1 Tesalonaika 5:6 - Kamano

⁶ E'ina hu'negu atrenketa mago'amo'za nemasazaza huta omaseta, tavumo'a hari nehina, ama' antahintahi e'nerita kva huta manigahune.

Anumzamofo Routage Avantafere

⁶ E'ina hu'negu atrenketa mago'amo'za nemasazaza huta omaseta, tavumo'a hari nehina, ama' antahintahi e'nerita kva huta manigahune.

1 Tesalonaika 5:6 ပူးပေါင်းရင်းမြစ်များ

Proveps-Knare Nomaniza 19:15

Feru vahe'moka kavu mase vava hugahane. Hagi eriza e'ori vahe'moka nezanku frigahane.

Jona 1:6

Vase'negeno ana ventema azeneria ne'mo'a agrite eazamo, Nahigenka kagra kavura mase'nane? Otinka anumzankamofo agihanta vazio, kagri anumzamo'a tagrikura antahiramino tza hugahio, taza osugahio, tagra ofrisune!

Matiu 13:25

Hianagi avimaza aseteno umasenegeno, ha' vahe'amo havi traza'mofo avi ana witi hozafi eme neseno vu'ne.

Matiu 24:42

E'ina hu'negu kavua ketenka manio, na'ankure kagri Ramo'a nanknare egahio, kagra ontahi'nane.

Matiu 25:13

E'ina hu'negu kva huta maniho, na'ankure Vahe'mofo Mofavrema ete esiankna ontahi'naze.

Matiu 25:5

A'ma erinaku'ma hu'nea nera kora omegeno zamu toko hige'za mse'naze.

Matiu 26:38

amanage huno zamasmi'ne, nagu namemo'a tusiza huno kna nehuno, nazeri fri kante nevie. Amare mni'neta Nagrane kvahuta maniho.

Maki 13:37

Hanki tmagri'ma neramasmuana mifka veaku nehue. Kva huso'e hiho.

Luku 12:37

Kazokzo eriza vahe'mo'za, kva zmimoma esigu kva hu'za mni'nesaza vahe'mo'za muse hugahaze. Tmage hu'na neramasamue, Agra'a ana kva nemo amu'nofi nehuno, kukena'a eri atupa huteno, eri'za vahe'a hanige'za zmaza tununte mni kaginesageno, kavera agra eme zamigahie.

Luku 12:39

Hu'neanagi ama'nakea antahiho, mago nomofo nefama e'i knazupa kumzafa vahe'mo'za noni'a tagna vazigahaze huno antahinesuno'a, kvagrino mani'neno zmatresige'za noma'a tagna vaziza uofregahaze.

Luku 21:36

Hanki tamagra maka knafina kva hutma maninetma, nunamuna huvava nehutma, hankavetita mni'neta ana maka knazama efore'ma haniana agateneretma, Vahe'mofo Mofavrema esigura avega anteho.

Luku 22:46

anage huno zmasamine, nahigeta tamavura mase'naze? Reramahe'za esigetma traka hu'zanku, otitma nunamu hiho.

Aposol 20:31

E'ina hu'negu tamavura omase kava hute maniho, tamagesama antahi ankeresazana tagufa zagegfumofo agu'afina hanine zgenena ontagane'na kazigzi hu'na zavira nete'na, mago'mago'moka kavumarora ante'noe.

1 Korinti 15:34

Tamagra knare antahintahi enerita kumira osiho. Na'ankure mago'amotma Anumzamofona keta antahita osu'nazagu, ama kema nehuana tamagaze hinogu nehue.

1 Korinti 16:13

Kava nehuta, tamentinti zampi oti hanavenetita, korera osu hanavetita maniho.

Efesasi 2:3

Zamagri amu'nompina korapara tagranena anazanke huta maka havi tvesi'zante amage ante'none, tagu'afine amega tavufafine tave'manesiaza hutere nehuta, tagra ana kefozampi fore huta amage' nentonkeno, Anumzamofo asi vazi'zamo tagrite ene maka vahete ene e'ne.

Efesasi 5:14

Na'ankure hakarezama tvi'mo'ma eri ama nehigeno, e'i ana agafare amanage hu'ne, kavu'ma mse'namoka kavunaso, fri'pintira otio, Ana hanankeno Kraisi'a remsa hugantegahie. (Ais 26:19)

Efesasi 6:18

maka zupa nunamu huvava nehutma, nunamuna hutma antahigeho, ana nehanutma tamagra kva hu'netma kazigzi hutma maka eri'za vahekura (kristen) nunamu hutma Anumzamofona antahigeho.

Filipai 4:5

Tamagra atrenke'za knare tamavu'tmavara vahe'mo'za keho, Ramo esia kna tva'o nehie.

Kolosi 4:2

Nunamuma hu'zana azeri hankavetineta, kava huta mani'neta Anumzamofoma susuhunte avu'avazana otreho.

1 Tesalonaika 4:13

Nafuhegta, mono nerafuza koma fri'namo'za nankna hugahazafi, tamagra ketma antahitma nehutma, Jisasi'ma esigu amuhama nosaza vahe'mo'za zavimanetaza zana osugahaze.

1 Tesalonaika 5:10

Jisasi'a tagriku huno fri'neankita, fri'nazo tasimu erita mani'nono, tagra Agrane magopi manisunku huno fri'ne.

1 Tesalonaika 5:8

Hianagi tagra masare vahe mni'nonanki, atrenketa ama' tagutagesa nentahita, tamentintima huzane, vahe'ma avesinte avu'avazana tamimizare hanko reheriaza nehuta, Jisasi'ma taguvazino tavresiazanku nentahita amuhama nehunazana, fetori anteaza huta antegahune.

1 Timoti 2:15

Hu'neanagi a'nemo'za mofavrema kse nezmante'za, zamentinti nehu'za, ovesinte avesinte nehu'za, mani ruotage hu'za nemni'za, zamagu'ane zamagi'ene, kva hanaza zamo knare mani'za erigahaze.

1 Timoti 2:9

Nagri'ma navesiana, anahu'kna a'nemo'za zamavasese hanafina hugahaze, kukena knare'za hu'za masigahaze, kukena hanazana vahe'mo'za kezmasane hu'zane, zamanu zamazoka hane'zane, kolire trohuntenaza avasase zane, hage rimpinti zane (pearl), marerisa kukena osiho.

1 Timoti 3:11

A'ne zamimo'zanena anahu kna hu'za knare hu'za nemni'za, vahe zamefi'a ke osu'za, knare avu'ava hu'za fatgo zanke hakareza hanafina nehnage'za antahi zamigahaze.

1 Timoti 3:2

Kvama hania ne'mo'a amanahu hino, hazenke'a omneno, magoke a' anteno, manizama'a kva nehuno, fatgo zanke nehuno, avufa antermino nemnino, nantu antentesia vahe agampu nehuno, agra knare'za rempi huzmi ne' nemnino,

2 Timoti 4:5

Hu'neanagi kagra knare antahintahi e'nerinka, maka knaza fore hanifina katazana e'nerinka, kazigzi hunka Kraisintega vahera zamare anto, Anumzamo eri'zama kami'nea erizana erivgaro.

Taitus 2:12

Tagri rempi huramino mono ontahi avu'avazane, ama mopafi zanku avesi'zanena atreho nehuno, hagi tmufa kva huta, fatgo huta anumza (godly) avu'avate ama kna'afina maniho,

Taitus 2:6

Anahu kna hunka nehazave nagara zamumro antege'za, kegva hu'za maniho.

1 Pita 1:13

E'ina hu'negu retro huta antahintahitamia nemanita, tamavufgamofo avesizana kegva negritma, ana miko amuha zantamia, Jisasi'ma eama hanigeno, Anumzamo'a tamaza hania asunkuzante anteho.

1 Pita 4:7

Makazama vgaresia knamo'a, hago kofta hie, e'ina hu'negu antahintahia hu so'e nehutma, nunamuma hu tamavutamavamofo azeri hanavenetita, kazigazi hutma viho.

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

Revalesen-Hufo Hu'ne 16:15

Antahio, Nagra kumzafa vahe eaza hu'na egahue, iza'o kukena'ama huno omase otino mni'nenimo'a, muse hugahie. Ana nehuno avufga avapara ovanigeno, vahe'mo'za agaze avufga onkegahaze.

Revalesen-Hufo Hu'ne 3:2

Hanki otinka, kagripima fri vgaregenoma osiazama me'neazamoma fri'zama nehiana, azeri hanavetio. Na'ankure kagrima kagoana, Nagri Anumzamofo avurera, fatgo kavukvara nosane.