Kraisintegati enea'zana rempi hunoramize.

1 Tesalonaika 3:5

E'ina agafare nagrama avega antena manigama nosuna, reramatagamahu ne'moma reramatga huzanku koro nehuna, tagrama erizama tamagripima eri'nona erizamo amnezankna huzanku, tamamentinti eme kenogu nagra Timoti hunte'noe.

1 Timoti 1:3

Masedonia katre'na vunaku nehu'na, nagra tutu hugante'noe, Efesas mani'nenka havi mono huku hanaza nagara, anara osiho hunka nezmasminka,

1 Timoti 2:14

Adamuntera revatga zana fore osu'ne, hagi a'mofo revatga higeno, kumi'pina traka hu'ne.

2 Timoti 3:13

Hianagi havi vahe'mo'zane krunage nehza vahemo'zanena, haviza nehaza zampintira agtere'za tusi'a havizampi ufregahaze. Vahe'ma rezmatga nehza'zantera, ana zanke hu'za zamagri'enena rezmatga hugahaze.

Taitus 1:10

Na'ankure maka vahe'mo'za vugote'naza vahe kea ha' renente'za, rumokizmigu krunage nehu'za rezmatga nehzana Jiu nagama vene'ne zamufa tga nehaza naga'ene tragote'naza vahe'mo'za anara nehaze.

Hibru 13:9

Hu'negu atrenkeno ruzahu ruzahu kasefa antahintahizamo'a tamavazu huno afetera ovino. Tamaguamofona atrenkeno Anumzamofo asunkuzamo tamazeri hakavetino, mago'amo'za zmavu'zmava'zama avaririza ne'zama retro'ma hu'za nezamo'a, tamazeri hanavea notie.

2 Pita 3:17

Hagi ronenimote, e'inahuzana fore hugahie huna ko tamasami'noe! E'ina hanigeta havi vahe'mofo zamavuzmava'zamo tamavareno havi kante vuzankura kva hu'netma, traka huzankura oti hanavetiho.

2 Pita 3:3

Hu'neanangi tamagrama ketma antahitma hanazana, vgama reknafina, tamage kema huhaviza hu vahe'mo'za, tamage kemofona huhaviza nehu'za, zamagra'a havi zmaguzmagesa nevaririza,

1 Joni 2:18

Mofavre nagamote, hago vgare knafi one, ko'ma Kraisima huhaviza hunte havige anti Kraisi fore hugahie higetma antahi'naze. Menina Kraisima huhaviza hunte vahera havige anti Kraisi rama'a hago efore hu'naze. E'i anazama keta antahita nehuta, vgare knafi neone huta nehune.

1 Joni 4:1

Ronenimote, vahe'mo'za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na'ankure rama'a havige kasnampa vahera, ama mopafi vuno eno nehie.

Juti 1:4

Na'ankure mago'a mono ontahi vahe'mo'za onkazageno, ko rerakaure'za amuno tamifi efre'naze. Ana vahe'mo'za amanage hugahaze, Anumzamo'a kumira atre'nezamantea zanku amane havi avu'avara hugahune hu'za nehaze. E'inahukna vahe'mo'za inankna henka hugahaze, korapa refako huzamantene. Na'ankure Kva netimofo Ranti Jisas Kraisina ha'rentegahaze.

Revalesen-Hufo Hu'ne 12:15

Hanki ana osifavemo'a, ana ara ti mreno vaniegu agipinti tina ruvaritregeno, tusi'a ti hageaza huno ana ara avaririne.

Revalesen-Hufo Hu'ne 12:9

Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.

Revalesen-Hufo Hu'ne 20:2

agaza hunte osifavema, korapa osifavea, havi hankro, Sata ema nehazankino, eme azerino 1 tauseni'a zge kafu kina hunte'ne.