1 Timoti 3:16 - Kamano

¹⁶ Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.

Anumzamofo Routage Avantafere

¹⁶ Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava'a eriama higeno, ankero'moza kageno, Kraisi agi agenke hakare kaziga huama hazageno, miko mopane mopane vahe'mo'za zamentinti hazageno, tusi'a masanentake konariri'afi avreno mareri'ne.

1 Timoti 3:16 ပူးပေါင်းရင်းမြစ်များ

Matiu 1:23

Keho vene omni'nea a'mo mofavre amu'ene huno, Ne'mofavre ksentegahie, ana hanige'za zamagra Agri Agi'a Imanueli'e hugahaze, ana agima eri rukrahe haniana, Anumzamo tagrane mani'ne hu'ne. (Aisa 7:14)

Matiu 13:11

Jisasi'a ke nona huno, Anumzamofo kumapi oku'a me'nea zantmina kehogu tamaveri nehie. Hianagi zamagrira zmeri nosie.

Matiu 28:2

Ame huno tusi'a imikrefa erine, na'ankure Ramofo ankeromo monafinti eramino matite runkani re'naza have eme revahe hugantu atreno ana agofetu manine.

Matiu 3:16

mono tima frentegeno, Jisasi'a ana timpinti ame huno otino ankenarega mrerino ne-egeno, monamo hagro nehigeno, keana Anumzamofo Avamu'mo maho nma'gna huno akoheno eramino Jisasinte emani'ne.

Matiu 4:11

Anante Sata'a, Agrira atreno vige'za, ankero vahe'mo'za e'za Jisasina eme aza hu'naze.

Maki 1:13

Ka'ma kopi 40ti'a kna umani'negeno, Sata'a revatga hu'ne. Agra afizga kfane maninegeno, ankero vahe'mo'za aza hu'naze.

Maki 16:19

Anage huno zamasmitegeno, Anumzamo'a Jisasina avareno monafi marerino, azantmaga kaziga ome antegeno mani'ne.

Maki 16:5

Anante have kerigampi ufre'za kazana, mago nehaza ne'mo efeke kukena huno tmaga'a kaziga mani'negeno ome nege'za zmagogogu hu'naze.

Luku 2:32

Agra masagino maka megi'a vahetera remsa hunezmantena, Israeli vahe kamofona ra agi amigahie.

Luku 20:44

E'ina hu'negu Deviti'ma Ranimo'e hu'neana, inankna huno Deviti mofavrea Ramo'a manigahie?

Luku 22:43

anante monafinti mago ankeromo Agrite efore huno azeri hankavetine.

Luku 24:4

Avufa'a nonke'za tusi zamagesa nentahizageno, masanentake huno efeke kukena hu'na'a netremoke ame hune anante otinake'za,

Luku 24:51

Anama hunezmantegeno, Anumzamo'a avregeno zmatreno monafi mareri'ne.

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Joni 13:3

Jisasi'a antahi'ne, Nefa'a maka'zana Agri azampi ante'ne, Anumzamofonteti e'neankino, ete Anumzamofonte vugahie.

Joni 15:26

Tmazama hu'zama huntesugeno Nenfantegati tmagrite esuno'a, Agra Tmage Avamukino Nagri nagenkea eriama hugahie.

Joni 16:28

Nagra Nenfantegati e'na, ama mopafina e'noe, hianagi ama mopa ete atre'na Nenfa hirega vugahue.

Joni 17:5

Menia Nenfaga, Kagra kaziga navrento, korapa'ma mopa fore osu'nere mani'neta hu'no'a konariri zampi, Kagrane umanisu'e. (Eks-Utr 3:14)

Joni 20:12

tare ankero netremoke efe kukena hute'ne mani'nakeno, Jisasima antemse'nare znage'ne, mago'mo agama me'nea kaziga manigeno, mago'mo asenima me'nea kaziga manigeno hu'na'e.

Joni 6:62

Inankna hugahie, Vahe'mofo Mofavremo'ma negesageno ko'ma mani'nerega ete marerisigetma na'ane hugahaze?

Aposol 1:19

E'ina huno frige'za Jerusale kumate vahe'mo'za ana naneke nentahi'za ana mopagu Aramu kefi Hakaltemie hu'naze, zamagra kefina Korantmi'nea mope hu'naze.)

Aposol 10:34

Higeno Pita'a amanage hu'ne, tamagerafa hu'na menina antahue, Anumzamo'a rukna rukna huno vahera zamesi nozmanteanki, magoke avamente avesinezmante.

Aposol 14:27

Zanagrama ehanatike mono vahezga eme zamazeri atru huteke, makazama Anumzamo'ma zanagripima hu'neazana nezamasmi'ne, megi'a vahete kama eri hagro hige'za zamentinti hu'naza ke zamasmi'na'e.

Aposol 20:28

Tamagratmia kegva nehutma, lama afu kevua kegva hiho, Ruotge Avamu'mo tamazeri antegetma kva hu'naze. Agrama magoke Mofavre ama huntegeno koranteti'ma mizama ase'nea Anumzamofo mono nagara zamazeri fatgo hutma kavagri zamantegahaze.

Romu 10:12

Na'ankure mago'zamo'a Jiu vahe'ene megi'a vahe'mokigizmi amu'nonpina ruzahura osu'ne. Magoke Ramo ana mikamokizmi Rana mani'neno, Agritegama kezamatiza vahera rama'a asomu hunezmante.

Romu 10:18

Hu'neanagi nagra amanage hu'na nehue. Tamage Israeli vahe'mo'za ana nanenkea antahinafi? Izo zamagra antahi'naze. Anumzamofo avontafepi hu'neana, zmagenkemo'a ama mopamofona maka kaziga vuno eno hu'ne. Zamagri kemo'a maka kokankoka vuno eno hu'ne. (Sam-Zga 19:4)

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

Romu 16:26

Hianagi manivava Anumzamo huzamantege'za, kasnampa vahe'mo'za avontafepina krente'naze. Ama ana kemo'a megi'a vahete eama hige'za, maka kaziga vahe'mo'za negaze. Hu'negu zamagranena nege'za zamentinti nehu'za amage antesazegure.

Romu 3:4

I'o, Anumzamoke fatgo hu'neanki, maka vahe'mota havige vahe mani'none. Avontafepima krente'neana Kema hananana vahe'mo'za tamage hu'za nehnagenka kegagare kavrentesazana zamageteregahane hu'ne. (Sam-Zga 51:4)

Romu 8:3

Mosese kasegemo'a tazahugara osu'ne, na'ankure amega tavufgamo kumike hianagi, Anumzamo'a tazahunaku ru kankamu retro huno Agra'a Mofavre tamigeno mopafi avufga erino tagrikna hu'neanagi, Anumzamo Agra'a Mofavre museza tamigeno kumimofo hankavea ahe fanane hu'ne.

Romu 9:5

Zamagri nezmagehoma zmagima me'nea nagapinti Kraisi'a efore hu'ne. Kraisi'a, Agra Anumza mni'neno makazamofo aseni mni'negu maka knafina, Agrike agi'a hentesga huvava hugahune! Tamage.

1 Korinti 15:47

Kota nera mopafinti kugupa erino tro higeno asimura erino mni'ne. Hianagi henka nera Kraisi monafinkati e'ne.

1 Korinti 2:7

Tagrama nehunana Anumzamofo knare antahintahia, korapa oku'a retro huntegeno me'neazanku nehune. Ana antahintahizana mopa fore osu'negeno oku me'neana, e'i ana antahintahizana, menima tagrama knare hanunku retro hunte'ne.

2 Korinti 1:19

Na'ankure, Anumzamofo mofavre Jisasi Kraisi agi agenkema nagragi, Timotiki, Sailasiki hutama neramasmunana, Jisasi Kraisi, Anumzamofo nemofo'a Agra izoma nehuno'a, i'o osu Ne'mofo agenke huama huta neramasamune.

Galesia 2:8

Na'ankure zmufga tgahu Jiu vahempima Pitama aposol erizante huntegeno vu'nea Anumzamo, nagri'enena aposol erizana zmufga tga osu megi'a vahepina eriogu hunante'ne.

Galesia 4:4

Hianagi humante'nea kna fatgoma egeno'a, Anumzamo Mofavre'a huntegeno, a'mo ana Mofavre kasentegeno, kasegemofo agorga efore hu'ne.

Efesasi 1:9

Korapa Agri'a agu'afi oku'a me'nea antahi'za eriama huno taveri hu'ne. Kraisi'a zamaza hugahie huno agu'afi atre'nea tzahu'za, Agra'a eriama hu'ne.

Efesasi 6:19

Ana nehutma nagriku nunamu hutma antahigenkeno, nagira erioza hanige'na korera osu'na hanavetina oku'a me'nea naneke huama hu'na knare musenkea zamasmi'neno.

Kolosi 1:23

Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Kolosi 1:27

Anumzamo'a Agra'a avesite oku'a me'nea kea taveri hu'ne. Ama ana kea knare hu'neankino, maka vahemokizmi zamaza hugahie. Ama ana kea Kraisi agra tamagrane mani'neakino tamavreno vanigetma so'ezana kuma'afinti ome erigahaze.

Kolosi 1:6

Ana knare musenkemo'a tamagrite e'neankino, miko kokankoka ama ana knare musenkemo'a hageno raga'a renente. Tamagrama ese knazupa ana knare musenkema nentahitma, Anumzamofo asunkuzana tamage hutma antahi ama hu'naze.

Kolosi 2:2

Nagrama eri'zama e'neruazamofo agafa, zamagu'a zamazeri hankavenetisuge'za zmavesizampina erimago nehu'za, knare antahizampina avinetezma, Anumzamofo oku fraki'nea zama'a antahi ama hanazana, e'i Kraisi'e.

2 Tesalonaika 1:10

Anazama fore'ma haniana Ramoma ete esianknarera Agri vahe'ma mni'naza vahe'mo'zama ra agima nemisafina, tamagranena ana vahe amu'nompi maninetma, ra agi amigahaze. Na'ankure tagrama Agriku'ma huama hu'na kerera, tamagra tamentinti hu'naze.

2 Tesalonaika 2:7

Na'ankure kasegema rutagre hanavemo'a oku'a erizana ko e'neriankino, ana kama rehiza hu'nemofona azeri kami atretenkeno, kasegema rutagre ne'mo'a eama hugahie.

1 Timoti 3:9

e'inara osuno ani' agu' agesare mani'neno, Anumzamofonte hanave amentinti hu'neana, azeri hampo'na hino.

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

Hibru 12:2

Tagra tavuraga Jisasinte kentesune, tamentintima azeri knarema huzamofo agafa'a mani'ne. Na'ankure Agranena musezamo avega'antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani'ne.

Hibru 7:7

Hianagi mago kea huontegosune, asomuma nemia ne'mo'a asomu eneria nera agaterene.

Hibru 8:1

Tagrama nehunazamofo agafa'a ama'ne, tagrira Ugagota Prisi ne'tia monafinka mreri agaterenea kini trate Anumzamofo azantamaga kaziga mani'ne.

1 Pita 1:12

Zamagrite'ma eriamama hiana zmagra'a zamaza nosazanagi, tamagriku knare musenkema huama hazafina, monafinti'ma e'nea Ruotge Avamumofo hanavere huama nehaze. Ankero vahe'mo'za anama huamama hzazama kesagura, tusiza huno zmavesi'ne.

1 Pita 1:20

Na'ankure korapa Anumzamo'a, monane mopane tro osu'neno, tazama hanigura Kraisina huhamprinte'ne. Hianagi menina vgare knafina tamagri'ma tamaza hanigu efore hu'ne.

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

1 Pita 3:22

Hagi Jisasi'ma monafinka vuno Anumzamofo azantmaga umani'nege'za, maka ankero vahe'mo'zane, kegva hu'nazamozane, hanavemo'za, Agri agorga'a mani'naze.

1 Joni 1:2

Ana asimu'mo eama higeta tagra negeta, huama huta mevava asimura, Nefa ene me'nea tagrite eama hu'neazanku neramasmune.

1 Joni 3:5

Hanki tamagra antahi'naze, Jisas Kraisi'a efore'ma hu'neana kumi eri atre'naku e'neakino Agripina kumira omane'ne.

1 Joni 3:8

Mago'mo'ma kumi avu'ava himo'a, Sata vahe nemanie. Na'ankure Sata'a ese agafare kumi hu'negure. Ama ana agafare Anumzamofo mofavremo, eama huno Sata erizana eri haviza hu'naku mopafi efore hu'ne.

Revalesen-Hufo Hu'ne 17:5

Ana a'mofo kokovitera mago oku'a agi'a anage huno krente'neana, Babilonia tusi'a agatere kumare, monko a'nemokizmine, ama mopafi kasri avu'ava zantamimofo nezmarera'e huno krentene.

Revalesen-Hufo Hu'ne 17:7

Hagi ana ankeromo'a anage huno nasami'ne, nahigenka antria nehane? Ana a'ene, agofetu mni'no nevia afi zgagi, ana afi zgamofo 7ni'a agenopagi, 10ni'a pazive'ama me'neazamofo oku'a agu'agesa'a kasamigahue.

Revalesen-Hufo Hu'ne 7:9

Anazama hutegena kogeno, tusi'a vahekrefa mago'mo'e huno hamprigara osu'nea vahe'mo'za maka kumapinti ene, naga nofipinti ene, vahepinti ene, maka agerupinti ene, Sipisipi Afu Anentamofo tra'mofo avuga, efeke zaza kukena hu'ne'za, zmazampina tofe zafamofo ani'na hantagi'za erine'za oti'naze.