1 Timoti 6:17 - Kamano

¹⁷ Ama mopafi feno vahe mani'naza vahera huzamasmige'za, ana fenozantera zamufa ra osu'za, ana fenozantera zamentinti osiho, hianagi Anumzamofonte zamentinti hiho, Agrama maka'zama tmigeta eneruna'zanku huta muse hugahune.

Anumzamofo Routage Avantafere

¹⁷ Ama mopafi feno vahe mani'naza vahera huzamasmige'za, ana fenozantera zamufa ra osu'za, ana fenozantera zamentinti osiho, hianagi Anumzamofonte zamentintia hiho, Agrama maka'zama tamigeta enerunazanku huta muse hugahune.

1 Timoti 6:17 ပူးပေါင်းရင်းမြစ်များ

Jenesis 13:2

Menina Abramu'a afu'zgama, kolima, silvama huno tusi'a feno ne' hampre'ne.

Proveps-Knare Nomaniza 11:28

Iza'o rama'a fenoma ante'nesia zanku'ma antahintahima hanimo'a, evuramigahie. Hianagi fatgo vahe'mo'za zafamo amu eri mareankna hu'za, tre tre hugahaze.

Proveps-Knare Nomaniza 23:5

Kavuma keramage'ma hanankna huno, feno zankamo'a fanane hugahie. Na'ankure agekona eri atareno tumpa namamo hareno hampompi mareriankna huno, afe hugahie.

Proveps-Knare Nomaniza 27:24

Na'ankure, fenozamo'a mevava osanigeno, ragima erizamo'a mago naga nofitera meno ovugahie.

Proveps-Knare Nomaniza 30:9

Na'ankure nagrama rama'azama antesuna, namefi hunegamina ru Ra Anumzamoka kagena antahina osu'noe huge, ru namunte omanena musufa nesena, kagi eri haviza huzankura, avamente namio.

Matiu 12:32

Iza'o Vahe'mofo Mofavregu mago kema huhaviza hunte'sazana, Agra kumizmi'a atre zmantegahie. Hianagi iza'o Ruotge Avamumofonku huhaviza huntesaza vahera menine, henka'anena kumi zmi'a atre ozmantegahie.

Matiu 19:23

Jisasi'a amage'ma nentea disaipol nagara anage huno zmasamine, Tamage hu'na neramasmue, afufeno ne'mo mona kumate vunaku haniana, tusi amuho huntegahie.

Matiu 25:16

Anama kva amo'ma nevigeno, ame huno 5 tauseni'a zgoma eri'nea ne'mo'a, ana zgonuti eri'za erino mago'ane 5 tauseni'a zgo eri fore hu'ne.

Matiu 27:57

Kinaga segeno mago afufenone nera agi'a Josefe, Jisasi amage nentea ne' Arimatia kazigati e'ne.

Matiu 6:32

Na'ankure mono ontahi vahe'mo'za, miko zankura nehakaze. Na'ankure monafi nemnia Neramafa'a miko zankuma upama hu'nazana ko antahine.

Maki 10:24

Amagema nentaza disaipol nagamo'za antri ana kegura hu'naze. Hianagi mago'ene Jisasi'a anage huno zmasami'ne, mofavre naga'mote, Anumzamofo kumapima ufrezamo'a tusi'a amuho hu'ne!

Luku 19:2

mago nera Sakiasi'e nehaza nera, takesi zgo eneriza vahe'mokizmi kva nekino, afufeno ne' mani'ne.

Luku 3:11

Hu'za antahi'gageno, Joni'a, zamagari kenona anage huno zamasmi'ne, azagama tare kenama ante'nesamoka, magora onte'nesimofo ome fako humio, hagi azagama ne'zama ante'nesamoka, anazanke hunka fako huzamio.

Aposol 14:17

Hu'neanagi Agrama knare'zama hu'neana fraoki'neanki, monafinti kora atregeno runo ne'za raga rentegeno eri knare hunermanteno tmesia ne'zana neramino musezana tamagu'afina ante'ne.

Aposol 14:27

Zanagrama ehanatike mono vahezga eme zamazeri atru huteke, makazama Anumzamo'ma zanagripima hu'neazana nezamasmi'ne, megi'a vahete kama eri hagro hige'za zamentinti hu'naza ke zamasmi'na'e.

Aposol 17:25

Mago'a zankura atupara nosigeno vahe'mo'za zamazanu tro hu'za aza nosaze. Na'ankure agra'a asimu anteno mani'zana zamigeno zamasimu antageno, maka'zana hakare vahe'mofona nezamie.

Romu 11:20

E'i tamage, Jiu vahe'mo'za zmentinti osazagu hantgi nezmatreno, megi'a vahe'mota tamentinti hzagu tmazeri rukamre rmantene. Tamagra'agura antahisga osutma, Anumzamofonku koro hunteho.

Efesasi 5:5

Na'ankure tamagra antahi ankere'naze, monko'za nehza vahe'ene, kefo avu'ava nehaza vahe'ene, vahe'zante kezmasane nehaza vahe'ene, havi anumzante mono hunentaza vahe'mo'za, Kraisine, Anumzamofo kumara e'origahaze.

Kolosi 3:16

Atrenkeno Kraisi nanekemo'a tamagu'afina mevitenena, miko knare antahintahireti rempi hunezamita zmazeri fatgo nehutma, Anumzamofo avontafepi zgamera nehutma, krente zgamera nehutma, mono zgamera hutma Anumzamofona tamagu'areti susu huntegahaze.

1 Tesalonaika 1:9

Na'ankure rama'a vahe'mo'za tamagrama neravreta, havi anumzama tamefi hunemitma, kasefa huno mani'nea tamage Anumzamofontema tamamentinti hu'naza zana tasami'naze.

1 Timoti 1:3

Masedonia katre'na vunaku nehu'na, nagra tutu hugante'noe, Efesas mani'nenka havi mono huku hanaza nagara, anara osiho hunka nezmasminka,

1 Timoti 3:15

Hianagi mago'a zamo'ma nazerinke'na omesugenka, nagrama avoma kre troana kagra kenka antahinka hu'nane, vahe'mo'za inankna hu'za Anumzamofo nagara zamagra kegva hugahaze, kasefa huno mni'nea Anumzamofo mono nonte'ma, atru re'nea anumza zafa, tamage kemofo agafa'e.

1 Timoti 4:10

Amana zante amuho huta eri'zana enerita mragu'za netune, na'ankure kasefa huno mani'nea Anumzamo'ma esnigu tagra tamentinti nehune, mika zamentinti nehza vahe zamahokehe nere. (Savior)

1 Timoti 5:21

Anumzamofo avufine, Krais Jisasi avufine, huhampri zamante'nea ankero vahe'zmufi kasamuanki, ama nanekea amage' antenka vahera refko osunka, mago zanke hunka zamesi zamanto.

1 Timoti 6:13

Nagra Anumzamofo avufi negasmue, maka'zama asimu ami'nea ne'ene, Kraisi Jisasi tamage kema Pontias Pailoti avufima huama hu'negu,

1 Timoti 6:9

Ana hianagi feno vahe maniku hanaza vahe'mo'za, rezmatagafi evurami'za krifu aheaza hanageno, maka havi avu'avamofo zamesi'zampi negi vahe kna nehu'za, zamazeri haviza huzante kezmasane hanageno, ana vahera zamahe haviza huno havi kampi zamareno uramigahie.

2 Timoti 4:10

Na'ankure Demasi'a, ama mopafi zanku avenesigeno, nagrira natreno Tesalonaika kumate vu'ne. Kreseni'a Galesia kumate vigeno, Taitusi'a Dalmatia kumatega vu'ne.

Taitus 2:12

Tagri rempi huramino mono ontahi avu'avazane, ama mopafi zanku avesi'zanena atreho nehuno, hagi tmufa kva huta, fatgo huta anumza (godly) avu'avate ama kna'afina maniho,

Taitus 3:6

Anama hu'neana Jisasi Kraisi tzahu ne', Agripi Avamura azeri usasi okino tagi tregeno e'ne.

2 Pita 1:11

E'inahu kantema vnageno'a, Ranti Jisas Kraisi'ma taguvazi nemo'a, manivava kuma'amofo kafana anagi hagro hanigeta ufregahaze.